Galicia. Diario de Vigo

Na Galipedia, a Wikipedia en galego.
Galicia. Diario de Vigo.

Galicia. Diario de Vigo foi un xornal de ideoloxía galeguista que se editou en Vigo entre o 25 de xullo de 1922 e o 15 de setembro de 1926.

Historia[editar | editar a fonte]

O seu director foi Valentín Paz-Andrade, o xefe de redacción foi primeiro Manuel Lustres Rivas e logo Roberto Blanco Torres. Oposto á ditadura de Miguel Primo de Rivera, conseguiu sobrevivir pese ás presións gobernamentais ata 1926.

Un deses fitos fundamentais para a configuración da nova conciencia galega que as Irmandades da Fala agromaron foi, de certo, o xornal Galicia, non só por ser un aglutinante eficaz das plumas máis prestixiosas do galeguismo, poñéndoas ao alcance de gran número de lectores, senón tamén polo pulo renovador que desenvolveu dentro do panorama do xornalismo galego.

Ramón Piñeiro [1]

Entre os seus colaboradores estiveron Antón Losada Diéguez, Antón Villar Ponte, Ramón Villar Ponte, Vicente Risco, Xaime Quintanilla, Ramón Cabanillas, Manuel Antonio ou Rafael Dieste. Castelao publicou no xornal caricaturas baixo o título de "Cousas da Vida", que se fixeron inmensamente populares en case toda Galicia.

Os domingos publicaba un suplemento literario co título de Letras e Artes, no que colaboraron boa parte da intelectualidade galega da época.

Notas[editar | editar a fonte]

  1. "Presencia de Valentín Paz Andrade no galeguismo", en Varios: Homenaje a Valentín Paz Andrade, Diputación Provincial de Pontevedra, Vigo 1991. ISBN 84-86845-71-8.

Véxase tamén[editar | editar a fonte]

Ligazóns externas[editar | editar a fonte]