Walter Veltroni

Walter Veltroni
	;
Biografía
Nacemento	3 de xullo de 1955 (69 anos); Roma, Italia
Deputado da República Italiana
	22 de abril de 2008 – 14 de marzo de 2013 ; Lexislatura: 16th Legislature of Italy (en)
Secretary of the Democratic Party (en)
	14 de outubro de 2007 – 21 de febreiro de 2009 ; ← sen valor – Dario Franceschini →
Alcalde de Roma
	1 de xuño de 2001 – 13 de febreiro de 2008 ; ← Francesco Rutelli (pt) – Gianni Alemanno →
Deputado da República Italiana
	26 de maio de 2001 – 30 de maio de 2001 ; Lexislatura: 14th Legislature of Italy (en)
Eurodeputado
	Representa: Partido Democrático da Esquerda (pt) ; 20 de xullo de 1999 – 19 de xullo de 2004 ; Lexislatura: V lexislatura do Parlamento Europeo ; Circunscrición electoral: Italia ; Electo en: eleccións ao Parlamento Europeo de 1999
Vice President of the Council of Ministers of Italy (en)
	18 de maio de 1996 – 21 de outubro de 1998 ; Gabinete ministerial: Prodi I Cabinet (en)
Q55110543
	17 de maio de 1996 – 20 de outubro de 1998 ; Gabinete ministerial: Prodi I Cabinet (en)
Q55110776
	17 de maio de 1996 – 20 de outubro de 1998 ; Gabinete ministerial: Prodi I Cabinet (en)
Deputado da República Italiana
	29 de abril de 1996 – 29 de maio de 2001 ; Lexislatura: 13th Legislature of Italy (en)
Deputado da República Italiana
	1 de abril de 1994 – 8 de maio de 1996 ; Lexislatura: 12th Legislature of Italy (en)
Deputado da República Italiana
	16 de abril de 1992 – 14 de abril de 1994 ; Lexislatura: 11th Legislature of Italy (en)
Deputado da República Italiana
	27 de xuño de 1987 – 22 de abril de 1992 ; Lexislatura: 10th Legislature of Italy (en)
Datos persoais
País de nacionalidade	Italia
Actividade
Lugar de traballo	Estrasburgo ; Bruxelas ; Roma
Ocupación	político , director de cinema , xornalista , escritor , crítico de cinema
Partido político	Partido Democrático (2007–); Democratas de Esquerda (pt) (1998–2007); Partido Democrático da Esquerda (pt) (1991–1998); Italian Communist Youth Federation (en) (–1976); Partido Comunista Italiano (1976–1991)
Membro de	Câmara dos Deputados de Itália (pt) (2008–2012); Câmara dos Deputados de Itália (pt) (1987–2001)
Influencias	John F. Kennedy
Lingua	Lingua italiana e lingua eslovena
Familia
Pais	Vittorio Veltroni (pt) e Ivanka Kotnik (en)
Parentes	Ciril Kotnik (en) (avó materno)
	Premios (9 de outubro de 2003) Medal of the Oriental Republic of Uruguay (en) ; Cabaleiro da Gran Cruz da Orde ao Mérito da República Italiana; Oficial da Lexión de Honra ;
	Sinatura

Walter Veltroni, nado en Roma o 3 de xullo de 1955, é un político e xornalista italiano, secretario nacional do Partido Democrático e candidato a presidente do goberno nas eleccións lexislativas de 2008. Tamén foi alcalde de Roma nos últimos anos.

Traxectoria política

A carreira cara ao goberno

Walter Veltroni naceu nunha familia acomodada da capital italiana. O seu pai, Vittorio Veltroni, traballara de alto cargo da RAI e o seu avó, Ciril Kotnik, fora embaixador do reino de Iugoslavia na Santa Sé. Despois de rematar o bacharelato non proseguiu carreira universitaria, e dedicouse ao labor político e ao traballo como xornalista. Porén, licenciouse en xornalismo a mediados dos anos noventa.

O seu primeiro cargo político foi o de concelleiro en Roma polas listas do Partido Comunista Italiano, en 1976, con tan só 21 anos. Permanece nese cargo, sen responsabilidades de goberno, ata 1981. En 1987 é elixido deputado no Congreso italiano, e en 1988 figura xa no comité central do PCI. No seu seo, e como consecuencia da caída do muro de Berlín, apoia o sector aperturista e moderado de Achille Occhetto, que acaba fundando o Partido Democrático de Esquerda. En 1992 foi nomeado director de L'Unità, o xornal do partido, que dirixe durante dous anos.

En 1994 é proposto como candidato a liderar a súa formación enfrontándose a Massimo D'Alema, e sae derrotado. Dous anos máis tarde, e logo da vitoria da coalición de centroesquerda L'Ulivo, Romano Prodi, o novo presidente do goberno, noméao vicepresidente e ministro de Cultura e de Medio ambiente, con competencias ademais sobre os espectáculos e o deporte.

A alcaldía

En 1998 cae o primeiro goberno de Prodi e Veltroni céntrase na xestión do seu partido, que muda outra vez o nome, desta volta para Demócratas de Esquerda, ao entraren nel diversos sectores republicanistas, católicos, laicos, laboristas etc. É o seu partido quen en 2001 o presenta como candidato á alcaldía de Roma, e obtén o 53% dos votos, converténdose en alcalde e relegando á oposición ao conservador da Casa das Liberdades Antonio Tajani. Catro anos máis tarde é reelixido co 61,45% dos votos, derrotando nesta oportunidade a Gianni Alemanno.

O 23 de maio de 2007 entra a formar parte do consello nacional do larvario Partido Democrático, que pretendía substituír a anterior formación de Demócratas de Esquerda, e onde empeza a obter apoios para acceder ao posto de secretario xeral. Presenta a súa candidatura o 27 de xuño, cun programa baseado en catro piares: medio ambiente, pacto xeracional, educación e seguridade. O proceso de elección faise aberto a toda a cidadanía, e participan nel tres millóns de italianos, que o escollen claramente por diante dos outros candidatos: Rosy Bindi, Enrico Letta, Mario Adinolfi, Pier Giorgio Gawronski e Jacopo G. Schettini. A creación do Partido Democrático tivo lugar oficialmente pois, o 14 de outubro de 2007, día da convocatoria electoral.

Candidato a presidente do goberno

Cando a comezos de 2008 cae o segundo goberno Prodi, Veltroni postúlase como candidato e para iso dimite do seu cargo de alcalde o 13 de febreiro. As eleccións teñen lugar o 13 e 14 de abril, e Veltroni figura como número dous da lista de centroesquerda nas circunscricións de Sicilia II, Campania II, Lacio I e Lombardía I, ademais de ser o elixido como candidato a presidente do goberno pola coalición do Partido Democrático-A Italia dos Valores.

Predecesor: Antonio Paolucci	ministro de Cultura 1996-1998	Sucesor: Giovanna Melandri
Predecesor: Francesco Rutelli	alcalde de Roma 2001-2008	Sucesor: pendente de escolla

Obras

1977 - Il PCI e la questione giovanile, Roma, Newton Compton.
1978 - A dieci anni dal ’68. Intervista con Achille Occhetto, Roma, Editori Riuniti.
1981 - Il sogno degli anni '60. Un decennio da non dimenticare nei ricordi di 46 giovani di allora, Milán, Savelli.
1982 - Il calcio è una scienza da amare. 38 dichiarazioni d'amore al gioco piu bello del mondo, Milán, Savelli.
1988 - Diritto all'informazione e normativa anti-trust. La relazione illustrativa della proposta di legge dei gruppi del Pci e della Sinistra indipendente alla Camera sulla regolamentazione del sistema delle comunicazioni di massa. Roma, 23 maggio 1988, Roma, Commissione informazione e propaganda della Direzione del Pci.
1990 - Io e Berlusconi (e la Rai), Roma, Editori Riuniti.
1992 - I programmi che hanno cambiato l’Italia. Quarant'anni di televisione, Milán, Feltrinelli.
1993 - Il sogno spezzato. Le idee di Robert Kennedy, Milán, Baldini & Castoldi.
1994 - La sfida interrotta. Le idee di Enrico Berlinguer, Milán, Baldini & Castoldi.
1994 - Certi piccoli amori. Dizionario sentimentale dei film, Milán, Sperling & Kupfer.
1995, 1996 - La bella politica (un'intervista di Stefano Del Re), Milán, Rizzoli.
1995 - Carlo e Norberto Valentini, Veltroni. Al governo? Il Kennedy della sinistra italiana parla di sé, della politica, dei politici e disegna il futuro del nostro paese, Bologna, Carmenta.
1997 - Certi piccoli amori 2
1997 - Governare da sinistra
2000 - I Care
2000 - Forse Dio è malato. Diario di un viaggio africano
2003 - Il disco del mondo. Vita breve di Luca Flores, musicista
2004 - Senza Patricio (romanzo)
2006 - La scoperta dell'alba (romanzo)
2007 - Aspetta te stesso - Corriere della Sera - (Corti di carta, racconto)
2007 - Che cos'è la politica? (libro+DVD)
2007 - La nuova stagione. Contro tutti i conservatorismi.

Galardóns

Oficial da Lexión de Honra de Francia.
Cabaleiro da Gran Cruz de Italia

Vida persoal

É afeccionado ao baloncesto. É seareiro do Virtus Roma e presidente de honra da Liga de Baloncesto Italiana dende 2007. En fútbol apoia a Juventus. Está casado e ten dous fillos. É ateo.