Trento

Catedral de Trento escenario do concilio tridentino.

Trento (en italiano Trento, en alemán Trient, en latín Tridentum) é unha cidade situada na rexión italiana de Trentino-Alto Adige ou Trentino-Südtirol. É a capital da rexión e da provincia autónoma de Trento. Trento foi territorio austríaco cando Benito Mussolini entrou a traballar nun xornal da cidade en 1908.

Características

A poboación da cidade no 2001 era de 104.946 habitantes. A poboación vive nunha provincia que é completamente montañosa. A provincia comprende 6.207 km² e unha poboación de 477.017 (2001).

Está comunicado pola autoestrada A22-E45 cara a Verona e a Bolzano, Innsbruck e Múnic. Está atravesada pola vía de ferrocarril que une Italia con Alemaña.

Orixinariamente unha cidade celta conquistada despois polos romanos, Trento volveuse famosa co Concilio de Trento (1545-1563), co que se apoiou á Contra-Reforma. O adxectivo tridentino literalmente significa pertencente a Trento, pero debido ao Consello Tridentino, pódese referir tamén a este específico evento.

O río Fersina, afluente do río Adigio, pasa próximo a Trento.