Virna Lisi

Na Galipedia, a Wikipedia en galego.
Virna Lisi
Virna Lisi cropped.jpg
Lisi no 2011
Nome completo Virna Pieralisi
Nacemento 8 de novembro de 1936
Lugar Ancona, Italia
Falecemento 18 de decembro de 2014 (78 anos)
Lugar Roma, Italia
Nacionalidade Italia Italia
Cónxuxe(s) Franco Pesci (1960–2013)
Fillos sen etiquetar
Profesión Actriz

Virna Pieralisi, nada en Ancona o 8 de novembro de 1936 e finada en Roma o 18 de decembro de 2014 foi unha actriz italiana, coñecida como Virna Lisi.

Traxectoria[editar | editar a fonte]

Virna Lisi comezou a súa carreira cinematográfica na adolescencia. Foi descuberta en París por dous produtores napolitanos, Antonio Ferrigno e Ettore Pesce, e debutou en La corda d'acciaio (1953). Inicialmente fixo musicais como E Napoli canta (1953) e o grande éxito Questa è la vita (1954, co popular Totò). Porén, a súa beleza era máis valorada có seu talento.

A finais da década de 1950 actuou no teatro e durante a década seguinte participou en comedias e en dramas para a televisión. Apareceu tamén nun anuncio de pasta dentífrica en televisión cun slogan que se convertería nunha frase feita entre os italianos: "con quella bocca può dire ciò che vuole" (con esta boca, ela pode dicir o que queira).[1]

Escollida como unha nova Marilyn Monroe, Lisi debutou en Hollywood na comedia con Jack Lemmon How to Murder Your Wife (1965). Foi moi popular pola foto na que “afeitaba” a súa cara na portada de marzo de 1965 da revista Esquire.

Para superar os papeis de sedutora, Lisi buscou outro tipo de personaxes, participando en filmes como Casanova 70 e Le bambole (1965).

A principios da década de 1970 abandonou a interpretación temporalmente para ocuparse do seu home Franco Pesci e do seu fillo Corrado. Porén, o rexurdimento da súa carreira chegou axiña, cunha longa lista de producións, coma Máis aló do ben e do mal (1977), Ernesto (1979) e La cicala (1980). Polo filme A raíña Margot (1994) gañou un premio César e o premio do Festival de Cannes.[2]

Faleceu vítima do cancro en 2014.[3]

Filmografía[editar | editar a fonte]

Ano Filme Personaxe Notas
1953 La corda d'acciaio Stella
E Napoli canta Maria
1955 Le diciottenni Maria Rovani
Lo scapolo sen acreditar
Les Hussards Elisa
Luna nuova Lucia
1956 La donna del giorno Liliana Attenni
Il vetturale del Moncenisio Jeanne Thibaud
1959 Il mondo dei miracoli Laura Damiani
Il padrone delle ferriere Claire de Beaulieu
1961 Romolo e Remo Julia
1962 Eva Francesca Ferrara
1964 La Tulipe noire Caroline “Caro” Plantin
1965 Signore & signori Milena Zulian
How to Murder Your Wife Mrs. Ford
Le bambole Luisa (segmento "La telefonata")
Oggi, domani, dopodomani Dorothea (segmento "L'ora di punta")
Casanova 70 Gigliola
1966 Assault on a Queen Rosa Lucchesi
Not with My Wife, You Don't! Julie Ferris/Tenente Julietta Perodi
1967 La Vingt-cinquième Heure Suzanna Moritz
La Ragazza e il Generale Ada
Arabella Arabella
1968 Le dolci signore Luisa
The Girl Who Couldn't Say No Yolanda
Meglio vedova Rosa Minniti
1969 The Secret of Santa Vittoria Caterina Malatesta
The Christmas Tree Catherine Graziani
1970 Giochi particolari Claude
Le temps des loups Stella
1971 The Statue Rhonda Bolt
Roma Bene Duchess Silvia Santi
Un beau monstre Nathalie Revent
1972 Bluebeard Elga
Les galets d'Étretat Alny
1973 Zanna Bianca Sister Evangelina
Night Flight from Moscow Annabel Lee
1974 Il ritorno di Zanna Bianca Sister Evangelina
1977 Máis aló do ben e do mal Elisabeth Nietzsche
1979 Ernesto Nai de Ernesto
1980 La cicala Wilma Malinverni
1982 Sapore di mare Adriana
1984 Amarsi un po' Princesa Marisa Cellini
1987 Quérote Nova Iorke Anna Cotone
1989 I ragazzi di via Panisperna Nai de Ettore Majorana
Buon Natale... buon anno Elvira
1994 A raíña Margot Catarina de Medici
1996 Va' dove ti porta il cuore Olga
2002 Il più bel giorno della mia vita Irene
2015 Latin Lover Rita Filme póstumo

Notas[editar | editar a fonte]

  1. "Virna Lisi" (en Italian). Rai Uno. Consultado o 22 de decembro de 2014. 
  2. "Festival de Cannes: Queen Margot". festival-cannes.com. Consultado o 27 de agosto de 2009. 
  3. Vivarelli, Nick (18 de decembro de 2014). "Italian Actress Virna Lisi Dies At 78". Variety. 

Véxase tamén[editar | editar a fonte]

Ligazóns externas[editar | editar a fonte]