Vielha e Mijaran
Coordenadas: 42°42′15″N 0°47′46″L / 42.70417, -0.79611
| Vielha e Mijaran | ||
|---|---|---|
| ||
 | ||
| Igrexa de Vielha e Mijaran. | ||
| Localización | ||
 | ||
| País |  España | |
| Comunidade autónoma |  Cataluña | |
| Provincia | Lleida | |
| Comarca | Val de Arán | |
| Xeografía | ||
| Altitude | 980 msnm | |
| Superficie | 211,74 km² | |
| Demografía | ||
| Poboación | 5.633 hab. (2008) | |
| Densidade | 26,6 hab./km² | |
| Outros datos | ||
| Código postal | 25530 | |
| Alcalde | Juan Antonio Serrano Iglesias (Unitat d'Aran) | |
| www.vielha-mijaran.org | ||
.svg)
Vielha e Mijaran (en catalán: Viella i Mitjaran) é un municipio e localidade española situada na provincia de Lleida. É a capital comarcal do Val de Arán.
Limita ao norte co municipio de Canejan, ao noroeste e este con o municipio de Naut Aran, ao sur co municipio de Vilaller, ao oeste con Francia (departamento de Alto-Garona) e co municipio de Es Bòrdes, ao noroeste cos municipios de Vilamòs e Les.
Está situada a beiras do río Garona, a 980 metros de altura, e ten 5.633 habitantes (2008). É un centro turístico de primeira orde xa non só polo pobo, senón pola contorna natural do Val de Arán e as estacións de esquí entre as que destaca Baqueira Beret.
Este municipio formouse nos anos 70 do século XX pola unión dos pobos de Arròs e Vila, Betlan, Escunhau, Gausac, Vielha e Vilac.
Entidades de poboación[editar | editar a fonte]
- Arròs, 103 hab.
- Aubèrt, 122 hab.
- Betlan, 34 hab.
- Betren, 483 hab.
- Casarilh, 74 hab.
- Casau, 100 hab.
- Escunhau, 105 hab.
- Gausac, 566 hab.
- Mont, 28 hab.
- Montcorbau, 18 hab.
- Vielha, 3.156 hab.
- Vila, 31 hab.
- Vilac, 200 hab.
Sitios de interese[editar | editar a fonte]
- A Igrexa de Sant Miquèu, con elementos románicos e góticos (destaca a portada), nela atopamos o Cristo de Mijaran, talla románica considerada a principal mostra escultórica do Val de Arán.
- O Musèu dera Val d'Aran, instalado na Tor deth Generau Martinhon, casa señorial do século XVII que exhibe varios aspectos e elementos da xeoloxía, a vexetación, a fauna, a climatoloxía, a historia, a arqueoloxía, a arte, a lingua e a etnoloxía do val.
- Varias casas e pazos da zona vella de Vielha, como Çò de Rodés, Çò de Fedusa ou Çò de Burgaròl.
- A Fabrica dera Lan, edificio do século XIX adicado a mostrar a antiga industria da la.
- O Parador de Vielha, no monte Eth Castèth, construído en 1966.
- O Palai de Gèu, moderno polideportivo e pista de xeo, construído en 1994 e inaugurado polo entón presidente da Generalitat de Cataluña, Jordi Pujol.
