Victoria Benedictsson

Victoria Benedictsson

Biografía
Nacemento	(sv) Victoria Bruzelius 1850 Domme
Morte	21 de xullo do 1888 Copenhague
Causa da morte	Suicidio  (Desangramento )
Lugar de sepultura	Cemiterio Oeste (Copenhague)
Datos persoais
País de nacionalidade	Sueca
Actividade
Campo de traballo	Literatura
Ocupación	Escritora
Período de actividade	Século XIX
Xénero artístico	Novela, teatro
Movemento	Realismo
Pseudónimo literario	Ernst Ahlgren
Lingua	Sueco
Familia
Cónxuxe	Christian Benedictsson (1851–valor descoñecido)
Fillos	Hilma Margareta Segerstéen (en)
Nai	Helena Sofia Bruzelius (en)
Sinatura

Victoria Benedictsson, nada en Domme o 6 de marzo do 1850 e finada en Copenhague o 21 de xullo do 1888, foi unha escritora sueca. O seu nome de nacemento é Victoria Maria Bruzelius, e escribiu baixo o pseudónimo de Ernst Ahlgren. Entre as súas obras, destacan Cartos (1885) e Fru Marianne (1887).

Traxectoria

Benedictsson naceu nunha granxa de Domme, unha vila da provincia de Skåne. Aos 21, casou cun viúvo de 49 anos de Hörby, Christian Benedictsson, co que tería dúas fillas.

Logo de quedar encamada por unha enfermidade ósea, comezou a escribir, publicando a súa primeira escolma de relatos, Från Skåne, no 1884. Benedictsson suicidouse no Hotel Leopold de Copenhague o 21 de xullo do 1888. Foi soterrada no Cemiterio Oeste da capital dinamarquesa.

Obra

Victoria Benedictsson é, xunto con August Strindberg, unha das principais figuras do realismo sueco. Nas súas novelas, describiu as desigualdades do matrimonio e reflexionou sobre os dereitos das mulleres. A crítica actual considéraa unha precursora do feminismo.

Tamén escribiu obras de teatro, entre as que destaca I Telefon ("Ao teléfono"), que foi interpretada vinte e sete veces no Teatro Real de Estocolmo, con grande éxito.

Traducións

• Cartos (2023). Tradución directa ao galego de Marta Dahlgren. Hugin e Munin. ISBN 978-84-126007-4-2.

Véxase tamén

Ligazóns externas

• Obras de Victoria Benedictsson (Proxecto Gutenberg)