Teresa Forcades

Teresa Forcades
Teresa Forcades i Vila
Nome completo	Teresa Forcades i Vila
Nacemento	10 de maio de 1966 (54 anos)
	Barcelona Cataluña
Nacionalidade	catalá
Relixión	Igrexa católica
Alma máter	Universidade de Barcelona, Universidade de Cambridge, Universidade Harvard e Harvard Divinity School
Ocupación	Medicina, Teóloga e monxa beneditina
Coñecida por	pola súa posión sobre o feminismo e sobre o movemento independista catalán.
Premios	100 Mulleres da BBC
[ editar datos en Wikidata ]

Forcades.

Teresa Forcades i Vila, nada en Barcelona o 10 de maio de 1966, é unha médica, teóloga e monxa beneditina catalá. É coñecida pola súa posición feminista e as súas opinións críticas coa actuación das multinacionais farmacéuticas.

É unha das promotoras, xunto con Arcadi Oliveres, do movemento independentista Procés Constituent a Catalunya.

Traxectoria

Teresa Forcades naceu na Vila de Gràcia, no seo dunha familia con raíces en Tarragona e Solsona. É licenciada en Medicina pola Universidade de Barcelona en 1990. En 1992 trasladouse ós Estados Unidos onde completou a residencia en medicina e conseguiu o título de especialista en Medicina interna en 1995. Tras obter unha bolsa da Universidade Harvard coa axuda de E. Schußler Fiorenza, trasladouse a Cambridge. Alí graduouse como máster Divinitas cunha tese sobre as implicacións filosóficas e os retos do diálogo multicultural, en relación ás teorías de C. Taylor e H.G. Gadamer (1997).

Dende 1997, ano no que entrou no mosteiro beneditino de Sant Benet (Barcelona), combinou as súas tarefas monásticas co estudo da medicina e a teoloxía: obtivo o doutoramento en Saúde Pública na Universidade de Barcelona coa súa análise dos retos e das oportunidades asociados á introdución das chamadas medicinas alternativas no currículo das facultades de medicina (2004). En 2005 tamén obtivo a licenciatura en teoloxía fundamental, cunha tese sobre a Trinidade e a noción de liberdade persoal en G. Greshake e I. Zizioulas (2005).

Teoloxía feminista

En 2007 Teresa Forcades publicou o libro La teologia feminista en la història, no que sitúa a teoloxía feminista no marco das teoloxías críticas ou da teoloxía da liberación, facendo unha revisión histórica das mulleres que ó longo da historia viviron a contraposición entre o discurso teolóxico sobre as mulleres e a experiencia de Deus de cada muller.

Ademais Teresa Forcades foi vicepresidenta da European Society of Women in theological Research(ESWTR) entre 2009-2011 e tesoureira de 2011 a 2013.

Asemade, defende que as parellas homosexuais poidan adoptar e criar nenos. Partindo de que o modelo patriarcal predominante en Occidente fomenta os roles de xénero dende o nacemento, Forcades defende que a socialización en familias monoparentais e homosexuais non vai en detrimento do crecemento, posto que o único que afecta á persoa é a calidade do amor que se lle dá, cada persoa é un ser único cun carácter individual que lle deu Deus ou a natureza e que é independente do seu xénero.

Gripe A

En outubro de 2009, Teresa Forcades publicou un vídeo titulado Campanas por la gripe A no que denunciaba o que ó seu xuízo eran múltiples deficiencias na xestión da pandemia de Gripe A (H1N1) de 2009, criticando á OMS, a fiabilidade e a seguridade da vacina que sería distribuída masivamente, e ós laboratorios farmacéuticos encargados do seu desenvolvemento. O vídeo foi amplamente visualizado en diversos portais de Internet e comentado en varios medios de comunicación como unha postura que discordaba das posturas predominantes na comunidade científica, en base ás cales se tomaran importantes medidas gobernamentais. e que avalaban a súa seguridade.

Nas semanas seguintes o vídeo foi obxecto de crítica por parte das autoridades sanitarias e dalgúns medios de comunicación. Entre outros Pedro Alonso, investigador da vacina contra a malaria, quen declarou no xornal El País que era irresponsable dubidar da utilidade das vacinas tratándose dun dos maiores logros da historia da medicina. Unha crónica posterior de El País chegou a dicir que o vídeo era un embuste. Pouco despois, no mesmo diario e como resposta ás queixas recibidas, a defensora do lector criticou o tratamento que os autores desa crónica deron ó tema en canto a forma e contido, chegando a pór en dúbida a obxectividade desa crónica contra Forcades.

Obra

Libros

• Valors femenins emergents (2003). (en catalán)
• La Trinitat, avui, Abadía de Montserrat, Barcelona

(2005). ISBN 84-8415-750-4. (en catalán)

• Los crímenes de las grandes compañías farmacéuticas, Cristianisme i Justícia, Barcelona (2006). ISBN 84-9730-138-2
• La teologia feminista en la historia Fragmenta Editorial, Barcelona (2007). ISBN 978-84-92416-07-3. (en castelán)

Artigos

• "Die Herausforderung der kulturellen und religiösen Vielfalt in Europa^{[Ligazón morta]}", Synodalia, Zwite Europäische Frauensynode Zusammen Vielfalt Leben, Bellaterra, 5. bis 10. Agosto de 2003 (en alemán).
• Schüssler Fiorenza, Elisabeth, Pero ella dijo : prácticas feministas de la interpretación bíblica (trad. Eva Juarros Daussá; pról. Teresa Forcades), Editorial Trotta, 1996. ISBN 84-8164-130-8

Véxase tamén

Ligazóns externas

Sobre Teresa Forcades

• Páxina de Teresa Forcades i Vila, en www.benedictinescat.com
• ¿Quen é Teresa Forcades?

Sobre gripe A e os abusos da industria farmacéutica

• Campanas por la Gripe A, vídeo no que Teresa Forcades detalla datos que poñen en dúbida a virulencia da Gripe A.
• Excess in the pharmaceutical industry, Marcia Angell, CMAJ • December 7, 2004; 171 (12). doi:10.1503/cmaj.1041594
• La OMS anuncia una investigación ante las acusaciones de que exageró el riesgo de la gripe A, Emilio de Benito, Agencias -Madrid/Ginebra- 12/01/2010, El País

Sobre teoría feminista

• "La teología feminista en la historia"
• La Santa Sede llama al orden a Teresa Forcades, Noticias sobre Teresa Forcades en ForumLibertas.com, DiarioDigital