Soutelo de Montes, A Madanela de Montes, Forcarei
| Soutelo de Montes | |
|---|---|
 Praza do gaiteiro en Soutelo. | |
| Parroquia | A Madanela de Montes |
| Concello | Forcarei |
| Poboación | 420 hab. (2017) |
Soutelo de Montes é unha vila da parroquia da Madanela de Montes, no concello de Forcarei, sendo a maior entidade deste concello. Segundo o IGE en 2008 tiña 454 habitantes, 37 máis que no ano 2000.
Índice
Historia[editar | editar a fonte]
No transcurso da revolta Irmandiña, na segunda metade do século XV, a Torre do Castro de Montes foi derrubada, tendo os xuíces-meriños que trasladar a súa residencia a Soutelo de Montes, onde se asentarían até que as xurisdicións especiais foron abolidas en 1811.
Na remodelación de concellos e partidos xudiciais das Cortes de Cádiz creouse o concello de Soutelo de Montes, coas freguesías da Madanela, Ventoxo, Pardesoa, San Miguel de Presqueiras e Santa Mariña de Presqueiras. En 1814 o rei Fernando VII anulou a Constitución e a xurisdición retornou ao arcebispado de Santiago. En 1833 creouse o concello de Forcarei, se ben entre 1858 e 1862 denominouse Soutelo de Montes.
A vía está atravesada pola estrada N-541 que une Ourense e Pontevedra.
Demografía[editar | editar a fonte]
Evolución da poboación de Soutelo de Montes dende 2000:
Festas e celebracións[editar | editar a fonte]
- Festa do cogomelo, en novembro.
- Festa do Gaiteiro, en memoria de Avelino Cachafeiro, 18 de agosto 1973.
Galería de imaxes[editar | editar a fonte]
- Artigo principal: Galería de imaxes da Madanela de Montes, Forcarei.
Vista de Soutelo de Montes.
Vista de Soutelo un día de neve.
Lugares e parroquias[editar | editar a fonte]
Lugares da Madanela de Montes[editar | editar a fonte]
| Lugares da parroquia da Madanela de Montes no concello de Forcarei (Pontevedra) | |
|---|---|
|
Ameixeiras | Os Codesás | A Graña | A Madanela | San Xusto | Sanguñedo | Soutelo de Montes | Trasdomonte | Ventosela |
