Sos del Rey Católico

Sos del Rey Católico
Localización
	42°29′50″N 1°12′57″O / 42.4973, -1.2157
Estado	España
Comunidade autónoma	Aragón
Provincia	Provincia de Zaragoza
Capital	Sos del Rey Católico
Poboación
Poboación	583 (2023) (2,69 hab./km²)
Xeografía
Parte de	Mancomunidade Intermunicipal «Altas Cinco Villas»
Superficie	216,624807 km²
Altitude	652 m
Comparte fronteira con	Xabier ; Petilla de Aragón ; Uncastillo ; Castiliscar ; Carcastillo ; Navardún ; Undués de Lerda ; Urriés ; Sangüesa ; Cáseda
Organización política
• Alcalde	Jesús María Iso Echegoyen
Identificador descritivo
Código postal	50680
Fuso horario	UTC+01:00
Código INE	50248
Outro
Irmandado con	Palermo
Páxina web	sosdelreycatolico.com

Sos del Rey Católico (en aragonés: Sos d'o Rei Catolico) é un municipio español da comarca de Cinco Villas, ao noroeste da provincia de Zaragoza, comunidade autónoma de Aragón. O municipio está composto por cinco asentamentos de poboación: Sos del Rey Católico, Barués, Campo Real, Mamillas e Sofuentes.

Historia

A localización desta poboación nunha elevación do terreo rochosa converteuno durante moito tempo en praza forte. No século X foi reconquistada, e desde entón tivo grande importancia como cidade fronteiriza. En 1044 foi incorporada por Ramiro I ao Reino de Aragón.^[1]

No ano 1452, en plena Guerra de Navarra, a raíña Xoana Enríquez desprazouse á vila, chamada por entón simplemente Sos. Alí deu a luz ao infante Fernando, que logo se convertería en Fernando o Católico. Ese nacemento engadiu o sobrenome del Rey Católico ao nome da poboación.^[1] En 1711 foi nomeada Capital das Cinco Villas.^[1]

Todo o seu centro histórico está moi ben conservado e a vila está declarada Conxunto Histórico Artístico e Ben de Interese Cultural desde o ano 1968. A excepcional conservación do seu centro urbano fai que un paseo por esta localidade se converta nunha viaxe ao pasado destacando as murallas, igrexas, a praza da vila e o Palacio de los Sada, onde naceu Fernando o Católico no ano 1452.

En Sos del Rey Católico rodouse a película La vaquilla (1985) de Luis García Berlanga, na que actuaron como extras moitos dos veciños da localidade.^[2]

Política local

Últimos alcaldes de Sos del Rey Católico

Período	Alcalde	Partido
1979-1983	Juan Luís Machín Garín^[3]	UCD
1983-1987
1987-1991
1991-1995
1995-1999
1999-2003
2003-2007
2007-2011
2011-2014	Jesús María Iso Echegoyen	PP
2014-2015	María José Navarro Lafita^[4]	PSOE
2015-2019	María José Navarro Lafita^[4]	PSOE

Resultados electorais

Eleccións municipais^[5]
Partido	2003	2007	2011	2015
PSOE	3	5	3	4
CA	2
PP	1	1	3	1
AISRC	1
PAR	2	1	-
EU	-
CHA	1
Total	7	7	7	7

Lugares de Interese

Igrexa de San Esteban: A igrexa de San Esteban está situada xunto ao castelo. O conxunto está formado pola igrexa en si, destinada ao culto, a cripta e o claustro, que dá acceso desde a rúa que sobe da praza da vila, á portada principal da igrexa.
Cripta da Virxe do Perdón: s. XIV

Castelo: Como vila fronteiriza entre os veciños reinos de Navarra e Aragón, Sos contou co seu castelo fortificado para reforzar a liña defensiva.
Casa da vila: É un edificio, de estilo renacentista, que foi construído polo concello a finais do século XVI, reformado durante o século XIX, e restaurado para a adaptación á súa actual función como sede administrativa das dependencias municipais, nos anos oitenta.
Palacio dos Sada: Casa palacio, é un edifico de perpiaños, que data de finais do século XV. Foi a vivenda da familia nobiliaria dos Sada, e a casa onde foi acollida dona Xoana Enríquez, para dar a luz ao futuro monarca Fernando II de Aragón.
Portas da muralla: Consérvanse sete portais da muralla, que dan acceso ao recinto intramuros.
Santuario de Valentuñana: Construído polos Carmelitas Descalzos, a finais do século XVII, o Convento de Nosa Señora de Valentuñana.
A xudaría: Chamada hoxe en día "barrio alto". Estivo en orixe formada por unhas trinta casas ó redor dunha rúa principal desde a que se podía acceder ao centro da vila e desde a cal xorden diversos canellóns sen saída.

Notas

↑ ^1,0 ^1,1 ^1,2 Alberto, Rosa e Javier. "Sos del Rey Católico".
↑ Javier Ortega (18 de febreiro de 1985). "Berlanga estrena en Zaragoza su película 'La vaquilla'". El País. Consultado o 9 de novembro de 2008.
↑ Ministerio de Facenda e Administracións Públicas (Goberno de España). "Treinta aniversario de las primeras elecciones municipales de la democracia". Arquivado dende o orixinal o 06 de marzo de 2014. Consultado o 6 de marzo de 2014.
↑ "Alcaldes de todos los municipios de la provincia de Zaragoza". Heraldo.es. 14 de xuño de 2015.
↑ Goberno de Aragón (2012). "Archivo Electoral de Aragón". Arquivado dende o orixinal o 04 de agosto de 2012. Consultado o 13 de agosto.

Véxase tamén

Outros artigos

[rabal-1] 1,0 ^1,1 ^1,2 Alberto, Rosa e Javier. "Sos del Rey Católico".

[2] Javier Ortega (18 de febreiro de 1985). "Berlanga estrena en Zaragoza su película 'La vaquilla'". El País. Consultado o 9 de novembro de 2008.

[3] Ministerio de Facenda e Administracións Públicas (Goberno de España). "Treinta aniversario de las primeras elecciones municipales de la democracia". Arquivado dende o orixinal o 06 de marzo de 2014. Consultado o 6 de marzo de 2014.

[4] "Alcaldes de todos los municipios de la provincia de Zaragoza". Heraldo.es. 14 de xuño de 2015.

[5] Goberno de Aragón (2012). "Archivo Electoral de Aragón". Arquivado dende o orixinal o 04 de agosto de 2012. Consultado o 13 de agosto.

[1]

[2]

[3]

[4]

[5]