Silvia Penas
| Silvia Penas | |
|---|---|
 | |
| Nacemento | 6 de outubro de 1980 |
| Lugar de nacemento | Vigo |
| Nacionalidade | España |
| Alma máter | Universidade de Vigo |
| Ocupación | poeta |
| Premios | Premio de poesía Victoriano Taibo, Premio Lueiro Rey de poesía e Premio de poesía Avelina Valladares |
| [ editar datos en Wikidata ] | |
Silvia Penas Estévez, nada en Vigo o 6 de outubro de 1980, é unha escritora galega.
Traxectoria[editar | editar a fonte]
Antonio Reigosa, Afonso Becerra, Silvia Penas e Miguel Sande no congreso Nós tamén navegar. 40 anos de poesía galega, no Pazo da Cultura de Pontevedra.
Realizou estudos de Filoloxía Galega na Universidade de Vigo e exerceu como profesora de lingua e literatura galega.
Ten participado en recitais do colectivo das Redes Escarlata, ao que pertence.
Participou na creación da peza teatral Sofía e as postsocráticas da Compañía Inversa teatro, na que actuou e achegou textos. Creou co músico Jesús Andrés Tejada do grupo de poesía escénica Cintaadhesiva[1], encargándose do texto e da voz.[2]
Entre o 2014 e o 2016 encargouse da organización e impartición dos cursos de Slam (spoken word) do Centro de Interpretación da Oralidade de Vigo do Concello de Vigo.[3] Imparte obradoiros de poesía en Vigo e contorna.
En febreiro de 2019 o concello de Vigo grava en bronce os seguintes versos na rúa peonil do Príncipe xunto con algúns de María Reimóndez e María Xosé Queizán.[4][5][6]
- "A elas
- que nos edificaron
- polas marxes do Lagares..."
Nunha cita sobre a arte poética afirma: "A poesía é unha clase de perseveranza sobre o terreo queimado, a confianza en que, en lugar de que volva arder, alume".[7]
Obra[editar | editar a fonte]
Poesía[editar | editar a fonte]
- As uñas crecen (2014). Sotelo Blanco. 44 páxs. ISBN 978-84-7824-633-5.[8]
- Diario de ladras, bailarinas, asasinas e flores (2016). Fervenza. 54 páxs. ISBN 978-84-944750-1-6 .[9]
- Fronteira paraíso (2019). Fotografías de Andrés Tejada. Editorial Urutau. Brasil. 64 páxs. Area Erina di do libro: "A foto desenfocada de Paraíso non deixa fechar os ollos. Como será durmir nun un lugar que non é lugar? É un tempo, de noite? É a idelización que todas herdamos materializada nunha casa, unha fiestra, un xardín…Unha diana contra a que o propio amor dispara a matar".[10]
Obras colectivas[editar | editar a fonte]
- Biografía da multitude (2009). Con Elvira Riveiro. Instituto de Estudos Miñoranos. 62 pásx. ISBN 978-84-92590-61-2[11]
- 150 Cantares para Rosalía de Castro (2015). Libro electrónico.[12]
Premios[editar | editar a fonte]
- 2005: Premio de poesía da Universidade de Vigo por Neste bosque, poema en cinco partes.
- 2007: Premio do Certame Galego de Creadores GZ Crea por A tiranía do des.
- 2012 Premio de poesía Victoriano Taibo por Biografía da Multitude, libro escrito xunto a Elvira Riveiro. Gañou o premio ex aequo con Cuarto Minguante, de María Carmen Caramés Gorgal.
- 2012: Premio Lueiro Rey de poesía por As uñas crecen.[13]
- 2013: Foi gañadora do Slam Arousa e do I Slam Vigo e seleccionada para participar no Slam estatal en Madrid e no Slam Internacional de Barcelona durante o ano 2013.
- 2015: Premio de poesía Avelina Valladares do Concello da Estrada no 2015, por Diario de ladras, bailarinas, asasinas e flores.[14]
- 2018: Residencia artística internacional para creación de performance poética. Poetri Slam Lisboa.
Notas[editar | editar a fonte]
- ↑ "Cinta Adhesiva ofrece poesía, música, vídeo y teatro". La Voz de Galicia (en castelán). 14/9/2018. Consultado o 24/6/2019.
- ↑ "Silvia Penas Estévez". Editora Urutau. Consultado o 3/2/2019.
- ↑ "Silvia Penas". orquestaclasica.com. Arquivado dende o orixinal o 04/02/2019. Consultado o 3/2/2019.
- ↑ "La calle Príncipe respira poesía con nombre de mujer". Faro de Vigo (en castelán). Consultado o 26/6/2019.
- ↑ "Los nuevos poemas que te encontrarás cuando camines por Príncipe - Vigoe.es". www.vigoe.es (en castelán). Arquivado dende o orixinal o 26/06/2019. Consultado o 26/6/2019.
- ↑ "Más nombres de la poesía en Príncipe". Atlántico Diario (en castelán). Consultado o 26/6/2019.
- ↑ "Silvia Penas". As Escollas Electivas. asescollaselectivas. 19/9/2012. Consultado o 3/2/2019.
- ↑ "As uñas crecen, de Silvia Penas e Río Alzheimer, de Carlos Pereira Martínez". Caderno da crítica. 4/10/2013. Consultado o 3/2/2019.
- ↑ "Silvia Penas: “a poesía ofrece a posibilidade de que o terreo queimado alume”". Noticias de Galicia. Consultado o 2019-02-03.
- ↑ "fronteira paraíso". Editora Urutau. Consultado o 3/2/2019.
- ↑ "Biografía da multitude. Instituto de Estudios Miñoranos. LG3 O soportal da Literatura Galega". culturagalega.org. Consultado o 3/2/2019.
- ↑ "150 Cantares para Rosalía" (PDF). rosalia.gal. Consultado o 3/2/2019.
- ↑ "Silvia Penas gaña a primeira edición do Lueiro Rey de poesía". Nós Diario. Consultado o 2020-04-17.
- ↑ C, R (18 de setembro de 2015). "Silvia Penas gaña tamén o Avelina Valladares de poesía". Sermos Galiza. Arquivado dende o orixinal o 20 de setembro de 2015. Consultado o 18 de setembro de 2015.
Véxase tamén[editar | editar a fonte]
Ligazóns externas[editar | editar a fonte]
- Perfil en As escollas electivas.
- Cintaadhesiva. Derrota programada. Letra e voz: Silvia Penas.
- Entrevista de Montse Dopico en Praza Pública
- Audiovisual, A praia. Poema e voz: Silvia Penas Estáevez Música: Jesús Andres Tejada, Pablo Muñiz. Vídeo: Area Erina
- Audiovisual, The Caretaker.
- Festival Slam Internacional. 2018 Portugal.
- Foro de poesía junto a la italiana Laura Accerboni. Centro Agora Organizado por Yolanda Castaño. A Coruña 2016
