Serra de Ayllón

Na Galipedia, a Wikipedia en galego.

Coordenadas: 41°10′00″N 3°26′00″O / 41.16667, -3.43333

Cordal principal dende a Tejera Negra

A serra de Ayllón ou macizo de Ayllón é unha cadea montañosa da Península Ibérica, pertencente ao Sistema Central, do que constitúe un dos seus contrafortes máis orientais. Está situada entre as provincias españolas de Guadalaxara, Segovia e Madrid.

Linda ao oeste coas serras de Somosierra e do Rincón, ao leste coas de Pela e Alto Rey, ao norte coa meseta Norte e ao sur coa Campiña de Guadalaxara.

Das súas montañas nacen os ríos Jarama e Sorbe, así como outros menores como o Jaramilla, Berbellido, Sonsaz ou do Ermito. Nos seus vales crecen as faias máis meridionais de Europa (Tejera Negra, La Pedrosa e Montejo), sen faltar na súa flora o carballo e o piñeiro silvestre. Entre a súa fauna atópanse lobos, voitres e pequenos mamíferos. A parte da serra na provincia de Guadalaxara atópase dentro do parque natural da Serra Norte de Guadalaxara e en boa parte do seu territorio esténdese a Reserva de Caza de Sonsaz.

Véxase tamén[editar | editar a fonte]

Ligazóns externas[editar | editar a fonte]