Raposo

Na Galipedia, a Wikipedia en galego.
Raposo
Rango fósil: Plistoceno medio ata Actualidade
Raposo europeo (V. v. crucigera), Surrey
Raposo europeo (V. v. crucigera), Surrey
Estado de conservación
Risco baixo (LC)
Clasificación científica
Reino: Animalia
Filo: Chordata
Clase: Mammalia
Orde: Carnivora
Suborde: Caniformia
Familia: Canidae
Xénero: Vulpes
Especie: V. vulpes
Nome binomial
Vulpes vulpes
(Linnaeus, 1758)
Distribución en Galicia

Distribución en Galicia
Distribución do raposo no mundo (verde - nativo, azul - introducido, laranxa - presenza incerta).

Distribución do raposo no mundo (verde - nativo, azul - introducido, laranxa - presenza incerta).
Subespecies

45, ver texto

Sinonimia

Canis vulpes Linnaeus, 1758

O raposo común (Vulpes vulpes), tamén coñecido como golpe nalgunhas zonas ó norte de Galicia, pertence á familia dos cánidos (Canidae), dentro da orde dos carnívoros. O raposo común, tamén chamado raposo vermello, caracterízase por ter as patas curtas, o fociño estreito e alongado, as orellas rectas e triangulares, unha pelaxe espesa e cola longa. Adoitan pesar entre 7 kg e miden entre 90 e 105 cm de longo (sen incluír a cola). A cor da pelaxe dun raposo común é alaranxada por enriba e branca pola parte inferior.

O raposo vive en todos os continentes (agás na Antártida), habita zonas boscosas, con matogueiras. Algún tipo de raposo pode mesmo vivir en zonas desérticas e xeadas.

Alimentación[editar | editar a fonte]

Pegada dun raposo
Vulpes vulpes

A alimentación dos raposos é moi variada, desde ratos, toupas, ovos de aves, grandes insectos e preas, ata froita e algún coello.

Son cazadores solitarios. O territorio de rastreo é polo xeral de algo menos de 8 km2. Este territorio deféndeo das incursións doutros raposos.

Reprodución[editar | editar a fonte]

Os raposos aparéllanse a mediados do inverno. Tras un período de xestación que vai dos 49 os 56 días a femia retírase a un tobo para dar a luz unha media de 8 crías.

As crías nacen cos ollos pechados e reciben coidados durante as cinco primeiras semanas de vida, logo son obrigadas a marchar e facer a súa "vida propia". Os raposos emparéllanse de por vida e acostuman vivir uns 12 anos.

Curiosidades[editar | editar a fonte]

  • O raposo acada en carreira unha velocidade de 48 km/h.
  • O raposo foi introducido en Australia para controlar as pragas de coellos.
  • Cando nunha zona rural desaparecen os raposos axiña repobóase a zona de roedores.

A caza do raposo[editar | editar a fonte]

Distribución mundial do raposo

O raposo é unha especie cazable e tódolos anos realízanse en Galicia unha "Copa de España de Caza de Raposo", organizado pola Federación Galega de Caza; en 2009 celebrouse en Rodeiro. Os colectivos ecoloxistas, organizados baixo a plataforma Matar por Matar NON, responden a este Trofeo con concentracións no mesmo punto onde se reúnen os cazadores para intentar boicotea-lo evento mediante o uso de chifros, berros e megáfonos.

Os cazadores defenden a tese de que a supervivencia do raposo en Galicia non está en perigo. Os seus propios estudos sosteñen que a densidade está en torno ós 2,64 exemplares/km2 (en 2008), a maior en toda España, onde as densidades oscilan entre os 0,34 exemplares nas zonas de encinar de Burgos e os 2,50 nas zonas de regadío de Zaragoza.

A Consellería de Medio Ambiente autorizou unha cota anual de 25.995 exemplares para a tempada de caza 2008-2009, se ben dos datos medios de capturas dos anos 2006 e 2007 conclúese que os raposos abatidos só foron 2.872, que non chega ó 10% da cota autorizada.

O raposo na cultura popular galega[editar | editar a fonte]

  • Meu siñor San Adrián/ é un santo milagroso/ pedínlle un mozo bonito/ doume un barbas de raposo.
  • Se ti viras o que eu vin/ na feira de Monterroso,/ vinte e cinco estudiantes/ a cabalo dun raposo.

Véxase tamén[editar | editar a fonte]

Bibliografía[editar | editar a fonte]

  • "Galicia presenta la densidad de zorros más alta de toda España", en La Voz de Galicia, 24.01.2009.