Selección de crícket da India

Estatístiscas correctas até o 28 de outubro de 2021.

India
País	India
Asociación	Board of Control for Cricket in India
Status test	25 de xuño de 1932
Alcume	Men in Blue
Elenco
Adestrador	Ravi Shastri
Capitán	Virat Kohli
International Cricket Council
Status ICC	Full Member (31 de maio de 1926)
Rexión ICC	Asia
Ranking Actual Mellor Test 2º 1º (1973) ODI 4º 1º (1994) T20 2º 1º (2014)
Tests
Primeiro	v. Inglaterra en Londres 25−28 de xullo de 1932
Mundial de Test do ICC
Veces	1 (primeiro en 2019−2021)
Mellor	Subcampións (2019−2021)
One Day Internationals
Primeiro	v. Inglaterra en Leeds 13 de xullo de 1974
Copa do Mundo de Cricket
Veces	12 (primeiro en 1975)
Mellor	Campións (1983, 2011)
Twenty20 Internationals
Primeiro	v. Suráfrica en Xohanesburgo 1 de decembro de 2006
Copa do Mundo de T20
Veces	6 (primeiro en 2007)
Mellor	Campións (2007)
Test ODI e T20I

A selección de crícket da India, tamén coñecida como Team India (do inglés: Equipo India) ou Men in Blue (Homes de Azul), é o equipo representativo da India nas competicións internacionais de crícket. Está dirixida polo Board of Control for Cricket in India (BCCI) e é membro de pleno dereito (full member) do International Cricket Council (ICC) con status de Test, One Day International (ODI) e Twenty20 International (T20I).

O crícket foi introducido na India polos mariñeiros británicos no século XVIII, sendo o primeiro club do país fundado no ano 1792. Con todo, a selección nacional india non xogaría o seu primeiro Test match até o 25 de xuño de 1932, nun xogo disputado no Lord's londiniense. Converteríanse así no sexto equipo en conseguir o status de equipo de Test. Desde ese ano 1932, a India tivo que agardar até 1952, case 20 anos, para acadar primeira vitoria nun encontro de Test. Nos seus primeiros cincuenta anos como equipo internacional de crícket, a India non obtivo moito éxito, gañando só 35 dos primeiros 196 test que xogou. Porén, o equipo gañou forza na década de 1970 coa aparición de xogadores como Gavaskar, Viswanath, Kapil Dev, Prasanna, Venkataraghavan, Chandrasekhar ou Singh Bedi.

Tradicionalmente moito máis forte en casa que fóra, o equipo indio mellorou a súa forma no estranxeiro, especialmente no crícket de overs limitados, desde principios do século XXI, gañando Test matches en Australia, Inglaterra e Suráfrica. Foi o segundo equipo de crícket en gañar a Copa do Mundo, despois das Indias Occidentais, en 1983, repetindo título en 2011 baixo a capitanía de Mahendra Singh Dhoni. Despois de gañar a Copa do Mundo de 2011, India converteuse no terceiro equipo despois das Indias Occidentais e Australia en gañar a Copa do Mundo máis dunha vez, e o primeiro equipo de crícket en gañar a Copa do Mundo en casa. O equipo de crícket da India garda rivalidade con outras seleccións, principalmente con Paquistán, arquirrival político da India, e con Australia. Con todo, nos últimos tempos, están gañando protagonismo rivalidades con nacións como Suráfrica e Inglaterra.

Historia

Orixes

Os británicos levaron o crícket á India a principios de 1700, sendo o primeiro partido de crícket xogado en 1721. En 1848, a comunidade parsi de Bombai fundou o Oriental Cricket Club, o primeiro club de crícket estabelecido por nativos do lugar. A pesar disto, os británicos non os convidaron a xogar contra eles até moitos anos despois, en 1877. A comezos do século XX, en 1912, comezouse a disputar un torneo cuadrangular entre parsis, sikhs, hindús, musulmáns e europeos. Nestes primeiros anos de século, algúns indios comezaron a xogar para a selección de Inglaterra, sendo algúns deles, como Ranjitsinhji ou Duleepsinhji, moi apreciados polos británicos. En 1911 un equipo de indios fixo o seu primeiro tour polas Illas Británicas. Porén, xogaron tan só contra equipos condais e non contra a propia selección inglesa.

Status de Test match

Lala Amarnath en Lord's en 1936.

A India foi convidada á Imperial Cricket Conference en 1926, e fixo o seu debut como nación de test match en Inglaterra en 1932. O equipo estaba liderado por CK Nayudu, quen estaba considerado o mellor bateador indio nese momento. O único encontro de test disputado entre as seleccións de Inglaterra e a India xogouse no Lord's de Londres. Naquela altura o equipo indio non destacaba polo seu bateo e acabou por perder por 158 carreiras. Ao ano seguinte a India acolleu os seus dous primeiros test match como local. O rival foi, de novo, Inglaterra nuns encontros disputados en Bombai e Calcuta. Ao igual que no primeiro enfrontamento, a vitoria foi para os ingleses en ambos os xogos. O equipo indio continuou mellorando durante as décadas de 1930 e 1940, aínda que sen conseguir ningunha vitoria internacional durante o período. A comezos da década de 1940, a India non xogou ningún test de crícket debido á segunda guerra mundial. A primeira serie do equipo como país independente foi a finais de 1947 contra os Invencíbeis de Sir Don Bradman (nome dado á selección de Australia da época). Esta serie, celebrada no país austral, foi tamén a primeira onde o rival non foi Inglaterra. Australia gañou a serie de cinco partidos por 4-0, con Bradman atormentando aos lanzadores indios. A súa primeira serie de test en casa contra un equipo distinto de Inglaterra chegou en 1948 cando se enfrontaron á selección das Indias Occidentais. A serie saldouse con derrota para os locais por 1−0.

A primeira vitoria da India nun test match chegaría até o 24 de marzo de 1952 contra Inglaterra en Madras. Ese mesmo ano, conseguirían gañar a súa primeira serie, sendo o rival a selección de Paquistán. O combinado continuou mellorando durante a década de 1950, gañando unha nova serie en 1956, neste caso ante Nova Zelandia. Con todo, o equipo non consegue ningunha outra vitoria no resto da década, perdendo antes as potentes Australia e Inglaterra. Durante a seguinte década, a India gañou fama como equipo forte na casa. En 1961−62 gañaron a súa primeira serie de Test contra Inglaterra en casa, así como outra contra Nova Zelandia. Tamén lograron empatar en casa contra Paquistán e Australia e outra contra Inglaterra. Neste mesmo período, a India tamén gañou a súa primeira serie fóra do subcontinente, concretamente contra Nova Zelandia en 1967−68.

A chave do bowling da India na década de 1970 foi o Indian spin quartet, un grupo de catro xogadores formados por Bishen Bedi, E.A.S. Prasanna, BS Chandrasekhar e Srinivas Venkataraghavan. Este período tamén viu a aparición de dous dos mellores bateadores da historia da India, Sunil Gavaskar e Gundappa Viswanath. Os lanzamentos indios tiñan a tendencia de usar efectos, e o Indian spin quartet aproveitou isto para crear colapsos nas aliñacións de bateo rivais. Estes xogadores, baixo a capitanía de Ajit Wadekar, foron responsables das vitorias consecutivas nas series de 1971 nas Indias Occidentais e en Inglaterra.

Éxito na Copa do Mundo

A chegada dun novo formado de crícket en 1971, o One Day International (ODI), creou unha nova dimensión no mundo deste deporte. A India non se consideraba naquela altura un combinado forte no novo formato, con bateadores como o capitán Gavaskar coñecidos polo seu enfoque defensivo ao bateo. A India comezou como un equipo débil en ODI e non se clasificou para a segunda rolda nas dúas primeiras edicións da Copa do Mundo de Crícket. Pola contra, en encontros de Test, o combinado indio presentaba equipos destacados, sendo particularmente fortes na casa. De feito, batiron un récord da épica no terceiro Test contra as Indias Occidentais xogado en Porto de España cando conseguiron 403 carreiras para gañar, 112 delas de Viswanath. En novembro de 1976, o equipo estableceu outro récord ao anotar 524 por 9 declarados contra Nova Zelandia en Kanpur sen que ningún bateador individual anotase un century (100 carreiras).

Durante a década de 1980, a India desenvolveu unha aliñación de bateo cunha mentalidade máis ofensiva con bateadores como Mohammed Azharuddin, Dilip Vengsarkar e os todoterreos Kapil Dev e Ravi Shastri. India gañou a Copa do Mundo de Crícket en 1983, derrotando aos favoritos e campións nas dúas edicións anteriores, as Indias Occidentais. A pesar disto, o equipo fixo un mal papel nos Test, incluíndo 28 xogos consecutivos sen conseguir unha vitoria. En 1984 a India gañou a Copa de Asia e, en 1985, gañou a primeira e última edición do World Championship of Cricket en Australia. Á parte disto, a India seguiu sendo un equipo débil fóra do subcontinente indio. A vitoria da serie de Test de 1986 contra Inglaterra seguiu sendo a última vitoria fóra do país durante os seguintes 19 anos.

Finais do século XX

Sachin Tendulkar cun compeñeiro.

A incorporación de Sachin Tendulkar e Anil Kumble á selección nacional en 1989 e 1990 mellorou aínda máis ao equipo. Ao ano seguinte incorporouse Javagal Srinath, o bowler co lanzamento máis rápido da India desde que Amar Singh fixo o seu debut. A pesar disto, durante a década de 1990, a India non gañou ningún dos 33 Test fóra do subcontinente, mentres que na casa gañou 17 de 30. Despois de ser eliminados polos seus veciños de Sri Lanka na semifinal da Copa do Mundo de Crícket de 1996, celebrada na propia India, o equipo sufriu un serie de cambios, entre os que destacan a chegada de Sourav Ganguly e Rahul Dravid, nun futuro capitáns do equipo. A finais de 1996 Tendulkar substituíu a Azharuddin como capitán, mais despois dunha mala xeira de resultados, tanto a nivel individual como colectivo, renunciou á capitanía e Azharuddin foi reinstalado a principios de 1998. Unha vez eliminada a carga da capitanía, Tendulkar foi o máximo anotador de carreiras do mundo tanto en Test como en ODI. De feito, a India conseguiu gañar nunha serie de Test á selección de Australia, naquela altura o mellor equipo do mundo.

Despois de non poder acadar ás semifinais na Copa do Mundo de Crícket de 1999, Tendulkar foi nomeado novamente capitán. Porén, tivo outra mala xeira de resultados, perdendo 3-0 nunha xira por Australia e despois 2-0 en casa ante Suráfrica. Tendulkar dimitiu e xurou non volver ser capitán do equipo nunca máis, sendo nomeado Ganguly o seu substituto. A comezos de 2000 o equipo sufriu un grave dano cando o ex capitán Azharuddin e o seu compañeiro de bateador Ajay Jadeja víronse implicados nun escándalo de arranxo de partidos. En consecuencia impúxoselles unha suspensión de por vida e de cinco anos respectivamente. Este período foi descrito pola BBC como "o peor momento do cricket indio". Con todo, o novo núcleo formado por Tendulkar, Dravid, Kumble e Ganguly, xurou non deixar que isto lles volvese a suceder e sacar ao crícket indio de tempos escuros. Así, os tres primeiros deixaron de lado as súas ambicións persoais, permitindo que Ganguly os conducise a unha nova era.

Éxito con Ganguly e Dhoni

Dhoni en 2010.

O equipo indio experimentou importantes melloras baixo a capitanía de Sourav Ganguly e a dirección de John Wright, o primeiro adestrador estranxeiro da India. A India mantivo o seu récord de imbatibilidade na casa contra Australia após a serie de Test de 2001. A vitoria en 2001 contra os australianos marcou o comezo dunha lembrada xeira de bos resultados con vitorias en Test en Cimbabue, en Sri Lanka, nas Indias Occidentais e en Inglaterra. No mesmo ano, a India foi compartiu o título de campioa do Champions Trophy da ICC xunto con Sri Lanka e subcampioa da Copa do Mundo de Crícket 2003 en Suráfrica tras seren derrotados na final por Australia. Na temporada 2003−04 a India conseguiu empatar unha serie de Test en Australia por 1−1 contra os campións do mundo, así como gañar outra en Paquistán.

A partir da temporada de 2004, a India comezou a notar a baixada do estado físico dos seus xogadores máis veteranos. Unha derrota nunha serie de Test na casa ante Australia foi seguida por unha derrota nunha serie ODI en casa contra Paquistán. Greg Chappell substituíu a John Wright como adestrador do equipo despois da serie, mais os seus métodos resultaron controvertidos e levárono a unha pelexa contra Ganguly, o que provocou que Rahul Dravid fose nomeado capitán. Isto provocou o rexurdir do equipo coa aparición de xogadores como MS Dhoni e Suresh Raina e a maioría de idade de Irfan Pathan e Yuvraj Singh. Unha contundente vitoria na serie en casa sobre Sri Lanka en 2005 e unha serie empatada con Suráfrica colocaron a India no segundo lugar da clasificación ICC de ODI. Unha convincente vitoria na serie ODI en Paquistán a principios de 2006, logo dunha derrota na serie de Test, deulle a India o récord mundial de 17 vitorias consecutivas en ODI bateando segundo. Con todo, unha derrota da serie 4-1 nas Indias Occidentais en 2006 provocou unha caída na forma de ODI da India.

A comezos de 2007, antes da Copa do Mundo, o equipo indio viu un rexurdimento na súa fortunas en ODI vencendo contra as Indias Occidentais e Sri Lanka. Isto persuadiu a moitos expertos para considerar á India como un dos candidatos a campión do mundo. Con todo, as derrotas ante Bangladesh e Sri Lanka fixeron que India non chegase á segunda rolda. En agosto de 2007, Dravid deixou a capitanía, sendo sucedido no cargo por Dhoni. En 2009, despois de vencer por 2−0 a Sri Lanka, a India acadou o primeiro lugar na clasificación da ICC de Test. Máis tarde, en 2011, a India gañou a Copa do Mundo de Crícket de 2011 ao derrotar a Sri Lanka na final, converténdose así no terceiro equipo despois das Indias Occidentais e Australia en gañar a Copa do Mundo dúas veces. Tamén se converteron no primeiro equipo en gañar a Copa do Mundo en casa.

Despois da Copa do Mundo, o equipo comezou a encaixar malos resultado, que levaron ao retiro de Dravid e VVS Laxman dos Test de crícket en 2012. En 2013 seguiu o mesmo camiño Tendulkar, que se retirou despois do seu 200º xogo de Test. Con Ganguly retirado en 2008, este período marcou o final da lendaria aliñación de bateo. En 2012, a India seguiu enfrontándose a un período de transición difícil, sendo eliminada na eliminada na segunda rolda do ICC World Twenty20 de 2012 e sen conseguirse clasificarse á final da Copa Asia 2012. Con todo, 2013 foi o ano do rexurdimento do crícket indio.

Éxito en overs limitados con Kohli

Virat Kholi en 2015.

A principios de 2013, aínda gañando a Australia, as abultas derrotas ante Nova Zelandia e Suráfrica fóra de casa xeraron fortes críticas aos xogadores de crícket indios polo seu baixo rendemento no estranxeiro. En 2013 a India derrotou a Inglaterra na final do ICC Champions Trophy e Dhoni converteuse no primeiro capitán da historia en gañar os tres principais trofeos da ICC: a Copa do Mundo, a Copa do Mundo de T20 e o Champions Trophy.

En 2014, a India de novo non logrou chegar á final da Copa de Asia, mentres que na Copa do Mundo de T20, organizada en Bangladesh, caeron derrotados na final. Este torneo viu o ascenso de Virat Kohli como un dos mellores bateadores de overs limitados no crícket mundial. A finais desde mesmo ano a India realizou unha xira por Australia a para unha serie de Test de 4 partidos. Esta serie é lembrada pola repentina retirada de MS Dhoni do crícket despois do final do segundo Test. Virat Kohli foi nomeado novo capitán, mais non puido reverter a serie e a India perdeu 2-0.

Coa capitanía de Kholi, a India comezou a dominar de novo nos xogos de Test na casa. A vitoria na serie de Test de 2015 ante Australia deu comezo a unha xeira de 19 partidos de Test invictos. Isto foi seguido por vitorias en overs limitados fóra da casa ante a propia Australia e Sri Lanka. Na Copa do Mundo de 2015, a India conseguiu chegar até as semifinais, perdendo ante o eventual campión Australia. Após o mundial, a temporada de 2016 foi coñecida "The Grand Home Season" (do inglés: A gran temporada na casa), onde gañaron series de Test a Nova Zelandia, Inglaterra, Bangladesh e Australia. Isto levou á India a regresar ao primeiro lugar da clasificación do ICC de Test.

En 2017 a India derrotou a Paquistán no primeiro encontro do Champions Trophy. Porén, perderon contra o mesmo equipo na final do torneo. Na Copa do Mundo de 2019, o equipo acabou primeiro na fase de grupos con sete vitorias e unha única derrota ante os anfitrións, Inglaterra. Xa nas eliminatorias, o equipo conseguiu acadar as semifinais, mais perderon ante Nova Zelandia por 18 carreiras. En 2021 a India xogou a final do novo Mundial de Crícket de Test, mais perdeu na final ante Nova Zelandia.

Elenco

Aquí enuméranse todos os xogadores que xogaron para a India nos últimos 12 meses e os formatos nos que xogaron a partir de 2021. En abril de 2021, o BCCI publicou unha nova lista de contratos que será válida desde outubro de 2020 até setembro de 2021.

Lenda

Símbolo	Significado
C/G	Tipo de contrato co BCCI
S/N	Número do xogador en todos os formatos
Formato	Formato ao que está a xogar recentemente

Nome	Idade	Bateo	Lanzamento	Equipo	Zona	Equipo IPL	C/G	Formato	S/N	Último Test	Último ODI	Último T20I
Capitán de Test, ODI e T20I; Top-Order Batsman
Virat Kohli	37	Destro	Destro medio	Delhi	North	Royal Challengers Bangalore	A+	Test, ODI, T20I	18	2021	2021	2021
Vicecapitán de ODI e T20I; Opening Batsman
Rohit Sharma	39	Destro	Destro off spin	Mumbai	West	Mumbai Indians	A+	Test, ODI, T20I	45	2021	2021	2021
Vicecapitán de Test; Middle-Order Batsman
Ajinkya Rahane	38	Destro	Destro off spin	Mumbai	West	Delhi Capitals	A	Test	3	2021	2018	2016
Opening Batsmen
Mayank Agarwal	35	Destro	Destro off spin	Karnataka	South	Punjab Kings	B	Test, ODI	16	2021	2020	–
Shikhar Dhawan	40	Zurdo	Destro off spin	Delhi	North	Delhi Capitals	A	ODI, T20I	42	2018	2021	2021
Ruturaj Gaikwad	29	Destro	—	Maharashtra	West	Chennai Super Kings	—	T20I	31	–	–	2021
Shubman Gill	26	Destro	Destro off spin	Punjab	North	Kolkata Knight Riders	C	Test, ODI	77	2021	2020	–
Devdutt Padikkal	26	Zurdo	—	Karnataka	South	Royal Challengers Bangalore	—	T20I	37	–	–	2021
KL Rahul	34	Destro	Destro medio	Karnataka	South	Punjab Kings	A	Test, ODI, T20I	1	2021	2021	2021
Prithvi Shaw	26	Destro	Destro off spin	Mumbai	West	Delhi Capitals	—	Test, ODI, T20I	27	2020	2021	2021
Middle-Order Batsmen
Shreyas Iyer	31	Destro	Destro leg spin	Mumbai	West	Delhi Capitals	C	ODI, T20I	41	–	2021	2021
Manish Pandey	36	Destro	—	Karnataka	South	Sunrisers Hyderabad	—	ODI, T20I	21	–	2021	2020
Cheteshwar Pujara	38	Destro	Destro leg spin	Saurashtra	West	Chennai Super Kings	A	Test	25	2021	2014	–
Nitish Rana	32	Zurdo	Destro off spin	Delhi	North	Kolkata Knight Riders	—	ODI, T20I	12	–	2021	2021
Hanuma Vihari	32	Destro	Destro off spin	Andhra	South	Delhi Capitals (2019)	C	Test	44	2021	–	–
Suryakumar Yadav	35	Destro	Destro medio	Mumbai	West	Mumbai Indians	—	ODI, T20I	63	–	2021	2021
All-Rounders
Ravichandran Ashwin	40	Destro	Destro off spin	Tamil Nadu	South	Delhi Capitals	A	Test, T20I	99	2021	2017	2021
Ravindra Jadeja	37	Zurdo	Zurdo spin ortodoxo	Saurashtra	West	Chennai Super Kings	A	Test, ODI, T20I	8	2021	2020	2021
Hardik Pandya	32	Destro	Destro rápido-medio	Baroda	West	Mumbai Indians	A	ODI, T20I	33	2018	2021	2021
Krunal Pandya	35	Zurdo	Zurdo spin ortodoxo	Baroda	West	Mumbai Indians	—	ODI, T20I	36	–	2021	2021
Axar Patel	32	Zurdo	Zurdo spin ortodoxo	Gujarat	West	Delhi Capitals	C	Test, T20I	20	2021	2017	2021
Washington Sundar	26	Zurdo	Destro off spin	Tamil Nadu	South	Royal Challengers Bangalore	C	Test, T20I	5	2021	2017	2021
Wicket-Keepers
Ishan Kishan	28	Zurdo	—	Jharkhand	East	Mumbai Indians	—	ODI, T20I	32	–	2021	2021
Rishabh Pant	28	Zurdo	—	Delhi	North	Delhi Capitals	A	Test, ODI, T20I	17	2021	2021	2021
Wriddhiman Saha	41	Destro	—	Bengal	East	Sunrisers Hyderabad	B	Test	6	2020	2014	–
Sanju Samson	31	Destro	Destro off spin	Kerala	South	Rajasthan Royals	—	ODI, T20I	9	–	2021	2021
Pace Bowlers
Jasprit Bumrah	32	Destro	Destro rápido	Gujarat	West	Mumbai Indians	A+	Test, ODI, T20I	93	2021	2020	2021
Deepak Chahar	34	Destro	Destro medio-rápido	Rajasthan	Central	Chennai Super Kings	C	ODI, T20I	90	–	2021	2021
Prasidh Krishna	30	Destro	Destro rápido	Karnataka	South	Kolkata Knight Riders	—	ODI	43	–	2021	–
Bhuvneshwar Kumar	36	Destro	Destro medio-rápido	Uttar Pradesh	Central	Sunrisers Hyderabad	B	ODI, T20I	15	2018	2021	2021
T. Natarajan	35	Zurdo	Zurdo medio-rápido	Tamil Nadu	South	Sunrisers Hyderabad	—	Test, ODI, T20I	4	2021	2021	2021
Navdeep Saini	33	Destro	Destro rápido	Delhi	North	Royal Challengers Bangalore	C	Test, ODI, T20I	96	2021	2021	2021
Chetan Sakariya	28	Zurdo	Zurdo medio-rápido	Saurashtra	West	Rajasthan Royals	—	ODI, T20I	55	–	2021	2021
Mohammed Shami	36	Destro	Destro rápido	Bengal	East	Punjab Kings	A	Test, ODI, T20I	11	2021	2020	2021
Ishant Sharma	38	Destro	Destro rápido-medio	Delhi	North	Delhi Capitals	A	Test	97	2021	2016	2013
Mohammed Siraj	32	Destro	Destro rápido	Hyderabad	South	Royal Challengers Bangalore	C	Test	73	2021	–	–
Shardul Thakur	34	Destro	Destro rápido-medio	Mumbai	West	Chennai Super Kings	B	Test, ODI, T20I	54	2021	2021	2021
Sandeep Warrier	35	Destro	Destro medio-rápido	Tamil Nadu	South	Kolkata Knight Riders	—	T20I	22	–	–	2021
Umesh Yadav	38	Destro	Destro rápido	Vidarbha	Central	Delhi Capitals	B	Test	19	2021	2018	2019
Spin Bowlers
Yuzvendra Chahal	36	Destro	Destro leg spin	Haryana	North	Royal Challengers Bangalore	C	ODI, T20I	3	–	2021	2021
Rahul Chahar	27	Destro	Destro leg spin	Rajasthan	Central	Mumbai Indians	—	ODI, T20I	28	–	2021	2021
Varun Chakravarthy	35	Destro	Destro leg spin	Tamil Nadu	South	Kolkata Knight Riders	—	T20I	29	–	–	2021
Krishnappa Gowtham	37	Destro	Destro off spin	Karnataka	South	Chennai Super Kings	—	ODI	55	–	2021	–
Shahbaz Nadeem	37	Zurdo	Zurdo spin ortodoxo	Jharkhand	East	Sunrisers Hyderabad	—	Test	88	2021	–	–
Kuldeep Yadav	31	Zurdo	Zurdo spin non ortodoxo	Uttar Pradesh	Central	Kolkata Knight Riders	C	Test, ODI, T20I	23	2021	2021	2021

O BCCI asina contratos cos seus xogadores, o seu salario asígnase en función da importancia do xogador. Os salarios dos xogadores son os seguintes:

• Grao A+ – ₹7 crore (813 632,40 €)
• Grao A – ₹5 crore (580 542,13 €)
• Grao B – ₹3 crore (348 331,31 €)
• Grao C – ₹1 crore (116 110,44 €)

Paga por xogo

Os xogadores tamén reciben un pago por partido de ₹15 lakh (17 434,98 €) en Test, ₹6 lakh (6 966,67 €) por ODI e ₹3 lakh (3 483,33 €) por T20I.

Resultados en torneos

Copa do Mundo de Test

Resultados no ICC World Test Championship
Ano	Fase de liga															Final	Posición final
	Pos	Series				Xogos					PC	PCT	RpW Ratio	Ded	Pts
		X	V	D	I	X	V	D	I	E
2019–21	1/9	6	5	1	0	17	12	4	1	0	720	72.2%	1.577	0	520	Derrota ante Nova Zelandia por 8 wickets	2º

Copa do Mundo de Crícket

Resultados na Copa do Mundo
Ano	Rolda	Posición	PX	V	D	E	NR
1975	1ª rolda	6/8	3	1	2	0	0
1979	1ª rolda	7/8	3	0	3	0	0
1983	Campións	1/8	8	6	2	0	0
1987	Semifinais	3/8	7	5	2	0	0
1992	1ª rolda	7/9	8	2	5	0	1
1996	Semifinais	3/12	7	4	3	0	0
1999	2ª rolda	6/12	8	4	4	0	0
2003	Subcampións	2/14	11	9	2	0	0
2007	Fase de grupos	9/16	3	1	2	0	0
2011	Campións	1/14	9	7	1	1	0
2015	Semifinais	3/14	8	7	1	0	0
2019	Semifinais	3/10	10	7	2	0	1
2023	Clasificados
Total	2 títulos	12/12	85	53	29	1	2

Copa do Mundo de T20

Resultados na Copa do Mundo de T20
Ano	Rolda	Posición	PX	V	D	E	NR
2007	Campións	1/12	7	4	1	1	1
2009	Super 8s	7/12	5	2	3	0	0
2010	Super 8s	8/12	5	2	3	0	0
2012	Super 8s	5/12	5	4	1	0	0
2014	Subcampións	2/16	6	5	1	0	0
2016	Semifinais	4/16	5	3	2	0	0
2021	Clasificados
2022	Clasificados
Total	1 title	6/6	33	20	11	1	1

ICC Champions Trophy

Resultados no Champions Trophy
Ano	Rolda	Posición	PX	V	D	E	NR
1998	Semifinais	3/9	2	1	1	0	0
2000	Subcampións	2/11	4	3	1	0	0
2002	Campións	1/12	3	2	0	0	1
2004	Fase de grupos	7/12	2	1	1	0	0
2006	Fase de grupos	5/10	3	1	2	0	0
2009	Fase de grupos	5/8	3	1	1	0	1
2013	Campións	1/8	5	5	0	0	0
2017	Subcampións	2/8	5	3	2	0	0
Total	2 títulos	8/8	27	17	8	0	2

ACC Asia Cup

Resultados na Copa de Asia
Ano	Rolda	Posición	PX	V	D	E	NR
1984	Campións	1/3	2	2	0	0	0
1986	Boicotearon o torneo
1988	Campións	1/4	4	3	1	0	0
1990–91	Campións	1/3	3	2	1	0	0
1995	Campións	1/4	4	3	1	0	0
1997	Subcampións	2/4	3	1	1	0	1
2000	First round	3/4	3	1	2	0	0
2004	Subcampións	2/6	6	3	3	0	0
2008	Subcampións	2/6	6	4	2	0	0
2010	Campións	1/4	4	3	1	0	0
2012	Primeira rolda	3/4	3	2	1	0	0
2014	Primeira rolda	3/5	4	2	2	0	0
2016	Campións	1/5	5	5	0	0	0
2018	Campións	1/6	5	4	0	1	-
2022	Clasificados
Total	7 titles	13/14	52	35	15	1	1

Palmarés

• Copa do Mundo:
  • Campións (2): 1983, 2011
  • Subcampións (1): 2003
• Copa do Mundo de T20:
  • Champions (1): 2007
  • Subcampións (1): 2014
• Champions Trophy:
  • Campións (2): 2002, 2013
  • Subcampións (2): 2000, 2017
• Copa de Asia:
  • Campións (7): 1984, 1988, 1990–91, 1995, 2010, 2016, 2018
  • Subcampións (3): 1997, 2004, 2008

Estatísticas

Tests

Rexistro de Test contra outras nacións

Opoñente	Xogos	Vitorias	Derrotas	Tie	Draw	% V	% D	% E	Primeiro	Último
Afganistán	1	1	0	0	0	100.00	0.00	0.00	2018	2018
Australia	102	30	43	1	29	29.41	42.15	27.45	1947	2021
Bangladesh	11	9	0	0	2	81.81	0.00	18.18	2000	2019
Zimbabwe	11	7	2	0	2	63.64	18.18	18.18	1992	2005
Indias Occidentais	98	22	30	0	46	22.44	30.61	46.93	1948	2019
Inglaterra	130	31	49	0	50	23.84	37.69	38.46	1932	2021
Nova Zelandia	60	21	13	0	26	35.00	21.66	43.33	1955	2021
Paquistán	59	9	12	0	38	15.25	20.34	64.41	1952	2007
Sri Lanka	44	20	7	0	17	45.46	15.91	38.64	1982	2017
Suráfrica	39	14	15	0	10	35.89	38.46	25.64	1992	2019
Total	555	164	171	1	219	29.54	30.81	39.45	1932	2021
Estatísticas correctas até o India v Inglaterra en The Oval, Londres, 2–6 de setembro de 2021.

Máis carreiras en test para a India

Xogador	Carreiras	Media
Sachin Tendulkar	15.921	53,78
Rahul Dravid	13.288	52,63
Sunil Gavaskar	10.122	51,12
VVS Laxman	8.781	45,97
Virender Sehwag	8.586	49,34
Virat Kohli	7.765	51,08
Sourav Ganguly	7.212	42,17
Dilip Vengsarkar	6.868	42,13
Cheteshwar Pujara	6.494	45,41
Mohammad Azharuddin	6.215	45,03

Máis wickets en Test para a India

Xogador	Wickets	Media
Anil Kumble	619	29,65
Kapil Dev	434	29,64
Harbhajan Singh	417	32,46
Ravichandran Ashwin	413	24,69
Zaheer Khan	311	32,94
Ishant Sharma	311	31,93
Bishan Singh Bedi	266	28,71
Bhagwat Chandrasekhar	242	29,74
Javagal Srinath	236	30,49
Ravindra Jadeja	227	24,96

One-Day Internationals

Rexistro de ODI contra outras nacións

Opoñente	Xogos	Vitorias	Derrotas	Tie	NR	% V	Primeiro	Último
Membros de pleno dereito do ICC
Afganistán	3	2	0	1	0	83.33	2014	2019
Australia	143	53	80	0	10	39.84	1980	2020
Bangladesh	36	30	5	0	1	85.71	1988	2019
Zimbabwe	63	51	10	2	0	82.54	1983	2016
Indias Occidentais	133	64	63	2	4	50.38	1979	2019
Inglaterra	103	55	43	2	3	56.00	1974	2021
Irlanda	3	3	0	0	0	100.00	2007	2015
Nova Zelandia	110	55	49	1	5	52.85	1975	2020
Paquistán	132	55	73	0	4	42.96	1978	2019
Sri Lanka	162	93	57	1	11	61.58	1979	2021
Suráfrica	84	35	46	0	3	43.20	1988	2019
Membros asociados do ICC
África Oriental	1	1	0	0	0	100.00	1975	1975
Bermudas	1	1	0	0	0	100.00	2007	2007
Emiratos Árabes	3	3	0	0	0	100.00	1994	2015
Escocia	1	1	0	0	0	100.00	2007	2007
Hong Kong	2	2	0	0	0	100.00	2008	2018
Kenya	13	11	2	0	0	84.62	1996	2004
Namibia	1	1	0	0	0	100.00	2003	2003
Países Baixos	2	2	0	0	0	100.00	2003	2011
Total	996	518	428	9	41	54.71	1974	2021
Estatísticas correctas até o India v Sri Lanka en Colombo, 3º ODI, 23 de xullo de 2021.

Máis carreiras en ODI para a India

Xogador	Carreiras	Media
Sachin Tendulkar	18.426	50,26
Virat Kohli	12.169	59,07
Sourav Ganguly	11.221	40,95
Rahul Dravid	10.889	39,15
MS Dhoni	10.599	50,83
Mohammad Azharuddin	9.378	36,92
Rohit Sharma	9.205	48,96
Yuvraj Singh	8.609	36,47
Virender Sehwag	7.995	35,37
Shikhar Dhawan	6.105	45,55

Máis wickets en ODI para a India

Xogador	Wickets	Media
Anil Kumble	334	30,83
Javagal Srinath	315	28,08
Ajit Agarkar	288	27,85
Zaheer Khan	269	30,11
Harbhajan Singh	265	33,47
Kapil Dev	253	27,45
Venkatesh Prasad	196	32,30
Ravindra Jadeja	188	37,36
Irfan Pathan	173	29,72
Manoj Prabhakar	157	28,87

Twenty20 Internationals

Rexistro de T20I contra outras nacións

Opoñente	Xogos	Vitorias	Derrotas	Tie+Win	Tie+Loss	NR	% V	Primeiro	Último
Membros de pleno dereito do ICC
Afganistán	2	2	0	0	0	0	100.00	2010	2012
Australia	23	13	9	0	0	1	59.09	2007	2020
Bangladesh	11	10	1	0	0	0	90.90	2009	2019
Zimbabwe	7	5	2	0	0	0	71.42	2010	2016
Indias Occidentais	17	10	6	0	0	1	62.50	2009	2019
Inglaterra	19	10	9	0	0	0	52.63	2007	2021
Irlanda	3	3	0	0	0	0	100.00	2009	2018
Nova Zelandia	16	6	8	2	0	0	43.75	2007	2020
Paquistán	8	6	1	1	0	0	81.25	2007	2016
Sri Lanka	20	14	5	0	0	1	73.68	2009	2021
Suráfrica	15	9	6	0	0	0	60.00	2006	2019
Membros asociados do ICC
Emiratos Árabes	1	1	0	0	0	0	100.00	2016	2016
Escocia	1	0	0	0	0	1	–	2007	2007
Total	143	89	47	3	0	4	65.10	2006	2021
Estatísticas correctas até o India v Sri Lanka en Colombo, 1º T20I, 25 de xullo de 2021.

Máis carreiras en T20I para a India

Xogador	Carreiras	Media
Virat Kohli	3.225	52,01
Rohit Sharma	2.952	32,43
Shikhar Dhawan	1.759	27,92
MS Dhoni	1,617	37.60
Suresh Raina	1.605	29,18
KL Rahul	1.647	39,21
Yuvraj Singh	1.177	28,02
Gautam Gambhir	932	27,41
Manish Pandey	709	44,31
Rishabh Pant	590	22,69

Máis wickets en T20I para a India

Xogador	Wickets	Media
Yuzvendra Chahal	63	25,30
Jasprit Bumrah	62	20,33
Ravichandran Ashwin	54	22,35
Bhuvneshwar Kumar	50	25,60
Hardik Pandya	42	27,40
Kuldeep Yadav	41	14,21
Ravindra Jadeja	40	30,55

Xogadores en negra están aínda activos coa India.

Véxase tamén

Ligazóns externas

• Páxina web oficial do Board of Control for Cricket in India