Sés

Na Galipedia, a Wikipedia en galego.
SES
Foto SES Pontevedra febreiro 2017 2.jpg
SES coa súa banda no Pazo da Cultura de Pontevedra en febreiro de 2017 presentando o traballo Opoñerse á extinción.
Nome completo María Xosé Silvar
Alias SES ou Sés
Nacemento 1982
Orixe Galicia Galicia
Ocupación(s) Cantante, cantareira
Xénero Rock, blues, ritmos latinos, música galega
Instrumento(s) voz, guitarra
Selo(s) discográfico(s) Airapro Producións (2011); Fol Música (2012-actualidade)
Tempo en activo 2011- actualidade
Na rede
www.ses.gal

María Xosé Silvar, máis coñecida como Sés ou SES, nada na Coruña en 1982, é unha cantautora galega.

Traxectoria[editar | editar a fonte]

Comezou a súa formación no baile e na música tradicional galega. Ademais diso, é mestra e licenciada en filoloxía galega e antropoloxía social.

Foi no ano 2007 cando creou o grupo Chámalle Xis! xunto con outros tres amigos. Foron un dos grupos revelación daquel ano e un dos gañadores do concurso Acoruña Son, apadriñado por Santiago Auserón. Despois de máis de 30 concertos por toda Galiza con Chámalle Xis! e logo de colaborar con grupos e artistas coma Zënzar, Xabier Díaz, Xosé Bocixa e Guillerme Fernández, en 2010 Sés gravou unha maqueta con tres temas "Tola atrás de ti", "Admirando a condición" e "Se te vas", producida por Airapro. En marzo de 2011 gravou o seu primeiro álbum de estudio chamado Admirando a condición, e o 7 de xuño de 2013 presentou o segundo álbum Co xenio destrozado, no Teatro Principal de Santiago de Compostela. En 2015 saíu á venda o seu terceiro disco: Tronzar os valos. En novembro de 2016 lanza o sinxelo A Paz Esquiva, preludio do seu cuarto álbum: Opoñerse á extinción, que se lanza o 2 de decembro de 2016.

A agrupación[editar | editar a fonte]

Sés preséntase en tres formatos diferentes:

  • Banda completa de 11 músicos,
  • Formación reducida (guitarra, baixo, batería e voz),
  • Formato acústico, acompañada polo guitarrista Tito José Calviño.

Os músicos que completan Sés son David Paz (saxofón, clarinete, arranxista e produtor), Tito José Calviño na guitarra, Fernando Fraga no baixo, Lorena "Cachito" á batería, Jose Rodríguez no saxofón, Moncho Ces á trompeta, Cristian Leggiero no teclado e Aixa Romay, Lucía Souto e Carla Álvarez nos coros[1] .

Discografía[editar | editar a fonte]

Notas[editar | editar a fonte]

  1. musicaengalego.blogspot.com (ed.). "SÉS Maria Xosé Silvar". Consultado o 20 de setembro de 2013. 
  2. "Sés (María Xosé Silvar)". Consultado o 20 de setembro de 2013. 
  3. culturagalega.org (ed.). "Sés comeza a Tronzar os valos". Consultado o 14 de marzo de 2015. 
  4. Páxina Web da artista

Véxase tamén[editar | editar a fonte]

Ligazóns externas[editar | editar a fonte]