Rudolph Bergh

Na Galipedia, a Wikipedia en galego.
Infotaula de personaRudolph Bergh
Nome orixinalLudvig Sophus Rudolph Bergh
Biografía
Nacemento15 de outubro de 1824
Copenhague
Morte20 de xullo de 1909
Copenhague
Datos persoais
País de nacionalidadedanesa
Formación profesionalDoutor en Medicina
EducaciónDet von Westenske Institut
Actividade
Campo de traballoMedicina, venereology (en) Traducir, zooloxía e Malacoloxía Editar o valor em Wikidata
Ocupaciónmédico, malacólogo
EmpregadorHospital Almindeligt de Copenhague
Hospital Vestre de Copenhague
Membro de
LinguaLingua alemá e lingua dinamarquesa Editar o valor em Wikidata
Obra
Abreviatura do autor en zooloxíaBergh Editar o valor em Wikidata
Familia
FillosRudolph Sophus Bergh
PaisLudvig Anton Berg  e Anne Sophie Kirstine Pedersen
Premios
Cabaleiro da Orde de Terceira Clase (Ridder af Dannebrog)
Cabaleiro da Orde do Dannebrog
Cruz de Honra da Orde do Dannebrog
Busto de R. Bergh

Ludvig Sophus Rudolph Bergh, nado en Copenhague o 15 de outubro de 1824, e finado na mesma cidade o 20 de xullo de 1909, foi un médico e malacólogo danés.

Como médico a súa especialidade eran as enfermidades de transmisión sexual. En Copenhague levan o seu nome un hospital e unha rúa. Ademais de médico, foi tamén un importante malacólogo, é dicir, un zoólogo que estudaba os moluscos, en particular os nudibranquios; publicouo máis de 90 traballos neste campo, e participou nunha expedición científica a Indonesia. Nomeou e describiu numerosas especies de nudibranquios.

Traxectoria[editar | editar a fonte]

Breve biografía[editar | editar a fonte]

Rudolph Bergh naceu en Copenhague. O seu pai foi o médico xefe do exército Ludvig Anton Berg. A súa nai era Anne Sophie Kirstine (apelido de solteira Pedersen).

Bergh formouse no Det von Westenske Institut en 1842, e recibiu o seu título de médico en 1849. O doutor Rudolph Bergh foi médico asistente no que daquela era o hospital Almindeligt, e do hospital xeral de Amaliegade, en Copenhague, en 1863. Traballou no departamento de enfermidades da pel e enfermidades venéreas. En 1886 trasladouse ao hospital de Vestre, onde traballou até 1903.

Bergh morreu en 1909. Un ano despois da súa morte, o Hospital de Vestre pasou a chamarse Hospital Rudolph Bergh en honra á súa memoria.[1].[2] Nese hospital calquera persoa que o desexase podía facerse unha proba de enfermidades de transmisión sexual e obter consellos sobre sexo seguro e o control da natalidade mantendo o seu anonimato. En 2000, algunhas destas funcións foron transferidas ao Hospital Bispebjerg.

Hai un busto de Bergh en Copenhague, fronte ao homónimo "Rudolph Bergh's Hospital", en Tietgensgade.[1] O busto foi un agasallo dos seus compañeiros e estivo durante anos na súa casa. Despois da súa morte, a viúva de Bergh doouno ao hospital.

Bergh foi galardoado co título de cabaleiro da Orde de Terceira Clase (Ridder af Dannebrog) da Orde do Dannebrog e tamén da Dannebrogordenens Hæderstegn (Cruz de Honra da Orde do Dannebrog).[3]

En Copenhague hai unha rúa que leva o seu nome: Rudolph Berghs Gade (en galego: rúa de Rudolph Bergh) en Ydre Østerbro.

O seu fillo Rudolph Sophus Bergh (22 de setembro de 1859 - 7 de decembro de 1924) foi zoólogo e compositor musical.

Traballos como médico[editar | editar a fonte]

A súa especialización médica foron as enfermidades de transmisión sexual.[2] Entre os moitos textos que Rudolph Bergh escribiu estaba "Sobre as tatuaxes nas mulleres públicas", que foi publicado no Hospital Journal en 1891. O traballo trata sobre as conexións entre a prostitución, o crime e as tatuaxes. O artigo parece anticuado hoxe en día, e non debe ser tomado como a única expresión dos grandes esforzos de Rudolph Bergh por mellorar a saúde pública e, en particular, reducir os efectos nocivos das enfermidades de transmisión sexual.

Bergh tamén foi un dos editores da revista hospitalaria Hospitalstidende, onde publicou case todos os seus máis de 50 artigos médicos.

[editar | editar a fonte]

Bergh comezou a estudar os moluscos cando tiña case 30 anos, probabelmente baixo a influencia de Japetus Steenstrup, un biólogo danés que era 11 anos maior ca el e que era profesor de zooloxía na Universidade de Copenhague.[3]

Escribiu informes da expedición Challenger (1884) e da expedición Albatros (1894).[3] Participou no exame das especies que foron recollidas durante a expedición Siboga.[4]

Bergh chewgou a ser o principal experto mundial en nudibranquios. Escribiu os seus principais traballos malacolóxicos, así como máis de 90 artigos sobre malacoloxía.[3]

Entre outros traballos notábeis están os efectuados sobre a anatomía da rádula do xénero Conus (1896).[5]

Os seus debuxos malacolóxico considérase "excelentes".[3]]

Foi principalmente anatomista, e alcanzou grandes progresos na sistemática baseada na anatomía do sistema nervioso e do sistema reprodutor dos gasterópodos.[3]

Bergh foi moi activo nomeando e describindo especies de nudibranquios e outras lesmas mariñas.

Algunhas especies descritas por Bergh[editar | editar a fonte]

Entre moitas outras especies, á súa autoría débense:[Cómpre referencia]

  • Armina sempre (Bergh, 1861)
  • Chromodoris annae Bergh, 1877
  • Chromodoris dalli (Bergh, 1879)
  • Chromodoris elisabethina (Bergh, 1877)
  • Chromodoris morchii Bergh, 1879
  • Chromodoris punctilucens Bergh, 1890
  • Thuridilla lineolata Bergh, 1905
  • Phyllodesmium briareum (Bergh, 1896)
  • Phyllodesmium longicirrum (Bergh, 1905)

Algunhas publicacións[editar | editar a fonte]

  • 1858. "Beiträge zur Kenntniss der Coniden". Nova Acta der Ksl. Leop.-Carol. Deutschen Akademie der Naturforschen, Halle. Band 65, number 2, 214 pp., 13 tables.
  • 1870. "Malacologische Untersuchungen". En: C. G. Semper, Reisen im Archipel der Philippinen, Wissenschaftliche Resultate. Band 2, Heft 1: 1-30.
  • 1877. "Malacologische Untersuchungen". En: Reisen im Archipel der Philippinen von Dr. Carl Gottfried Semper. Zweiter Theil. Wissenschaftliche Resultate. Band 2, Theil 2, Heft 11, pp. 429–494.
  • 1879. "Neue Chromodoriden".Malakozool. Blatt, N. E 1 : 87-116; pt. 3 (31 March 1879)
  • 1879. "On the nudibranchiate gasteropod Mollusca of the North Pacific Ocean, with special reference to those of Alaska. Part I". Proc. Acad. Nat Sci. Philadelphia 31: 71-132.
  • 1879. "On the nudibranchiate gasteropod Mollusca of the North Pacific Ocean, with special reference to those of Alaska. Part 1". Sci. Results Explor. Alaska 1: 127-188.
  • 1879. "Gattungen nordische Doriden". Archiv für Naturgeschichte 45 (1): 340-369.
  • 1880. "On the nudibranchiate gasteropod Mollusca of the North Pacific Ocean, with special reference to those of Alaska. Part 2". Sci. Results Explor. Alaska 2: 189-276.
  • 1881. "Malacologische Untersuchungen". En: Reisen im Archipel der Philippinen von Dr. Carl Gottfried Semper. Zweiter Theil. Wissenschaftliche Resultate. Band 2, Theil 4, Heft 2, pp. 79–128.
  • 1890. "Reports on the results of dredging, under the supervision of Alexander Agassiz, in the Gulf of Mexico (1877-78) and in the Caribbean Sea (1879-80), by the U. S. Coast Survey Steamer “Blake”, Lieut.-Commander C. D. Sigsbee, U.S.N., and Commander J. R. Bartlett, U.S.N., commanding. Report on the nudibranchs". Bulletin of the Museum of Comparative Zoology 19(3): 155-181, 3 pls.
  • 1892. "Malacologische Untersuchungen". En: Reisen im Archipel der Philippinen von Dr. Carl Gottfried Semper. Zweiter Theil. Wissenschaftliche Resultate. Band 2, Theil 3, Heft 18, pp. 995–1165.
  • 1898. "Die Opisthobranchier der Sammlung Plate". Zoologische Jahrbücher, Supplement 4 (3): 481-582.
  • 1905. "Die Opisthobranchia". Siboga Expedition Monograph 50: 1-248.
  • 1908. "The Opisthobranchiata of South Africa". Marine investigations in South Africa. Cape Town. 5: 1-144. including 14 plates. (From the Transactions of the South African Philosophical Society 12.)

Eponimia[editar | editar a fonte]

O xénero de nudibranquios Berghia, descito e nomeado por Salvatore Trinchese en 1877, recibiu o seu nome na súa honra.

Abreviatura[editar | editar a fonte]

A abreviatura Bergh emprégase para recoñecer a Rudolph Bergh como autoridade na descriión e taxonomía en zooloxía.

Notas[editar | editar a fonte]

  1. ↑ 1,0 1,1 Zachariae, H. (2007): "Sophus Engelsted og Rudolph Bergh" Arquivado 19 de febreiro de 2012 en Wayback Machine.. Ugeskrift for Læger 169(35): 2864. PDF Arquivado 19 de febreiro de 2012 en Wayback Machine.
  2. ↑ 2,0 2,1 Dr Rudolph Bergh (1824-1909) Arquivado 26 de xullo de 2011 en Wayback Machine., Consultado o 20 de abril de 2022.
  3. ↑ 3,0 3,1 3,2 3,3 3,4 3,5 Schlesch H. (1946): "Rudolph Bergh". Journal of Conchology 22 (9): 225-226.
  4. ↑ Michael D. Miller (1999): Nudi branch of the Week is Phyllodesmium longicirra.
  5. ↑ Dall W. H. (1909): "Ludwig Rudolph Sophus Bergh". The Nautilus 23 (5): 72.

Véxase tamén[editar | editar a fonte]

Bibliografía[editar | editar a fonte]

  • Burn R. (1978): "Publication dates of Bergh’s 1879 papers describing American chromodorids". The Veliger 20 (3): 198-299.
  • Dall W. H. (1909): "Ludwig Rudolph Sophus Bergh". Science 30 (766): 304.
  • Petersen J. & Colin J. (1888): "Bergh, Ludvig Sophus Rudolf, f. 1824". Dansk Biografisk Leksikon, tillige omfattende Norge for tidsrummet 1537-1814, Kjøbenhavn. 2: 113-115.
  • Jensen K. R. (2006): "The type collection of specimens described by Rudolf Bergh and housed in the University of Copenhagen Zoological Museum". 72nd Annual Meeting of the American Malacological Society, Abstracts and Program: 52.
  • Vayssière, Albert Jean Baptiste Marie (1910): "Nécrologie. Rudolph Bergh". Journal de Conchyliologie 58 (1): 110-119. (Inclúe retrato e sinatura).
  • Winckworth R. (1946): "On Bergh’s Malacologische Untersuchungen". Proceedings of the Malacological Society of London 27 (1): 20-22.
Traído desde «https://gl.wikipedia.org/w/index.php?title=Rudolph_Bergh&oldid=6228077»