Praia de Area Longa, Porto do Son
| Praia de Area Longa / Praia de Baroña | |
|---|---|
 | |
| Coordenadas: 42°41′26″N 9°01′42″O / 42.690500000038, -9.0282000001812 | |
 | |
| Características xerais | |
| Lonxitude | 350 m |
| Largo medio | 35 m |
| Grao de ocupación | Medio-alto (no verán) |
| Grao de urbanización | Non hai |
| Paseo marítimo | Non hai |
| Características específicas | |
| Tipo de praia | Aberta (fóra da ría) |
| Tipo de area | Fina |
| Condicións do baño | Ondas de moderadas a fortes |
| Praia nudista | Si |
| Aspectos medioambientais | |
| Zona protexida | Si |
| Seguridade | |
| Sinalización do perigo | Si |
| Accesibilidade | |
| Tipo de acceso | A pé |
| Sinalización do acceso | Si, desde a estrada AC-550 |
A praia de Area Longa, tamén coñecida como praia de Baroña, é unha praia galega, situada na parroquia de Baroña, en Porto do Son, ao pé do castro de Baroña.
Trátase dunha praia fecuentada por nudistas,[1] así como por surfistas (debido ás súas ondas).
Características[editar | editar a fonte]
A súa extensión é de 350 m, e ten 35 m de anchura. O seu nivel de ocupación en verán é medio-alto. É unha praia illada sen paseo marítimo, e está principalmente composta por rochas e area branca e dourada.[2][3]
É unha praia de ámbito virxe, con forma de enseada. Á súa dereita atópase o coñecido castro de Baroña, ao que é recomendable facer unha visita.[3]
O estado habitual do mar é de ondadas de moderadas a fortes. A praia está sometida a un forte vento. Hai sinalizacións de perigo claramente visíbeis.[2] Límpase diariamente.[3]
A principio da década de 1980 saltou aos medios de comunicación[4] por ser unha praia escollida polos nudistas, o que en principio trouxo certa polémica.[3]
É unha praia apta para practicar o submarinismo. Ademais é unha das praias onde máis se practica o surf pola constante ondada do que goza.[2][3]
Está incluída na Rede Natura 2000.[2][3]
A praia conta con servizo de autobús interurbano. Non dispón de aparcadoiro. O acceso a pé, desde a estrada AC-550, é fácil,[2] e para acceder a ela hai que baixar unha acusada pendente (sinalizada).[3]
O hospital máis próximo é o Hospital da Barbanza, que se encontra a 9 km, no lugar de Salmón, na parroquia de Oleiros, no veciño concello de Ribeira.[2]
Notas[editar | editar a fonte]
- ↑ Federación Española de Naturismo
- ↑ 2,0 2,1 2,2 2,3 2,4 2,5 Playa Area Longa / Baroña Arquivado 03 de novembro de 2014 en Wayback Machine. en playas.es (en castelán).
- ↑ 3,0 3,1 3,2 3,3 3,4 3,5 3,6 Praia de Area Longa Arquivado 15 de agosto de 2016 en Wayback Machine. en Turgalicia (en galego).
- ↑ Don Sabino, cura párroco de Baroña, gana la primera batalla al nudismo