Ponte do Milenio

Na Galipedia, a Wikipedia en galego.

Coordenadas: 42°20′43″N 7°52′27″O / 42.34528, -7.87417

Ponte do Milenio
Ponte do Milenio, Ourense.jpg
Localización
Río Río Miño
Concello Ourense
Provincia Ourense
Características
Construción 2001 [1]
Lonxitude 277,80 m
Ancho 23 m
Tipo Sistema de tirantes e piares
Material formigón e metal

A ponte do Milenio, tamén coñecida como ponte da Gaivota pola súa forma, é a quinta ponte da cidade de Ourense es está situada entre a ponte Maior de Ourense e a ponte da Nacional N-525 (Benavente-Santiago). Ten un deseño interesante e destacado por unha pasarela que a envolve a modo de anel que se deforma para elevarse por encima e baixar polos laterais. Por este anel, pódese camiñar até 20 m de altura por riba da ponte cunha traxectoria de 100 chanzos. A lonxitude do vano central é de 110m cunha pendente de 2.57% e un radio de 320m[2].

Descrición[editar | editar a fonte]

A ponte está constituída por dous niveis. O nivel inferior é unha plataforma de formigón que forma a ponte en si mesma e pola que transitan vehículos e peóns. Un sistema de tirantes e dous piares metálicos inclinados, situados nos extremos, sustentan a plataforma de circulación. O segundo nivel da ponte está constituída pola pasarela peonil que descende polas beiras laterais por debaixo da plataforma e ascende até unirse cos extremos que proceden do outro lateral por encima da ponte formando unha especie de aro deformado que se adapta á ponte de modo envolvente. Este paseo envolvente é transitábel e proporciona unhas vistas interesante da paisaxe do río e da cidade. A obra realizouse entre abril 1999 e agosto 2001.[2]

Acceso[editar | editar a fonte]

Accédese desde a estrada N-525 en dirección ao centro da cidade pola Rúa dos Remedios. Ten dobre sentido de circulación e desemboca nos seus extremos en sendas rotondas.

Responsábeis do proxecto[editar | editar a fonte]

O proxecto é do arquitecto Álvaro Varela de Ugarte, da Escola Técnica Superior de Arquitectura de Madrid, máster en Arquitectura pola Universidade de Yale e doutor pola Universidade de Tokio. O desenvolvemento da enxeñería foi de Pondio Ingenieros s.l. e a empresa construtora foi UTE Ponte Miño (ACS / OCA).

Galería de imaxes[editar | editar a fonte]

Desde a beira dereita do río. 
Barrio da Ponte, norte da ponte. 
Desde a beira esquerda do río. 
O Ribeiriño, norte da ponte. 
Vista xeral desde o Barbaña. 
Vista xeral desde o Pavillón. 
Vista xeral desde o Pavillón. 
Xeral desde a escada de acceso. 
Xeral desde a beira sur da ponte. 
Tirantes e piares da ponte. 
Paseo peonil envolvente. 
Piar sur e arranque dos tirante. 

Notas[editar | editar a fonte]

Véxase tamén[editar | editar a fonte]