Phnom Penh

Na Galipedia, a Wikipedia en galego.
Phnom Penh
Mapa
Cb-map.png
Información
País Flag of Cambodia.svg Camboxa
Provincia Phnom Penh
Superficie 290 km2
Poboación 1.325.661 (2008)
Densidade h/km²
Alcalde H.E. Keb Chutema
Phnom Penh aerial.jpg

Phnom Penh é a capital de Camboxa, estado do extremo sudoriental de Asia. Amén de ser a maior e máis populosa cidade do país, con máis de 1.200.000 de habitantes. ë tamén a capital do concello homónimo. É ademais o máis importante centro politico, comercial e cultural da nación.

Coñecida como a Perla de Asia', a cidade é unha das máis apetecidas metas turísticas, o mesmo a nivel nacional como internacional.

Phnom Penh é famosa pola súa arquitectura, tanto polo que se refire ao estilo tradicional khmer como pola importada de Francia, e pola cordialidade das súa xente.

Xeografía[editar | editar a fonte]

Phnom Penh está situada na parte sudoriental de Camboxa, sobre unha chaira aluvial, na confluencia dos ríos Tonlé Sap, Bassac e Mekong. As súas coordenadas son 11º 5' N e 104º 91' L.

Clima[editar | editar a fonte]

O clima é caloroso ao longo de todo o ano, con escaso gradiente térmico, e pertence ao tipo de clima tropical monzónico. Hai tres estacións pricipais: a estación fría, entre novembro e xaneiro; a estación cálida desde febreiro a maio e a estación da choivas, de xuño a outubro.

Climodiagrama de Phnom Penh

Historia[editar | editar a fonte]

Arredor de 1440, cando Angkor foi abandonada, Phnom Penh tornouse a nova capital debido a que se situaba nunha posición máis defendíbel a respeito das incursións desde o veciño reino de Siam e con maiores perspectivas comerciais pola súa proximidade ao río Mekong. En 1772 foi arrasada polos tailandeses. Case cen anos logo, en 1863, foi conquistada polos franceses.

No ano 1975 os khmer vermellos, sob a xefatura de Pol Pot, aplicaron unha política die“socialismo do gran”, deportando todos os habitantes das cidade para os campos e aloxándoos en factorías comúns. Phnom Penh ficou trasformada nunha cidade fantasma. Durante o Nadal de 1978, un exército de 200.000 vietnamitas invadíu Camboxa, conquistou Phnom Penh e expulsaron a Pol Pot, xunto cos seus máis fieis, para os bosques dos confíns con Tailandia. Paulatinamente a xente iniciou o retorno para a cidade. Comezou un período de reconstrución, empurrado pola estabilidade de goberno, que puido atraer investimentos estranxeiros e axudas de organismos supranacionais e gobernos de estados diversos, como Francia, Australia ou o Xapón, qon o que as onfraestructuras foron revitalizadas.

Patrimonio cultural[editar | editar a fonte]

O Pazo Real

Os maiores atractivos culturais, e a un tempo turísticos, de Phnom Penh son:

  • o Pazo Real (Preah Barom Reachea Vaeng Chaktomuk), de 1866, está situado na beira esquerda do río Mekong, no barrio denominado Chaktomuk.
  • a Pagoda de Prata (Wat Preah Keo), un conxunto de edificacións tamén de mediados do XIX, que é a vez o templo real; contén estatuas de Buda enxoiadas, algunhas moi antigas.
  • o Museo Nacional de Camboia, construído entre 1917-20, durante a época colonial francesa, aínda que en estilo local; está unicado nas proximidades do Pazo Real, e contén boas coleccións de arte khmer e outras.
  • o Phsar Thom Thmei ou "Gran Novo Mercado", de estilo art-déco, erguido en 1937.
  • o Vimean Akareach ou Monumento á Independencia,
  • o Monumento á Amizade entre Camboxa e Vietnam,
  • o Museo Tuol Sleng ou do Xenocidio,
  • a pagoda Wat Phnom é un dos monumentos máis antigos da cidade, que data do século XIV.

Fora da cidade está o Centro do Xenocidio Choeung Ek.

Unha rúa en Phnom Penh

Comunicacións[editar | editar a fonte]

Hai todo tipo de servicios de transporte, incluíndo ferrocarril, e autoestradas que conducen a Tailandia e Vietnam. Hai unha liña ferroviaria Phnom Penh-Battambang, que realiza unha viaxe diaria. O grande porto da cidade, fluvial, ten saída para o Mar da China. Dentro da cidade hai autobuses, taxis e os populares rickshaws, movidos por bicicletas ou motocicletas.

O Aeroporto Internacional de Phnom Penh é o segundo en importancia do país. Está sito a 7 km do centro da cidade en dirección oeste.

Galería fotográfica[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia sobre: Phnom Penh