Philip Miller

Na Galipedia, a Wikipedia en galego.
Saltar ata a navegación Saltar á procura
Philip Miller
John Sebastian Miller.jpg
Retrato do botánico escocés Philip Miller na tradución francesa de The Gardener Dictionary, en realidade un autorretrato de John S. Miller.
Nacemento1691
 Inglaterra
Falecemento18 de decembro de 1771
 Chelsea, Londres
Nacionalidadebritánica
Ocupaciónhorticultor, botánico
PaiJoseph Miller
CónxuxeMary Kennet
FillosCharles e Philip
PremiosMembros da Royal Society
editar datos en Wikidata ]

Philip Miller, nado en Deptford, ou quizais en Greenwich, en 1691 e finado en Chelsea, Londres o 18 de decembro de 1771, foi un horticultor e botánico británico, de ascendencia escocesa.

Traxectoria[editar | editar a fonte]

Philip Miller foi o xardineiro en xefe do Xardín Botánico de Chelsea (Chelsea Physic Garden) desde 1721 até case a data da súa morte. Casou con Mary Kennet, con quen tivo dous fillos, Charles e Philip.

Mantivo unha correspondencia importante con outros botánicos do seu tempo, obtendo numerosos espécimes procedentes de todo o mundoero, que cultivou na Gran Bretaña. Miller instruíu a William Aiton (1731-1793), que máis tarde chegaría a ser o xardinero en xefe do Real Xardín Botánico de Kew, e a William Forsyth (1737-1804).

Philip Miller rexeitou a nomenclatura binomial de Linneo (1707-1778) e prefiriu utilizar a clasificación de Joseph Pitton de Tournefort (1656-1708), e a de John Ray (1627-1705). Soamente na oitava edición da súa obra The Gardeners Dictionary (O dicionario dos xardineiros), en 1768, foi cando adoptou o sistema linneano. Porén, xa describira algúns xéneros, tales como Larix e Vanilla, que foron validados no sistema lineano, na cuarta edición de Species Plantarum, de 1754.

Miller está vinculado coas orixes do cultivo do algodón en Xeorxia, Estados Unidos, onde plantou persoalmente as primeiras sementes en 1733.

Obras[editar | editar a fonte]

  • The Gardeners & florists dictionary, or a Complete system of horticulture (dous volumes, C. Rivington, Londres, 1724)
  • Catalogus plantarum, tum exoticarum tum domesticarum, quae in hortis haud procul a Londino sitis in venditionem propagantur (Londres, 1730)
  • The Gardeners dictionary, containing the methods of cultivating & improving the kitchen, fruit and flower garden, as also the physick garden, wilderness, conservatory and vineyard (dous volumes, C. Rivington, Londres, 1731-1739)
  • The Gardeners kalendar, directing what works are necessary to be done every month in the kitchen, fruit & pleasure gardens & in the conservatory, with an account of the particular seasons for the propagation and use of all sorts of esculent plants & fruits proper for the table & of all sorts of flowers, plants & trees that flower in every month (C. Rivington, Londres, 1732, reeditado en 1748, 1754, 1762, quinta edición en 1769)
  • A parte botánica do Dictionarium britannicum, or a more compleat universal etymological English dictionary than any extant, 2ª ed. de Nathan Bailey (16?-1742), con Thomas Lediard (1685-1743) para a parte matemática (T. Cox, Londres, 1736, reeditado por T. Osborne en 1764)
  • The Method of cultivating madder, as it is now practised by the Dutch in Zealand... to which is added the method of cultivating madder in England (J. Rivington, Londres, 1758)
  • Traité complet sur la manière de planter, d'élever et de cultiver la vigne, extrait du grand dictionnaire anglais de Miller, par les soins de la Société œconomique de Berne en allemand, traduit de l'allemand et augmenté par un membre de la ditte société; on y a ajouté la manière de cultiver la vigne dans le canton, tirée du Recueil œconomique de la même Société (dous volumes, Yverdon, 1768)

Honores[editar | editar a fonte]

O 22 de xaneiro de 1730 foi elixido membro da Royal Society de Londres.

Epónimos[editar | editar a fonte]

Abreviatura[editar | editar a fonte]

A abreviatura Mill. emprégase para recoñecer a Philip Miller como autoridade na descrición e taxonomía en botánica.

Notas[editar | editar a fonte]

  1. Sp. Pl. 2: 919. 1753 (IK)

Véxase tamén[editar | editar a fonte]