Parken Stadion

Parken Stadion
	Estadio de categoría 4 da UEFA ;
Tipo	estadio de fútbol
Localización
	55°42′09″N 12°34′20″L / 55.70247, 12.5722
Estado federado	Dinamarca
Rexión	Rexión de Hovedstaden
Concello	concello de Copenhague
Localización	Copenhague, Dinamarca
Rúa	Per Henrik Lings Allé (en)
Código postal	2100
Enderezo	Per Henrik Lings Allé 2, 2100 København Ø
Datas
Fundación	9 de setembro de 1992
Inauguración	1992
Acontecementos
Dimensións
Capacidade	42 305
Superficie	Céspede
Persoas e organizacións
Propietario/a	PARKEN Sport & Entertainment A/S
Arquitecto/a	Gert Andersson
Ocupante	F.C. København
Deporte
Deporte	fútbol
Localía	FC Copenhague; Selección de fútbol de Dinamarca
Contacto
Páxina WEB	parkenstadion.dk
	[ Wikidata ]

O Parken Stadion (por razóns de patrocinio denominado Telia Parken) é un estadio de fútbol situado no distrito de Indre Østerbro na cidade de Copenhague, capital de Dinamarca. O recinto inaugurado en 1992 posúe unha capacidade para 42 305 persoas. Acolleu partidos da UEFA e FIFA.

Historia

O Parken Stadion foi construído no mesmo lugar onde estivo o estadio nacional de Dinamarca, Idrætsparken, entre 1990 e 1992. O último partido oficial da selección nacional en Idrætsparken foi nas eliminatorias da Eurocopa 1992, no partido que perdeu 0-2 contra Iugoslavia o 14 de novembro de 1990. O 9 de setembro de 1992 realizouse un partido amigable contra Alemaña e perdeu por 1–2.

O estadio foi reconstruído pola compañía Baltica Finans A/S garantindo á Unión Danesa de Fútbol, que todos os partidos nacionais serían xogados en Parken polo menos polos próximos 15 anos. Toda a reconstrución custou 640 millóns de coroas dinamarquesas.

En 1998, Baltica Finans vendeu o estadio ao club FC Copenhague por DKK 138 millóns, e o club agora é propietario do estadio e as instalacións adxacentes.

Parken foi incluído na lista de estadios 4 estrelas da UEFA no outono de 1993, permitindo que sexa seleccionado para albergar finais de Copa UEFA así como da desaparecida Recopa europea. Sendo un estadio de 4 estrelas, Parken aínda non pode organizar a final da liga de Campións da UEFA xa que esta require unha capacidade para 50 000 espectadores.

O 2 de xuño de 2007 no Parken Stadion un espectador atacou o árbitro durante o partido entre Dinamarca e Suecia nas eliminatorias da Eurocopa 2008, recibindo unha sanción e unha multa económica.

Espectáculos

O estadio acolleu unha serie de concertos multitudinarios como Pink Floyd (na súa xira The Division Bell en 1994), Madonna, Lady Gaga, Depeche Mode, Pet Shop Boys, Eminem, Tiësto, U2, Robbie Williams, Michael Jackson etc. En 2001 acolleu o Festival de Eurovisión concentrando o maior aforamento da historia deste certame, 38 000 espectadores.

O 11 de xullo de 2009, Britney Spears pasou por este estadio para presentar a súa xira "The Circus Starring: Britney Spears" promovendo o seu álbum Circus, diante de máis de 50 mil persoas, facendo un "cheo completo".

Eventos

Eurocopa 2020

O Parken Stadion albergará catro partidos da Eurocopa 2020:

Data	Selección #1	Resultado	Selección #2	Rolda	Espectadores
12 de xuño de 2021	Dinamarca	0–1	Finlandia	Primeira fase, grupo B	15 200
17 de xuño de 2021	Dinamarca	1–2	Bélxica	Primeira fase, grupo B	23 395
21 de xuño de 2021	Rusia	1–4	Dinamarca	Primeira fase, grupo B	23 644
28 de xuño de 2021	España	–	Croacia	Cuartos de final

Partidos notables

Data	Equipo 1	Res.	Equipo 2	Competición	Espectadores
4 de maio de 1994	Arsenal FC	1–0	Parma FC	Final da Recopa de Europa 1994	33 765
17 de maio de 2000	Galatasaray	0–0 (pen. 4-1)	Arsenal FC	Final da Copa UEFA 2000	38 919
8 de outubro de 2005	Dinamarca	1–0	Grecia	Clasificación de UEFA para a Copa Mundial de Fútbol de 2006	42 099 (marca de asistencia)
6 de abril de 2006	FC Copenhagen	1–0	Lillestrøm SK	Final da Royal League 2005-06	13 617
30 de abril de 2006	FC Copenhagen	0–0	Brøndby IF	Superliga danesa 2005-06	41 201 (marca en liga)

Véxase tamén

Ligazóns externas

Sitio web do Parken Stadion.Arquivado 28 de xuño de 2010 en Wayback Machine..

Predecesor: Estadio Olímpico Luzhnikí Moscova, 1999	Final da UEFA Europa League Copenhague, 2000	Sucesor: Signal Iduna Park Dortmund, 2001
Predecesor: Globen Arena Estocolmo, 2000	Sede do Festival da Canción de Eurovisión Copenhague, 2001	Sucesor: Saku Suurhall Tallin, 2002