Píldora dourada siberiana

Na Galipedia, a Wikipedia en galego.
Saltar ata a navegación Saltar á procura
Píldora dourada siberiana
Píldora dourada siberiana en plumaxe reprodutora
Píldora dourada siberiana en plumaxe reprodutora

En plumaxe non reprodutora en Laem Pak Bia, Tailandia
En plumaxe non reprodutora en Laem Pak Bia, Tailandia

Estado de conservación
Pouco preocupante (LC)
Pouco preocupante[1]
Clasificación científica
Reino: Animalia
Filo: Chordata
Clase: Aves
Orde: Charadriiformes
Familia: Charadriidae
Xénero: Pluvialis
Especie: P. fulva
Nome binomial
Pluvialis fulva
(Gmelin, 1789)
Distribución de Pluvialis fulva      Área de cría.     Área de migración.     Área de invernada.     Errante (estacionalidade incerta).

Distribución de Pluvialis fulva
     Área de cría.     Área de migración.     Área de invernada.     Errante (estacionalidade incerta).
Sinonimia

Charadrius fulvus
Pluvialis dominica fulva

A píldora dourada siberiana[2][3] (Pluvialis fulva) é unha ave de tamaño mediano pertencente á familia Charadriidae.

Morfoloxía[editar | editar a fonte]

O adulto mide de 23 a 26 centímetros de longo e presenta unha plumaxe de cor dourada e negra na cabeza, dorso e ás. A súa face e pescozo son negros cunha beira branca e a fronte, coxas e patas tamén son negras. En inverno perde a plumaxe escura e substitúeo por outro máis amarelado na face, coas partes inferiores de cor branca.

É similar ás outras dúas píldoras (ou píllaras) douradas, a píldora dourada europea e a píldora dourada americana. A siberiana é de menor tamaño e ten patas máis longas que a europea, que tamén ten plumas axilares brancas. Aseméllase moitísimo á americana, e nalgún momento foron considerados da mesma especie.[4] A píldora dourada siberiana ten complexión máis delgada que a especie americana, patas máis longas e un ton amarelo máis vivo na súa parte posterior.

Zona de distribución[editar | editar a fonte]

Habita na tundra ártica, desde o extremo norte de Asia ata o oeste de Alasca. Fai o niño no chan, nunha zona seca aberta.

É unha ave migratoria e pasa o inverno no sur de Asia e en Australasia. Un número reducido de exemplares migra cara a California e Hawai, nos Estados Unidos. Tamén é unha ave accidental en Europa Occidental, incluída Galicia.

Alimentación[editar | editar a fonte]

Aliméntase de insectos, crustáceos, arañas e froitos vermellos, que encontra na tundra, en campos, praias e outras zonas chairas, xeralmente localizándoos coa vista.[5]

Notas[editar | editar a fonte]

  1. BirdLife International (2004). "Pluvialis fulva". Lista Vermella de especies ameazadas. (en inglés). Unión Internacional para a Conservación da Natureza. Consultado o 6 de maio de 2012. 
  2. Conde Teira, M. A. (1999). "Nomes galegos para as aves ibéricas: lista completa e comentada" (PDF). Chioglossa (A Coruña) 1: 121–138. Arquivado dende o orixinal (PDF) o 15 de marzo de 2016. Consultado o 28 de setembro de 2016. 
  3. Penas Patiño, Xosé M.; Pedreira López, Carlos (setembro de 2004). Guía das aves de Galicia. Ilustrado por Calros Silvar (2ª ed.). A Coruña: Baía Edicións. ISBN 84-96128-69-5.
  4. Sangster et al., 2002
  5. "Pluvialis fulva — Pacific Golden Plover" (en inglés). Australian Government: Department of Sustainability, Environment, Water, Population and Communities. Consultado o 6 de maio de 2012. 

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]