Nishitani Keiji
 | |
| Nome orixinal | (ja) 西谷啓治  |
|---|---|
| Biografía | |
| Nacemento | 27 de febreiro do 1900 Ishikawa, Xapón |
| Morte | 24 de novembro do 1990 |
| Datos persoais | |
| País de nacionalidade | Xaponesa |
| Relixión | Budismo zen |
| Educación | Universidade de Quioto |
| Actividade | |
| Ocupación | Filósofo |
| Empregador | Universidade de Quioto Ōtani University (en)  |
| Membro de | |
| Lingua | Lingua xaponesa |
Premios
| |
Nishitani Keiji (西谷啓治?), nado o 27 de febreiro do 1900 en Ishikawa e finado o 24 de novembro do 1990, foi un filósofo xaponés da Escola de Quioto.[1][2] Foi discípulo de Nishida Kitarō.
Traxectoria[editar | editar a fonte]
No 1924, doutorouse pola Universidade de Quioto cunha tese sobre as obras de Friedrich Schelling e Henri Bergson.[3] Entre o 1937 e o 1939, estudou con Martin Heidegger na Universidade de Friburgo.[2][3] No 1943, ocupou a cátedra de Filosofía e Relixión da Universidade de Quioto.[3] Polos seus escritos sobre o concepto de nación, realizados durante o período de guerra, as autoridades imperiais considerárono sospeitoso de traizón.[3] No 1964, converteríase en catedrático emérito da Universidade de Quioto. En varias ocasións, foi profesor visitante nos Estados Unidos e en Europa.[2]
Filosofía[editar | editar a fonte]
Segundo o propio Nishitani, "o problema fundamental da miña vida (...) foi sempre a superación do nihilismo a través do nihilismo".[4] A filosofía de Nishitani tiña unha inclinación relixiosa e subxectiva, próxima aos autores existencialistas e místicos como Søren Kierkegaard e Meister Eckhart.[4] Neste sentido, opoñíase aos eruditos e teólogos que procuran elaborar un sistema de pensamento. Nishitani reuniu organicamente a poesía, a literatura, a relixión e a filosofía do zen no seu traballo.[4]
Na súa obra Shūkyō to wa nanika? 宗教とは何？("Que é a relixión?", 1961), Nishitani compara o concepto budista de sunyata ou baleiro co nihilismo occidental.[5] Namentres a nada nihilista significa ausencia de sentido, o sunyata está relacionado coa aceptación do anatta, un dos tres correctos entendementos do Nobre Óctuple Sendeiro, e co rexeitamento do ego para ser un con todo.[6] Xa que logo, o baleiro budista implica que "todas as cousas que está no mundo están unidas, de un ou outro xeito".[6]
Obras[editar | editar a fonte]
As obras completas de Nishitani foron editadas en 26 volumes. As seguintes son algunhas das máis representativas:[2]
- Kami to zettai mu 神と絶対無 ("O divino e a negación absoluta", 1948).
- Arisutoteresu ronkō アリストテレス論考 ("Examinando a Aristóteles", 1948).
- Gendai shakai no somondai to shūkyō 現代社会の諸問題と宗教 ("Problemas e relixión na sociedade moderna", 1951).
- Shūkyō to wa nanika? 宗教とは何？("Que é a relixión?", 1961)
- Bukkyō ni tsuite 仏教について ("Sobre o budismo", 1982).
- Nishida Kitarō: Sono hito to shisō 西田幾多郎 その人と思想 ("Nishida Kitarō: O home e o pensamento", 1985).
- Zen no tachiba 禅の立場 ("O punto de vista do zen", 1986).
Traducións[editar | editar a fonte]
- Nishitani, K. (2017). La religión y la nada. Tradución ao castelán de Raquel Bouso. Chisokudo Publications. ISBN 978-1977717788[7]
Notas[editar | editar a fonte]
- ↑ "Nishida Kitar)( Davis, Bret W. (2023). Zalta, Edward N.; Nodelman, Uri, eds. The Kyoto School (Winter 2023 ed.). Metaphysics Research Lab, Stanford University.
- ↑ 2,0 2,1 2,2 2,3 "思想家紹介 西谷啓治 « 京都大学大学院文学研究科・文学部" (en xaponés). Consultado o 2023-12-16.
- ↑ 3,0 3,1 3,2 3,3 "NISHITANI KEIJI". The Kyoto School of Philosophy (en inglés). 2016-12-20. Consultado o 2023-12-16.
- ↑ 4,0 4,1 4,2 Heisig, James (2015). Filósofos de la nada: Un ensayo sobre la Escuela de Kioto (en castelán). Editorial Herder. ISBN 9788425433177.
- ↑ Thacker, Eugene (2016-04-30). "Black Illumination: the abyss of Keiji Nishitani". The Japan Times (en inglés). Consultado o 2023-12-16.
- ↑ 6,0 6,1 Nishitani, Keiji (2017). La religión y la nada (en castelán). Chisokudo Publications. ISBN 978-1977717788.
- ↑ "La religión y la nada – Chisokudo Publications" (en inglés). Consultado o 2023-12-16.
Véxase tamén[editar | editar a fonte]
Bibliografía[editar | editar a fonte]
- Heisig, J. (2015). Filósofos de la nada: Un ensayo sobre la Escuela de Kioto. Editorial Herder. ISBN 9788425433177