Universidade de Friburgo, Suíza

Universidade de Friburgo, Suíza
	Instancia de universidade pública; universidade integral
	Composto por Q110089751 ; faculté de théologie de Fribourg (en)
Persoas e organizacións
	Fundador/a Georges Python
	Reitor/a Astrid Epiney (pt) 15 de marzo de 2015 ; Antoine Braun 1946 - 1947; Georges Gariel 1911 - 1912; Mathieu Frans Daniëls (en) ; Séverin Bays (pt)
	Número estudiantes 10366 (2018); 10576 (2017); 9651 (2010); 8849 (2000); 10000
	En sociedade con Pedagogical University of Fribourg (en)
	Membro de swissuniversities (en) ; Asociación Internacional de Universidades; ORCID; Asociación de Universidades Europeas; Coalición para o Avance da Avaliación da Investigación; Axencia Universitaria da Francofonía
	Entidades subsidiarias Q115097720 ; Q110089751 ; Adolphe Merkle Institute (en)
Actividade
	Elemento operado FOLIA Fribourg Open Library and Archive (en)
Datas e cronoloxía
	Fundación 1889
Localización
	Situado en Friburgo
	Enderezo Avenue de l’Europe 20
	País Suíza
	46°48′22″N 7°09′06″L / 46.8062, 7.1517
Fontes e ligazóns
	Páxina WEB unifr.ch
	Teléfono +41-26-300-71-11
	Redes
	Wikidata C:Commons

A Universidade de Friburgo (en alemán Universität Freiburg, en francés Université de Fribourg, en latín Universitas Friburgensis) é un centro de educación superior fundado no século XIX, a sexta universidade de Suíza por número de estudantes e a única universidade oficialmente bilingüe do país.^[1] Forma parte do Grupo Compostela de Universidades.

Nome

A Universidade de Friburgo, abreviada UniFr, foi fundada en 1889 na cidade suíza de Friburgo.^[2] En Baden-Württemberg, Alemaña hai outra cidade chamada Friburgo onde tamén hai outra universidade coloquialmente coñecida como Universidade de Friburgo, en alemán Uni Freiburg, oficialmente Universidade Albert Ludwig de Friburgo (en alemán, Albert-Ludwigs-Universität Freiburg), fundada no século XV.

Facultades

A universidade ten cinco facultades: Teoloxía católica, Dereito, Ciencias económicas e Sociais, Filosofía (tamén chamadas letras) e Ciencias.

A facultade de Ciencias con case 2000 estudantes é a segunda facultade da universidade. Propón programas de bioloxía, bioquímica, ciencias biomédicas, ciencias ambientais, deportes, farmacia, física, xeoloxía, xeografía, informática, matemáticas, medicina e odontoloxía, neurociencias e química.
A facultade de Ciencias económicas e sociais con 1800 estudantes é a terceira facultade. Consta de catro departamentos: administración, economía, informática e medios e ciencias da comunicación.
A facultade de Dereito é a cuarta facultade con 1600 estudantes. Os programas inclúen: Dereito suízo e Dereito internacional (incluído o Dereito europeo).
A facultade de Filosofía é a máis grande de todas con aproximadamente 4.350 estudantes. A facultade inclúe programas de: filosofía, ciencias históricas, linguas, literatura, pedagoxía, psicoloxía ou ciencias sociais.
A facultade de Teoloxía con 340 estudantes é a máis pequena da universidade, non obstante é a máis grande de Suíza e xunto con Lucerna a única facultade de teoloxía católica do país.

Estudantes

Na UniFr estudaron persoas coñecidas como Joseph Bech (1887–1975), presidente do goberno de Luxemburgo; Mary Daly (1928–2010), feminista estadounidense; Giuseppe Lepori (1902–1968), político, conselleiro federal; Joseph Deiss, conselleiro federal e Presidente da Asemblea Xeral das Nacións Unidas, Christian Frei (nado en 1959), director de filmes documentais; Antonin Scalia (nado en 1936), xuíz da Corte Suprema dos Estados Unidos; Klaus Schwab (nado en 1938), fundador e presidente do Foro Económico Mundial (WEF) en Davos; W. G. Sebald (1944–2001), escritor, ou Chaim Weizmann (1874–1952), químico, primeiro presidente israelí.

Honoris Causa

As facultades da Universidade nomearon diversos doutores honoris causa, entre eles Agustin Bea (1961), Yves Congar (1965), Hans Urs von Balthasar (1967), Walter Burkert (1989), Xoán Carlos I (1993), Wim Wenders (1995), Desmond Tutu (1999), Bertrand Piccard (2000), D. Strauss-Kahn (2005), Giorgio Agamben (2012) ou Roberto Saviano (2013).

Notas

↑ "Fribourg University Law Faculty". llm-guide.com (en inglés). Consultado o 2022-08-03.
↑ "Université de Fribourg - Home ; Université de Fribourg". www.unifr.ch. Consultado o 2022-08-03.

Véxase tamén

Ligazóns externas

Sitio web da Universidade de Friburgo

[1] "Fribourg University Law Faculty". llm-guide.com (en inglés). Consultado o 2022-08-03.

[2] "Université de Fribourg - Home ; Université de Fribourg". www.unifr.ch. Consultado o 2022-08-03.

[1]

[2]