Mozart in the Jungle
| Mozart in the Jungle | |
|---|---|
| Xénero | Comedia dramática |
| Tema de apertura | "Lisztomania" de Phoenix (Francia) |
| País de orixe |  Estados Unidos |
| Lingua(s) | Inglés |
| Episodios | 40 |
| Produción | |
| Duración | 26–30 minutos |
| Distribuidor | Amazon |
| Emisión orixinal | |
| Canle de orixe | Amazon Video |
| Primeiro episodio | 6 de febreiro do 2014 |
| Derradeiro episodio | 16 de febreiro do 2018 |
| Na rede | |
| https://www.amazon.com/dp/B00I3MQ88U/ | |
         | |
| [ editar datos en Wikidata ] | |
Mozart in the Jungle é unha serie de televisión estadounidense desenvolvida por Roman Coppola, Jason Schwartzman, Alex Timbers e Paul Weitz para o servizo de vídeo baixo demanda Amazon Video.[1]
A historia está inspirada no libro de 2005 da oboísta Blair Tindall Mozart in the Jungle: Sex, Drugs, and Classical Music, no que narra as súas memorias como oboísta profesional en Nova York tocando coa New York Philharmonic e orquestras de espectáculos de Broadway shows.[2] Unha das personaxes principais é Rodrigo, encarnado por Gael García Bernal, unha personaxe baseada no director de orquestra Gustavo Dudamel,[3] xunto con Lola Kirke, Malcolm McDowell, Saffron Burrows, Hannah Dunne, Peter Vack, e Bernadette Peters.
O día 6 de abril de 2018 Amazon confirmou o final da serie logo da cuarta tempada estreada en febreiro dese mesmo ano.[4]
Elenco e personaxes
[editar | editar a fonte]Personaxes principais
[editar | editar a fonte]_(cropped).jpg)
| Nome | Representado por | Ocupación | Tempadas | |||
|---|---|---|---|---|---|---|
| 1 | 2 | 3 | 4 | |||
| Hailey Rutledge | Lola Kirke | Talentosa oboísta que quere tocar na Orquestra Sinfónica de Nova York e que ao longo da serie establece un forte vínculo co director Rodrigo De Souza. | Protagonista | |||
| Rodrigo De Souza | Gael García Bernal | O novo director da Orquestra Sinfónica de Nova York. Ao longo da serie establece un forte vínculo coa oboísta Hailey Rutledge. | Protagonista | |||
| Gloria Windsor | Bernadette Peters | Presidenta da Orquestra Sinfónica de Nova York. | Protagonista | |||
| Thomas Pembridge | Malcolm McDowell | O director emérito da Orquestra Sinfónica de Nova York. | Protagonista | |||
| Cynthia Taylor | Saffron Burrows | Violonchelista da Orquestra Sinfónica de Nova York. | Protagonista | |||
Personaxes secundarios
[editar | editar a fonte]| Nome | Representado por | Ocupación |
|---|---|---|
| Elizabeth "Lizzie" Campbell | Hannah Dunne | Compañeira de piso e mellor amiga de Hailey Rutledge. |
| Alex Merriweather | Peter Vack | Bailarín, parella de Hailey durante as dúas primeiras tempadas. |
| Betty Cragdale | Debra Monk | Oboísta da Orquestra Sinfónica de Nova York dende hai moito tempo, que de inmediato despreza a Hailey. |
| Union Bob | Mark Blum | Frautista piccolo na orquestra e sindicalista que logo do peche patronal da orquestra compaxina o seu traballo na mesma co de condutor de Uber. |
| Sharon | Jennifer Kim | Primeira asistente de Rodrigo. |
| Warren Boyd | Joel Bernstein | Concertino da orquestra. |
| Anna Maria | Nora Arnezeder | Violinista e exmuller de Rodrigo. |
| Dee Dee | John Miller | Percusionista da orquestra que tamén subministra fármacos e drogas ao resto de integrantes. |
| Triangle Tanya | Rubio Qian | Percusionista da orquestra encargada de tocar o triángulo. |
| Edward Biben | Brennan Brown | Membro da xunta da orquestra. |
| Nina Robertson | Gretchen Mol | Avogada dos músicos da orquestra durante a crise laboral que acaba namorándose de Cynthia. |
| Addison | Makenzie Leigh | Bailarina, compañeira de baile e de piso de Alex. |
| Claire | Margaret Ladd | Exmuller de Thomas que morre logo de escoitar a súa sinfonía completa. |
| Bradford Sharpe | Jason Schwartzman | Amante da música clásica e propietario do seu propio podcast, "B-Sharpe". Mantén durante algún tempo unha relación coa mellor amiga de Hailey, Lizzie Campbell. |
| Marlin Guggenheim | John Hodgman | Un presunto multimillonario namorado de Hailey. |
| Winslow Elliott | Wallace Shawn | Pianista concertista neurótico. |
| Manuel | Tenoch Huerta Mejía | Amigo da infancia de Rodrigo. |
| Andrew Walsh | Dermot Mulroney | Solista de violonchelo que confraterniza con Hailey. |
| Alessandra | Monica Bellucci | Unha soprano italiana que vive en Venecia. Alcumada "La fiamma", retirouse da música, aínda que Rodrigo a persuade para que volva cantar. |
| Ana María Martínez | Voz de Alessandra ao cantar. | |
| Pavel | Sandro Isaack | Membro do persoal da orquestra que mantén unha breve relación con Gloria. |
| Mike Margusa | Philip Jackson | Amigo de Hailey a quen ela recruta para traballar na orquestra. |
| Sebastian | Christian Coulson | Membro da orquestra de Andrew Walsh que posteriormente convértese en membro da orquestra de Hailey e trasládase ao piso desta. |
| Shawn | Cole Escola | Compañeiro de piso de Hailey e membro da súa orquestra que se acaba convertendo no mozo de Sebastian. |
| Mozart | Santino Fontana | Visión de Mozart coa que Rodrigo adoita falar na súa imaxinación. |
| Liberace | David Turner | Substitúe como visión de Rodrigo a Mozart durante un breve período de tempo. |
Cameos
[editar | editar a fonte]A serie foi tamén coñecida por incluír cameos de destacadas personalidades da música clásica como Gustavo Dudamel, o pianista chinés Lang Lang, a compositora estadounidense Caroline Shaw, o violinista Joshua Bell,[5] ou o tenor español Plácido Domingo.[6]
O primeiro capítulo da segunda tempada, titulado "Stern Papa" contou coa presenza do director de orquestra venezolano Gustavo Dudamel como membro do equipo técnico nun concerto que a Sinfónica de Nova York ofrece nos Ánxeles.[7] Tamén nesa mesma tempada, no cuarto episodio, titulado "Touché Maestro, Touché", aparecen o violinista estadounidense Joshua Bell, o pianista Emanuel Ax, e o tamén pianista chinés Lang Lang facendo deles mesmos.[8] Joshua Bell aparece novamente no episodio "Creative Solutions For Creative Lives", o noveno da terceira tempada, como reforzo para a orquestra que dirixe Hailey.[9]
O compositor estadounidense Nico Muhly aparece en "The Modern Piece",o segundo episodio da terceira tempada encarnándose a si mesmo.[10] No quinto episodio da terceira tempada aparece o tenor español Plácido Domingo interpretando un duetto con "La Fiamma", interpretada por Monica Bellucci,[11] que tamén aparece nos catro episodios anteriores encarnando á diva italiana ficticia.[12]
En "Significant Lover", o terceiro episodio da quinta tempada, aparece a compositora estadounidense Caroline Shaw encarnándose a si mesma.[13] Tamén na cuarta tempada, no noveno episodio ("I Want You To Think Of Me") a cantante rock Joan Jett interprétase a si mesma.[14]
Tempadas
[editar | editar a fonte]- Artigo principal: Lista de episodios de Mozart in the Jungle.
| Tempada | Episodios | Emisión orixinal | |||
|---|---|---|---|---|---|
| Primeiro episodio | Último episodio | ||||
| 1 | 10 | 6 de febreiro de 2014 | 23 de decembro de 2014 | ||
| 2 | 10 | 30 de decembro de 2015[15] | 30 de decembro de 2015[15] | ||
| 3 | 10 | 9 de decembro de 2016[16] | 9 de decembro de 2016[16] | ||
| 4 | 10 | 16 de febreiro de 2018[17] | 16 de febreiro de 2018[17] | ||
Recepción
[editar | editar a fonte]A primeira tempada da serie recibiu comentario positivos por parte da crítica. O agregador de recensións Rotten Tomatoes deulle á serie unha porcentaxe do 95%, 'fresh', baseado en 20 críticas, co consenso da crítica "Aínda que confinado ao mundo illado da música clásica, en Mozart in the Jungle Gael García Bernal fai cantar este pequeno e encantador espectáculo".[18] Metacritic puntuou a serie cun 73 sobre 100, indicando 'críticas xeralmente favorables'.[19] Cory Barker, escribindo para TV.com, eloxiou a serie: "O que funciona tan ben é que Mozart non ten medo de botarte nun mundo no que probablemente non esteas familiarizado, mais non chega tan lonxe no extremo profundo que inmediatamente te somerxes na xerga e apostas dramáticas distanciadas".[20] Robert Lloyd, para The Los Angeles Times, tamén eloxiou a primeira tempada, afirmando que "As personaxes que foron portavoces de actitudes comezan a parecer persoas, máis complicadas do que unha descrición en miniatura pode prover. Interésaste no que será delas sen agardar ou alentar ningún resultado particular".[21] Kory Grow, de Rolling Stone, tamén eloxiou a serie, escribindo que "grazas aos guións extravagantes e un elenco de actores intelixente... resulta fantástica sen soar fora de ton."[22]
Tim Goodman, de The Hollywood Reporter, tamén lle deu á primeira tempada unha crítica positiva. "Bernal é agradable e magnético, e fai que o maestro ecléctico apareza na pantalla. El só vale para transmitir a serie, mais, afortunadamente, hai moitas máis cousas nela".[23] Brian Lowry, escribiu para Variety, tamén gabando a serie: "Se ben Mozart é sen dúbida unha confección de nicho, o programa xeralmente brilla ao demostrar moito encanto mesmo cando non hai moitas risas".[24] Nunha crítica máis variada, Jeff Jensen de Entertainment Weekly deulle á serie un B-.
Crítica
[editar | editar a fonte]Se ben a crítica con mentalidade social eloxiou o pulo da serie pola equidade de xénero, a orquestra case totalmente integrada por persoas brancas e o elenco principal recibiron críticas de parte do NPR por ser pouco realista, dada a prevalencia de músicos do leste de Asia nas orquestras da vida real.[25]
Premios
[editar | editar a fonte]| Ano | Premio | Categoría | Nomeadas/os | Resultado | Ref. |
|---|---|---|---|---|---|
| 2015 | Imagen Foundation Awards | Mellor Actor - Televisión | Gael García Bernal | Gañador | [26] |
| 2016 | Premios Globo de Ouro | Mellor Serie de Televisión - Comedia | Mozart in the Jungle | Gañador | [27] |
| Mellor Actor de Serie de Televisión – Musical ou Comedia | Gael Garcia Bernal | Gañador | |||
| Premios Primetime Emmy | Outstanding Sound Mixing for a Comedy or Drama Series (Half-Hour) and Animation | Thomas Varga, Andy D'Addario, Bill Higley, Chris Navarro (por "Nothing Resonates Like Rhinoceros Foreskin") | Gañador | [28] | |
| Imagen Foundation Awards | Best Actor - Television | Gael García Bernal | Gañador | [29] | |
| 2017 | Premios Globo de Ouro | Mellor Serie de Televisión - Comedia | Mozart in the Jungle | Nomeado | [30] |
| Mellor Actor de Serie de Televisión – Musical ou Comedia | Gael Garcia Bernal | Nomeado | |||
| Premios Primetime Emmy | Outstanding Cinematography for a Single-Camera Series (Half-Hour) | Tobias Datum (por "Now I Will Sing") | Nomeado | [31] | |
| Outstanding Production Design for a Narrative Program (Half-Hour or Less) | Tommaso Ortino, Susanna Codognato, Letizia Santucci (por "Now I Will Sing") | Nomeado | |||
| Outstanding Sound Mixing for a Comedy or Drama Series (Half-Hour) and Animation | Andy D'Addario, Gary Gegan, Marco Fiumara (por "Now I Will Sing") | Gañador |
Notas
[editar | editar a fonte]- ↑ Gans, Andrew (12 de marzo de 2014). "Amazon Studios Picks Up "Mozart in the Jungle" Pilot Starring Bernadette Peters". playbill.com (en inglés). Consultado o 7 de xullo de 2019.
- ↑ Burton, Louise (11 de decembro de 2013). "Amazon’s TV Pilot ‘Mozart in the Jungle,’ with Joshua Bell and Malcolm McDowell, Is a Tale of Sex, Drugs and…Classical Music?" (en inglés). Classicalite. Arquivado dende o orixinal o 04 de marzo de 2016. Consultado o 22 de xullo de 2019.
- ↑ Ramey, Corinne (6 de decembro de 2013). "Amazon Studios' 'Mozart in the Jungle' Offers New View of Music World". The Wall Street Journal (en inglés). Consultado o 22 de xullo de 2019.
- ↑ Littleton, Cynthia (6 de abril de 2018). "‘Mozart in the Jungle’ Canceled After Four Seasons at Amazon". Variety.com (en inglés). Consultado o 22 de xullo de 2019.
- ↑ "Amazon cancela "Mozart in the Jungle", protagonizada por Gael García Bernal". La Vanguardia (en castelán). 7 de abril de 2018. Consultado o 22 de xullo de 2019.
- ↑ Cooper, Michael (24 de xullo de 2016). "Ni siquiera Plácido Domingo puede decirle que no a ‘Mozart in the Jungle’". The New York Times (en castelán). Consultado o 22 de xullo de 2019.
- ↑ "Stern Papa (2015). Full Cast & Crew" (en inglés). imdb.com. Consultado o 22 de xullo de 2019.
- ↑ "Touché Maestro, Touché (2015). Full Cast & Crew" (en inglés). imdb.com. Consultado o 22 de xullo de 2019.
- ↑ "Creative Solutions For Creative Lives (2016). Full Cast & Crew" (en inglés). imdb.com. Consultado o 22 de xullo de 2019.
- ↑ "The Modern Piece (2016). Full Cast & Crew" (en inglés). imdb.com. Consultado o 23 de xullo de 2019.
- ↑ "Now I Will Sing (2016). Full Cast & Crew" (en inglés). imdb.com. Consultado o 22 de xullo de 2019.
- ↑ "Monica Bellucci" (en inglés). imdb.com. Consultado o 23 de xullo de 2019.
- ↑ "Significant Lovera (2018). Full Cast & Crew" (en inglés). imdb.com. Consultado o 23 de xullo de 2019.
- ↑ "I Want You To Think Of Me" (en inglés). imdb.com. Consultado o 23 de xullo de 2019.
- ↑ 15,0 15,1 Gambino, Joe (30 de decembro de 2015). "Second Season of "Mozart in the Jungle," Starring Bernadette Peters, Arrives Today". playbill.com (en inglés). Consultado o 10 de xullo de 2019.
- ↑ 16,0 16,1 Butler, Karen (7 de agosto de 2016). "'Mozart in the Jungle' to kick off Season 3 on Dec. 9". upi.com (en inglés). Consultado o 10 de xullo de 2019.
- ↑ 17,0 17,1 Butler, Karen (12 de decembro de 2017). "Amazon anuncia el regreso de 'Mozart in the jungle' con el tráiler de la temporada 4". espinof.com (en castelán). Consultado o 10 de xullo de 2019.
- ↑ "Mozart in the Jungle: Season 1" (en inglés). Rotten Tomatoes. Consultado o 19 de agosto de 2019.
- ↑ "Mozart in the Jungle - Season 1" (en inglés). Metacritic. Consultado o 19 de agosto de 2019.
- ↑ Barker, Cory (6 de xaneiro de 2015). "4 Reasons Why You Should Binge-Watch Amazon's Mozart in the Jungle This Week" (en inglés). TV.com. Arquivado dende o orixinal o 13 de maio de 2017. Consultado o 17 de outubro de 2019.
- ↑ Lloyd, Robert (23 de decembro de 2014). "Review 'Mozart in the Jungle' on Amazon gets good after woeful pilot" (en inglés). Los Angeles Times. Consultado o 17 de outubro de 2019.
- ↑ Grow, Kory (22 de decembro de 2014). "Bittersweet Symphony: Inside the Sex and Drugs of 'Mozart in the Jungle'" (en inglés). Rolling Stone. Arquivado dende o orixinal o 02 de marzo de 2018. Consultado o 17 de outubro de 2019.
- ↑ Goodman, Tim (23 de decembro de 2014). "'Mozart In the Jungle': TV Review" (en inglés). The Hollywood Reporter. Consultado o 17 de outubro de 2019.
- ↑ Lowry, Brian (17 de decembro de 2014). "TV Review: Amazon’s ‘Mozart in the Jungle’" (en inglés). Variety. Consultado o 17 de outubro de 2019.
- ↑ Huizenga, Tom; Tsioulcas, Anastasia (15 de xaneiro de 2015). "What We Love And Hate About 'Mozart In The Jungle'" (en inglés). NPR. Consultado o 17 de outubro de 2019.
- ↑ "2015 Imagen Awards Winners, Honorees & Nominees" (en inglés). The Imagen Foundation. Consultado o 13 de xullo de 2019.
- ↑ "Winners & Nominees 2016" (en inglés). Hollywood Foreign Press Association. Arquivado dende o orixinal o 23 de xuño de 2016. Consultado o 13 de xullo de 2019.
- ↑ "68th Emmy Awards Nominees and Winners" (en inglés). Academy of Television Arts & Sciences. Consultado o 13 de xullo de 2019.
- ↑ "Winners of 31st Annual Imagen Awards Announced" (en inglés). The Imagen Foundation. Consultado o 13 de xullo de 2019.
- ↑ "Winners & Nominees 2017" (en inglés). Hollywood Foreign Press Association. Arquivado dende o orixinal o 08 de xaneiro de 2017. Consultado o 13 de xullo de 2019.
- ↑ "69th Emmy Awards Nominees and Winners" (en inglés). Academy of Television Arts & Sciences. Consultado o 13 de xullo de 2019.
Véxase tamén
[editar | editar a fonte]Ligazóns externas
[editar | editar a fonte]- Sitio oficial en Amazon.com (en inglés)
- Mozart in the Jungle na IMDb (en inglés).
- Mozart in the Jungle en TV Guide (en inglés)