Morcego rabudo

Morcego rabudo
Tadarida teniotis Constantine Samuel Rafinesque 1814
Instancia de taxon  Categoría taxonómica especie
Características  Ciclo diurno nocturno  Hábitat bosque
Subdivisións Tadarida t. subsp. teniotis, Rafinesque, (1814). Taradida t. subsp. rueppelli, Temminck, (1826).
Sinonimia cestoni, Savi, (1825). nigrogriseus, Schneider, (1871). savii, Schinz, (1840).
Conservación Especie pouco preocupante
Clasificación taxonómica
Superreino Holozoa Reino Animalia Filo Chordata Clase Mammalia Orde Chiroptera Familia Molossidae Xénero Tadarida Especie Tadarida teniotis Rafinesque, 1814 Tadarida teniotis
Cifras e dimensións  Duración máxima de vida 13 a
Localización  Mapas
Códigos e identificadores Freebase /m/02650kh ITIS 632261 OTT 190910 UICN 21311 CoL 54GH4 EOL 328843
Wikidata G:Commons C:Commons

O morcego rabudo (Tadarida teniotis) é unha especie de morcego microquiróptero da familia Molossidae.

É un morcego de gran tamaño e ás longas e estreitas, coa cabeza típica do xénero Tadarida, con orellas ríxidas proxectadas cara a adiante. A cola sobresae por fóra da membrana caudal e se retrae no uropataxio cando está en voo.

A cor do pelo é moi variable dende o pardo ao gris claro, algúns exemplares presentan áreas canosas. As femias son lixeiramente máis grandes. Miden entre 57 e 64 milímetros e o seu peso atópase entre os 22 a 54 gramos. A súa fórmula dentaria é ${\frac {1.1.2.3}{3.1.2.3}}$ .

Mostran unha gran variedade de chamadas sociais, tanto dende os refuxios como en voo, con exhibicións sonoras dos machos dominantes e fortes emisións durante as persecucións aéreas. Emite entre 9 e 15 kHZ, sendo audible para o oído humano.

Distribución

Distribución do morcego rabudo en Galicia

Ocupa unha estreita franxa latitudinal circunmediterránea, que abrangue o sur de Europa e norte de África, Afganistán, China e Corea, chegando até Xapón e a illa de Flores (Indonesia). En Europa distribúese pola rexión Mediterránea, España, sueste de Francia, sur de Suíza, Italia e costas adriáticas até Grecia, incluíndo Madeira, Canarias e as illas mediterráneas.

Hábitat

Os refuxios localízanse en farallóns rochosos, cantís mariños e estruturas artificiais como pontes ou edificios. Aliméntanse por riba de núcleos habitados e espazos abertos nun amplo rango altitudeinal, observóuselles alimentándose a grande altura (de 200 a 300 metros) nas cidades. Atópase dende o nivel do mar até os 2.300 m de altitude.

Ameazas

Como ocorre a boa parte dos quirópteros e segundo os hábitats que ocupan, as molestias causadas aos veciños das construcións que habitan, provocan a expulsión ou fumigación das colonias, así como a reparación destes edificios taponando as fisuras onde aniñan. O descenso nas poboacións de lepidópteros nocturnos, que constitúen o seu alimento máis importante, tamén afecta á especie. O seu voo alto e veloz, con grandes desprazamentos en busca de alimento, fanlle candidato ao choque coas pas dos parques eólicos.

Véxase tamén

Ligazóns externas

• (en castelán) '"Tadarida teniotis" no Atlas de mamíferos terrestres do Ministerio de Medio Ambiente de España (en castelán)
• (en inglés) Mammal Species of the World: "Tadarida teniotis" en WILSON, D. E.; REEDER, D. M. ,eds. (2005): Mammal Species of the World: A Taxonomic and Geographic Reference. 3ª ed.. [[Baltimore], Johns Hopkins University Press]. (en inglés)
• Tadarida teniotis (como Nyctinomus taeniotis) en Cabrera Latorre, Ángel (1914) Fauna ibérica; mamíferos. Facsímile dixital. (en castelán)