Monólito

O gran menhir de Dol-de-Bretagne, Francia.

Un monólito é un bloque de rocha de gran tamaño, composto dun só elemento.

Etimoloxía

O termo monólito é un cultismo calcado do adxectivo latino monolithus, 'constituído por unha soa pedra', á súa vez calcado do grego antigo μονόλιϑος monólithos, formado polo elemento μόνο-, de μόνος mónos, 'un só', e λίθος líthos, 'pedra'. Literalmente 'unha soa pedra'. O termo entrou nas linguas modernas en 1829, a partir do francés monolithe.

Tipos

Utilízase este termo para referirse tanto aos monólitos de orixe natural —un accidente o trazo xeomorfolóxico, similar a unha montaña— como aos realizados polo ser humano, que ou ben os tallou como monumentos, ou ben extraeu boques pétreos das canteiras desde a antigüidade para construílos.

Os monólitos naturais están formados por unha única rocha individual, que a erosión normalmente deixou exposta e que, na súa maioría, é unha rocha metamórfica dura e sólida.

Na cultura popular

A referencia cultural máis coñecida é o estraño monólito negro de orixe extraterrestre do filme 2001: Unha odisea do espazo de Stanley Kubrick, que formaba parte dunha rede informática establecida por unha civilización extraterrestre para realizaren o seguimento dun experimento evolutivo que finalmente culminou na humanidade na Terra.

Por outra parte, na película Stalker, de Andrei Tarkovsky, hai unha importante referencia a un monólito do recinto da planta nuclear de Chernóbil, capaz de realizar os maiores desexos do home.

Galería

• 
  Uluru, Territorio Norte, Australia.
• 
  Fortaleza de monólitos en Rodas, Grecia.
• 
  Imaxe desde o espazo da montaña Brandberg, Namibia.
• 
  Pedra da Gávea, monólito próximo ao mar, preto de Rio de Janeiro, Brasil.
• 
  Beacon Rock, Estado de Washington.

• 
  "A Rocha" de Xibraltar
• 
  El Capitán, no Parque Nacional de Yosemite.
• 
  Stawamus Chief en Squamish, Columbia Británica.
• 
  El Peñón, monólito en Colombia, no Departamento de Antioquia.
• 
  O penyal d'Ifac, Calp, Alacant.

Véxase tamén

Outros artigos

• Menhir
• Megálito

Ligazóns externas

• 14 Largest Monoliths in the World (en inglés).