Mike Byrne

Na Galipedia, a Wikipedia en galego.
Mike Byrne
Data nacemento6 de febreiro de 1990 (34 anos)
Nado enPortland, Oregón. Estados Unidos
Ocupaciónmúsico
Xénerorock alternativo, rock psicodélico
Instrumento(s)batería
Relacionado conThe Smashing Pumpkins, Spirits in the Sky
Tempo en activo2009 - actualidade
Na rede
Musicbrainz: 2d5591b9-e2fa-4820-bba6-ea2055e0630e Songkick: 4579048 Discogs: 1752020 Editar o valor em Wikidata
editar datos en Wikidata ]

Mike Byrne, nado en Portland (Oregón) o 6 de febreiro de 1990, é un batería estadounidense, exmembro de The Smashing Pumpkins.

Traxectoria[editar | editar a fonte]

Byrne medrou en Beaverton, un suburbio de Portland, cos seus pais Eric e Chris Byrne. Comezou a tocar a batería con regularidade aos 12 anos e posteriormente tocou nas bandas locais The Mercury Tree and Moses e Smell the Roses. Durante o seu paso polo instituto Beaverton High School, no cal se graduou no 2008, traballou nun McDonald's para gañar cartos para a universidade.

Cando o líder da banda Billy Corgan anunciou audicións para a substitución de Jimmy Chamberlin, Byrne, un estudante de primeiro ano da Berklee College of Music, foi elixido entre miles de solicitantes. El tocou a batería na banda tributo a Sky Saxon chamada Spirits in the Sky en seis concertos en agosto do 2009 xunto con Corgan, Kerry Brown, Kevin Dippold, Mark Tulin, Linda Strawberry, Ysanne Spevack, Mark Weitz e Dave Navarro, e tamén tocou a batería no novo traballo de The Smashing Pumpkins, Teargarden by Kaleidyscope. O 17 de agosto do 2009 foi anunciado oficialmente coma novo batería de The Smashing Pumpkins. Os Pumpkins eran xa unha das súas bandas favoritas, estando Jimmy Chamberlin entre as súas principais influencias. A súa canle de YouTube, que creou tres anos antes de unirse á banda, bautizouna como "MarquisinSpadez", unha referencia ao tema "Marquis in Spades", do EP de The Smashing Pumpkins Zero.

Véxase tamén[editar | editar a fonte]

Ligazóns externas[editar | editar a fonte]