Nicole Fiorentino

Nicole Fiorentino
Naceu	7 de abril de 1979 (37 anos)
Orixe	Ludlow, Massachusetts
Instrumento(s)	baixo
Relacionado con	The Smashing Pumpkins, Veruca Salt, The Cold and Lovely, Light FM, Radio Vago, Spinnerette, Twilight Sleep
Tempo en activo	2006 - actualidade

Nicole Fiorentino, nada en 1979 en Ludlow, Massachusetts, é unha baixista estadounidense.

Traxectoria

No ano 2010 foi elixida como baixista da banda de rock alternativo The Smashing Pumpkins, substituíndo a Ginger Reyes. Nicole está traballando no novo álbum da banda, Teargarden by Kaleidyscope, e tamén xirará co grupo.

Antes de unirse a The Smashing Pumpkins tocou nas bandas Radio Vago (que xirou con artistas coma Yeah Yeah Yeahs, Sleater-Kinney, The Mars Volta, The Donnas, The Breeders ou Andrew WK), Veruca Salt, Spinnerette, e as bandas locais de Los Angeles Twilight Sleep e Light FM. Tamén ten un proxecto paralelo coa multi-instrumentista Meghan Toohey chamado The Cold and Lovely.

En febreiro do 2011 Billy Corgan posteou no seu Twitter, e tamén foi posteado no Facebook da banda, que Nicole afirma ser unha das dúas nenas da portada do Siamese Dream, pero que non o dixo antes por se non lle permitían entrar na banda.