Meixonfrío, Taboada

Para outras páxinas con títulos homónimos véxase: Meixonfrío.

Meixonfrío
Igrexa de Meixonfrio
Concello	Taboada
Provincia	Lugo
Coordenadas	42°46′31″N 7°44′50″O
Poboación	71 hab. (2017)
Entidades de poboación	5
[ editar datos en Wikidata ]

Santa Mariña de Meixonfrío é unha parroquia do concello de Taboada na comarca de Chantada, na provincia de Lugo. Segundo o IGE en 2009 tiña 94 habitantes, deles 47 eran homes e 47 eran mulleres, o que supón unha diminución respecto do ano 1999 cando tiña 108 habitantes. En 2017 segundo o INE tiña 71 habitantes, 38 mulleres e 33 homes.

No lugar de Vila naceu a escritora Ana Vila Portomeñe.

Toponimia

O topónimo deriva do latín mansio + frigidus, mesón frío .

Xeografía

A parroquia de Meixonfrío está situada no norte do concello de Taboada. Sofre un elevado grao de despoboamento e envellecemento da poboación.

Historia

En tempos houbo un cuartel da Garda civil e unha capela que estaban situados no lugar do Curro.

Patrimonio

A igrexa parroquial de Santa Mariña de Meixonfrío é do século XII, está no lugar de Meixonfrío.

Festas

As festas patronais na honra de San Xoán e San Romao son os días 29 e 30 de agosto. En tempos había gran devoción ao santo, que dicían que era milagreiro para cos que padecen a doenza da reuma. O campo da festa está situado na marxe dereita da N-540 de Lugo a Ourense, en dirección a Ourense.

Lugares e parroquias

Lugares de Meixonfrío

Lugares da parroquia de Meixonfrío no concello de Taboada (Lugo)
O Curro | Meixonfrío | As Neves | A Sabugueira | A Vila

Véxase tamén

Outros artigos

• Lugares de Taboada