Manuel Allendesalazar Muñoz

Na Galipedia, a Wikipedia en galego.
Manuel Allendesalazar Muñoz
Mallendesalazar.jpg
Manuel Allendesalazar y Muñoz de Salazar
Presidente do Goberno de España
Período 12 de decembro de 1919 - 5 de maio de 1920
Antecesor Joaquín Sánchez de Toca Calvo
Sucesor Eduardo Dato e Iradier
Presidente do Goberno de España
Período 13 de marzo - 14 de agosto de 1921
Antecesor Eduardo Dato e Iradier
Sucesor Antonio Maura y Montaner
Datos persoais
Nacemento 24 de agosto de 1856
Lugar Gernika-Lumo
Falecemento 17 de maio de 1923
Lugar Madrid
Organización Partido Conservador
Cónxuxe María de los Ángeles Bernar y Llácer
Profesión Enxeñeiro e político

Manuel Allendesalazar y Muñoz de Salazar, nado en Gernika-Lumo o 24 de agosto de 1856 e finado en Madrid o 17 de maio de 1923, foi un enxeñeiro e político vasco, Presidente do Goberno de España entre 1919 e 1920, e en 1921. Foi ademais, senador, deputado, presidente do Senado e alcalde de Madrid.[1]

Foi ministro de Facenda durante a rexencia de María Cristina de Habsburgo e presidente do Consello de Ministros, ministro de Instrución Pública e Belas Artes, de Agricultura, Industria, Comercio e Obras Públicas, de Gobernación, de Estado, de Fomento e de Mariña durante o reinado de Afonso XIII.

Traxectoria[editar | editar a fonte]

Primeiros anos[editar | editar a fonte]

Allendesalazar, ministro de Facenda, fotografado no seu despacho por Manuel Compañy.

Naceu na localidade biscaíña de Gernika-Lumo. Fillo de Manuel María Allendesalazar y Loyzaga, terceiro conde de Montefuerte, e de Ángela Muñoz de Salazar y Martorell, oitava señora da vila de Villanueva de Tapias. Tras licenciarse como enxeñeiro agrónomo e impartir clases como profesor na Escola de Enxeñaría na que estudara, iniciou a súa carreira política no Partido Conservador con quen concorreu ás eleccións de 1884 sendo elixido deputado na Cortes pola circunscrición de Biscaia (distrito de Markina)[2], escano que volvería obter nas sucesivas eleccións celebradas até 1891.

Ministro[editar | editar a fonte]

Manuel Allendesalazar, fotografado por Christian Franzen.

Foi ministro de Facenda entre o 6 de xullo de 1900 e o 6 de marzo de 1901 nun goberno Azcárraga; ministro de Instrución Pública e Belas Artes entre o 6 de decembro de 1902 e o 20 de xullo de 1903 nun gabinete Silvela; ministro de Agricultura, Industria, Comercio e Obras Públicas entre o 5 de decembro de 1903 e o 5 de decembro de 1904 nun goberno Maura no que desenvolveu e favoreceu os proxectos de transformación do secaño en regadío; e ministro de Gobernación entre o 5 e o 16 de decembro de 1904 no mesmo goberno Maura.

Gobernador do Banco de España entre 1904 e 1905 non será novamente ministro ata que Maura o reclamou para que ocupase, entre o 25 de xaneiro de 1907 e o 16 de decembro de 1909, a carteira de ministro de Estado no chamado "goberno longo de Maura". Tras esta etapa, Allendesalazar preferiu desempeñar cargos en empresas públicas, máis rendibles economicamente, e será nomeado novamente gobernador do Banco de España (1919) e director de Tabacalera.

Volvería ser ministro, entre as súas dúas etapas como presidente do Consello de Ministros, nesta ocasión de forma interina, ao ocupar a carteira de ministro de Fomento, entre o 14 e o 17 de febreiro de 1920 nun gabinete Dato, e a carteira de ministro de Mariña entre o 17 de marzo e o 5 de maio de 1920 nun goberno que el mesmo presidiría.

Caricatura de Allendesalazar durante a súa presidencia, obra de Tovar, publicada na Voz (Madrid) o 10 de maio de 1921.

Presidente do Consello de Ministros[editar | editar a fonte]

En 1919, Antonio Maura nomeoulle presidente do Senado, e a finais do mesmo ano Afonso XIII encargoulle presidir, entre o 12 de decembro de 1919 e o 5 de maio de 1920, un novo goberno. Con todo, ao ser asasinado o 7 de marzo de 1921, o rei volveulle a encargar a confección dun novo gabinete ao seu sucesor no cargo, Eduardo Dato, que se estendería entre o 13 de marzo e o 14 de agosto de 1921 cando a Batalla de Annual provocou unha crise no goberno que acabou de modo definitivo coa súa carreira política sendo substituído polo incombustible Antonio Maura.

Foi así mesmo alcalde de Madrid en 1900.

Familia[editar | editar a fonte]

Estivo casado con María de los Ángeles Bernar y Llácer coa que tivo unha filla, María de la Concepción de Allendesalazar y Bernar, dama da Orde das Damas Nobres da Raíña María Luisa, casada con Manuel González Hontoria.


Presidente do Goberno de España

Segue a:
Joaquín Sánchez de Toca
Manuel Allendesalazar Muñoz
Precede a:
Eduardo Dato e Iradier
Partido Conservador
Presidente do Goberno de España

Segue a:
Eduardo Dato e Iradier
Manuel Allendesalazar Muñoz
(marzo-agosto de 1921)

Precede a:
Antonio Maura y Montaner
Partido Conservador

Notas[editar | editar a fonte]

  1. Allendesalazar Muñoz en biografiasyvidas.com
  2. "Entrada na Enciclopedia Auñamendi" (en español). Consultado o 01-06-2017. 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]