Juan Armada Losada
 | Este artigo contén varias ligazóns externas e/ou bibliografía ao fin da páxina, mais poucas ou ningunha referencia no corpo do texto. Por favor, mellora o artigo introducindo notas ao pé, citando as fontes. Podes ver exemplos de como se fai nestes artigos. |
  | |
| Nome orixinal | (es) Juan Armada y Losada |
|---|---|
| Biografía | |
| Nacemento | (es) Juan de Armada y Losada 4 de maio de 1861 Madrid, España |
| Morte | 22 de setembro de 1932 (71 anos) Madrid, España |
Ministério da justiça (pt)  | |
 Presidente do Congreso dos Deputados | |
| Deputado | |
.svg){kind=small} Ministro de Fomento de España | |
| Deputado no Congreso dos Deputados | |
| | |
| Datos persoais | |
| Educación | Universidade de Santiago de Compostela |
| Actividade | |
| Lugar de traballo | Madrid |
| Ocupación | xurista, novelista, político, escritor, poeta |
| Partido político | Partido Liberal-Conservador |
| Membro de | |
| Xénero artístico | Poesía |
| Familia | |
| Pai | Juan Armada Valdés |
  | |
Juan Bautista Armada Losada, marqués de Figueroa, nado en Madrid o 4 de maio de 1861 e finado en Figueroa (Abegondo) o 22 de setembro de 1932, foi un escritor, xornalista e político galego vinculado ao Naturalismo cristián, foi ministro de Graza e Xustiza e de Agricultura, Industria, Comercio e Obras Públicas durante o reinado de Afonso XIII.
Traxectoria
[editar | editar a fonte]Fillo de Juan Armada Valdés (fillo dos marqueses de Santa Cruz de Ribadulla) e Ramona Losada Miranda (da que herdou o título de marqués de Figueroa), despois de cursar Dereito na Universidade de Santiago de Compostela iniciou a súa carreira política no Partido Conservador, ao obter acta de deputado no Congreso polo distrito electoral de Pontedeume nas eleccións de 1891, escano que volvería obter en todos os procesos electorais celebrados ata 1910. Nas eleccións do 8 de maio de 1910 obtén un dos escanos pola cidade da Coruña, que reeditou ata 1923. Foi presidente e vicepresidente do Congreso.
Foi ministro de Agricultura, Industria, Comercio e Obras Públicas entre o 5 e o 16 de decembro de 1904, e ministro de Graza e Xustiza entre o 25 de xaneiro de 1907 e o 21 de outubro de 1909 en senllos gabinetes Maura. A súa etapa á fronte do ministerio de Graza e Xustiza, no coñecido como "goberno largo de Maura", deixou leis como a de Xustiza Municipal ou a de Condena Condicional e a reforma da Lei Hipotecaria.
Foi presidente honorario da Exposición Rexional de 1909 xunto a Augusto González Besada. Como tal, o 28 de novembro de 1909 recibiu o título de fillo adoptivo de Santiago de Compostela de mans do alcalde accidental, Salvador Cabeza de León.
Membro numerario da Real Academia Española, conciliou o exercicio novelesco co xornalismo en La España Moderna, La Ilustración Española y Americana, Nuestro Tiempo e La Lectura. Tamén pronunciou conferencias sobre Fernán Caballero y la novela de su tiempo, De la poesía gallega (1889), El problema de la educación moral (1912) ou La belleza en el lenguaje (1918).
Non tivo fillos, sendo o seu sobriño Juan Gil Armada o sucesor no Marquesado de Figueroa.
Obras
[editar | editar a fonte]Publicou algúns poemas co pseudónimo Fernán Pardo. A súa produción novelesca condénsase en:
- El último estudiante (1883). Madrid: Imprenta y Fundición de M. Tello.
- Antonia Fuertes (1885). Madrid: Imprenta y Fundición de M. Tello.
- La vizcondesa de Armas (1887). Madrid: Imprenta y Fundición de M. Tello.
- Gondar y Forteza (1900). Madrid: Vda. e H. de Tello.
A súa actividade literaria culmina cos seus poemarios bilingües Del solar galaico (1917) e Libro de cantigas. En tierras galaico-lusitanas. Impresiones. Reminiscencias del vagar (1928), nos que impera o acento intimista e nostálxico.
A súa narrativa caracterízase por dous temas: a exaltación da educación e a moral cristiás e a crítica das aspiracións de medro que contaminan a vida política, sobre todo no caso dos partidos revolucionarios. Organiza as súas novelas en torno a esquemas de personaxes contrarios.
Véxase tamén
[editar | editar a fonte] |
Wikimedia Commons ten máis contidos multimedia na categoría: Juan Armada Losada  |
Bibliografía
[editar | editar a fonte]- Dicionario biográfico de Galicia. Ir Indo Edicións. 2010-2011.
- Aparisi, Luis M. (2016). Gallegos en la Real Academia Española (PDF) (en castelán). Asociación Cultural da Vieira.
- Couceiro Freijomil, Antonio (1951-53). Diccionario Bio-bibliográfico de Escritores (en castelán). Bibliófilos Gallegos.
- Fernández del Riego, F. (1990). Diccionario de escritores en lingua galega. Do Castro. p. 220. ISBN 978-84-7492-465-7.
Ligazóns externas
[editar | editar a fonte]- Ficha no Congreso dos DeputadosArquivado 31 de outubro de 2020 en Wayback Machine.
| Predecesor: Manuel Allendesalazar Muñoz |
Ministro de Agricultura, Industria, Comercio e Obras Públicas 1904 |
Sucesor: José Cárdenas Uriarte |
| Predecesor: Antonio Barroso Castillo |
Ministro de Graza e Xustiza 1907 - 1909 |
Sucesor: Eduardo Martínez del Campo Acosta |
| Predecesor: Enrique Sors Martínez |
Deputado por Pontedeume 1891 - 1910 |
Sucesor: José Lombardero Franco |
