Lume de cobiza

Na Galipedia, a Wikipedia en galego.
Saltar ata a navegación Saltar á procura

Lume de cobiza
Autor/aMiguel Anxo Fernández Fernández
CubertaJ. L. Diz
OrixeGaliza
Linguagalego
ColecciónLiteraria nº 296
Xénero(s)Novela negra
EditorialGalaxia
Data de pub.abril 2011
Formatorústica con lapelas
Páxinas284
ISBNISBN 978-84-9865-367-0
Precedido porTres disparos e dous friames
Seguido porBícame, Frank
editar datos en Wikidata ]

Lume de cobiza é unha novela negra de Miguel Anxo Fernández Fernández, publicada en abril de 2011. É a cuarta entrega das aventuras do detective de orixe galega residente en Los Angeles Frank Soutelo.

Trama[editar | editar a fonte]

Frank Soutelo vén de vacacións en agosto de 2006 a Muros, a casa da súa tía e a súa curmá. Ten unha breve estancia en Madrid por cuestións administrativas, que aproveita para visitar cadros de Goya, Velázquez, Picasso e Vermeer.

Ao chegar a Galiza atópase coa vaga de incendios forestais, e na prensa e na sociedade hai un debate sobre os motivos desta vaga. Impútanse a intereses urbanísticos, ás persoas que traballan na extinción de incendios, e mesmo a motivos políticos.

A súa curmá pídelle que axude a unha amiga de Sanxenxo á que lle morreu o fillo. A autopsia di que morreu de sobredose de heroína, pero a nai e o pai non o cren así. Logo de entrevistar á moza, ao pai e á nai do rapaz, descobre que era un militante ecoloxista, que loitaba contra os intereses urbanísticos do construtor Marcial Dalama.

En Santiago de Compostela reencóntrase cun coñecido de Los Angeles, o sepultureiro Sugar Jones, que di andar por Galiza como doutor participante nun congreso, pero do que sospeita que está involucrado no roubo dun libro no arquivo-biblioteca da catedral.

Ponse en contacto cunha detective local que a axude no caso, e tamén recibe apoio dun ex-garda civil que rexenta un bar en Muros. Finalmente, logran que un mercenario serbio confese que colaborou na morte do rapaz, provocada pola secretaria do empresario Marcial Dalama.

Narración[editar | editar a fonte]

Como nas anteriores entregas, o libro é narrado en primeira persoa. Ao estar fóra dos EUA, Frank Soutelo lamenta non poder facer efectiva a súa licenza de detective nin poder usar armas. Reitera o seu gusto polo sexo, a gastronomía galega e o cinema.

Aproveita para regresar aos sitios xa coñecidos (como a praza do Obradoiro), pero tamén para coñecer novos lugares, como O Carballiño ou Soutelo de Montes, de onde era seu pai. Alí colle tres landras para plantar carballos en California.

A súa relación con Pat Pérez, a súa secretaria, segue parada.

Adaptacións[editar | editar a fonte]

Está previsto que a novela sexa adaptada ao cinema, nun proxecto dirixido por Ángel de la Cruz[1].

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]

  • Ficha na páxina da editorial.