Léopold Sédar Senghor

Na Galipedia, a Wikipedia en galego.
Léopold Sédar Senghor
Léopold Sédar Senghor
Léopold Sédar Senghor
Presidente do Senegal
Período 6 de setembro de 1960 - 31 de decembro de 1980
Antecesor -
Sucesor Abdou Diouf
Datos persoais
Nacemento 9 de outubro de 1906
Lugar Joal
Falecemento 20 de decembro de 2001
Lugar Verson, Normandía
Organización Partido Socialista do Senegal
Cónxuxe Colette Hubert
Profesión escritor e político

Léopold Sédar Senghor, nado en Joal o 9 de outubro de 1906 e finado en Verson o 20 de decembro de 2001, foi un escritor, poeta e político senegalés. Foi o presidente de Senegal entre 1960 e 1980.

Traxectoria[editar | editar a fonte]

Estudou no liceo Louis-lle-Grand de París na década de 1930. Durante a súa época de estudante, creou xunto co martiniqueño Aimé Césaire e o guianés Léon Gontran Damas a revista L'Etudiant noir en 1934. Nesas páxinas expresará por primeira vez o seu concepto da négritude, noción introducida por Aimé Césaire nun texto titulado "Négrerie". Foi o primeiro profesor de raza negra que impartiu clases de lingua francesa en Francia.

Durante a Segunda Guerra Mundial foi feito prisioneiro polos alemáns pero logrou a súa liberación no 1942. Despois da guerra, foi elixido deputado na Asemblea Nacional de Francia polo Senegal-Mauritania. Ocupou diversos cargos na política francesa e axudou na elaboración da constitución da Quinta República.

Coa independencia do Senegal converteuse no primeiro presidente do país. Tamén é o autor do seu himno nacional. No seu goberno o Senegal adoptou un sistema multipartidista (a pesar da limitación a tres partidos: socialista, comunista e liberal).

Foi tamén membro da Academia francesa desde o 2 de xuño de 1983 ata súa morte, e un defensor da Francofonía.

presidente do Senegal

Segue a:
-
Léopold Sédar Senghor
Precede a:
Abdou Diouf
Parti Socialiste du Sénégal

Véxase tamén[editar | editar a fonte]

Ligazóns externas[editar | editar a fonte]

Wikiquote
A Galicitas posúe citas sobre: Léopold Sédar Senghor