Killswitch Engage

Na Galipedia, a Wikipedia en galego.
Saltar para a navegação Saltar para a pesquisa
Killswitch Engage
2016 RiP Killswitch Engage - by 2eight - 8SC9616.jpg
Killswitch Engage no Rock im Park de 2016
Orixe Westfield, Massachusetts, Estados Unidos de América Estados Unidos,
Período 1999–
Xénero(s) Metalcore[1]
Selo(s) discográfico(s) Roadrunner, Ferret
Membros Jesse Leach
Joel Stroetzel
Adam Dutkiewicz
Mike D'Antonio
Justin Foley
Antigos membros Howard Jones
Tom Gomes
Pete Cortese
Artistas relacionados Aftershock, The Empire Shall Fall, All That Remains, Overcast, Blood Has Been Shed, Devil You Know, Death Ray Vision, Times of Grace, Seemless[2]
Páxina web www.killswitchengage.com

Killswitch Engage é un grupo estadounidense de metalcore con orixe en Westfield, Massachusetts, formado no ano 1999 trala separación dos grupos Overcast e Aftershock. Os membros de Killswitch Engage son o vocalista Jesse Leach, os guitarristas Joel Stroetzel e Adam Dutkiewicz, o baixista Mike D'Antonio e o batería Justin Foley. O grupo publicou sete álbums de estudio e un DVD. O seu último álbum, Incarnate, publicouse o 11 de marzo do 2016.[3]

Killswitch Engage acadou certa fama trala publicación do seu álbum de 2004 titulado The End of Heartache, que acadou o número 21 da lista Billboard 200 e foi certificado como disco de ouro pola RIAA en decembro do 2007 ó acadar 500 000 exemplares vendidos nos Estados Unidos. O tema homónimo deste disco, "The End of Heartache", foi nomeado a un Premios Grammy no 2005 na categoría de "Mellor Actuación de Metal". O grupo actuou en varios festivais internacionais como o Soundwave Festival, Wacken Open Air, Ozzfest, Download Festival, Rock Am Ring e Mayhem Festival entre outros, e leva máis de catro millóns de discos vendidos só nos Estados Unidos, estando considerado como un dos grupos notable dentro da escena musical do New Wave of American Heavy Metal.[4]

Historia[editar | editar a fonte]

Primeiros anos e álbum de estrea (1999–2001)[editar | editar a fonte]

Killswitch Engage formouse trala separación dos grupos de metalcore Overcast e Aftershock en 1999.[5] Trala separación de Overcast o baixista Mike D'Antonio comezou a ensaiar co guitarrista de Aftershock Adam Dutkiewicz, agora na batería, quen a súa vez trouxo ó guitarrista Joel Stroetzel dende Aftershock e ó vocalista Jesse Leach do grupo Nothing Stays Gold para formar o que sería o novo grupo musical.[5] O nome do grupo deriva dun episodio da serie de televisión The X-Files titulado "Kill Switch", escrito por William Gibson, quen lle deu este título tras coñecer o grupo de música industrial Kill Switch...Klick.

En 1999 Killswitch Engage gravou unha demo de catro cancións, incluíndo "Soilborn", o primeiro tema escrito polo grupo.[6] Esta demo publicouse trala primeira actuación do grupo en novembro do 1999 como abreconcertos do grupo de death metal melódico In Flames.[5][6] O seu álbum de estrea homónimo publicouse ó seguinte ano. Malia non ser un éxito comercial nos seus comezos e non acadar ningunha lista de vendas, o álbum atraeu o interese de Carl Severson, quen traballaba para Roadrunner Records naquel momento, e comentouno con varios dos representantes do selo discográfico. Mike Gitter, un dos axentes da compañía, púxose en contacto con D'Antonio e asistiu a varias actuacións do grupo, ofrecéndolles un contrato con Roadrunner. O grupo aceptou esta oferta, rexeitando outras de diversos selos máis pequenos.[7]

Alive or Just Breathing (2001–2004)[editar | editar a fonte]

Howard Jones no 2009

Durante un breve período de tempo entre 2000 e 2001 o ex-guitarrista de Overcast Pete Cortese uniuse o grupo, pero deixouno posteriormente cando se converteu en pai.[7] Killswitch Engage comezou a escribir novos temas para o seu segundo álbum en novembro de 2001. Editado en xaneiro nos Backstage Studios polo produtor Andy Sneap,[8] o disco titulouse Alive or Just Breathing pola letra do tema "Just Barely Breathing". A exposición do grupo incrementouse trala publicación dun vídeo musical do sinxelo "My Last Serenade", e o álbum acadou o posto 37 da lista Top Heatseekers.[9]

Trala publicación de Alive or Just Breathing o grupo decidiu incluír a un quinto membro. Dutkiewicz pasou a tocar a guitarra e o ex-batería de Aftershock Tom Gomes pasou a ser o novo membro do grupo. Tras casarse o 20 de abril de 2002 e comezar unha nova xira co grupo, Leach caeu nunha depresión. Deixou o grupo uns poucos días antes dunha actuación programada enviándolles un correo electrónico ós seus compañeiros no que lles dicía que tiña que deixar o grupo. D'Antonio declarou nunha entrevista que "despois de tres anos xuntos, e considerándoo como un irmán, recibir só un correo electrónico foi un pouco duro."[10]

O grupo comezou a buscar un novo vocalista de inmediato, que finalmente foi Howard Jones, naquel entón membro de Blood Has Been Shed. Jones declarou que non lle gustara o son do grupo a primeira vez que o escoitara. Comentou que o son de Killswitch Engage "soaba moi limpo, pero canto máis o escoitei, dinme conta de que hai cancións realmente moi boas aquí".[11] Tras saber dos problemas de Leach, Jones púxose en contacto có grupo e foi aceptado como o seu substituto. Philip Labonte de All That Remains tamén fixo probas como vocalista do grupo, pero finalmente foi Jones o elixido, quen tivo que memorizar sete temas para a súa actuación de estrea no Hellfest de 2002.[11]

O grupo actuou na xira Road Rage polo Reino Unido e os Países Baixos no 2002 xunto a 36 Crazyfists e Five Point O. No 2003, o primeiro tema que incluíu a Jones titulado "When Darkness Falls" foi incluído na banda sonora do filme de 2003 Freddy vs. Jason.[12] Despois do Ozzfest de 2003, o batería Gomes deixou o grupo para pasar máis tempo coa súa familia e para continuar co seu proxecto persoal co grupo Something of a Silhouette.[13] O seu substituto foi Justin Foley, anteriormente no grupo Blood Has Been Shed, e a primeira xira de Foley co grupo foi a Headbangers Ball da MTV de 2003.[14][15]

The End of Heartache (2004–2006)[editar | editar a fonte]

The End of Heartache publicouse o 11 de maio do 2004, chegando ó número 21 da lista Billboard 200 con 38 000 exemplares vendidos na súa primeira semana de publicación,[16] e ó número 39 da lista Australian Albums Chart.[17] O disco acadaría posteriormente as 500 000 copias vendidas nos Estados Unidos, e foi certificado como disco de ouro o 7 de decembro de 2007.[18] O álbum recibiu críticas positivas na súa maioría. Jon Caramanica de Rolling Stone cualificouno como "unha colección abraiante, retendo gran parte da súa brutalidade musical característica".[19] Eduardo Rivadavia de AllMusic afirmou que "son os inesperados cambios de ritmos empregados para engadir e liberar a presión interna o que alimentan a fonte de enerxía de Killswitch Engage".[20]

"The End of Heartache" foi o sinxelo principal para a banda sonora do filme Resident Evil: Apocalypse, e no 2005 a canción foi nomeada a un Grammy na categoría de "Mellor Actuación de Metal". A finais de 2004, The End of Heartache publicouse nunha nova edición especial, cun segundo disco que incluía varias actuacións en directo, unha canción adicional para a edición do Xapón e unha versión remasterizada de "Irreversal". No verán do 2005 o grupo participou no Ozzfest, e o 1 de novembro dese mesmo ano Alive or Just Breathing foi publicado de novo como parte do 25º aniversario de Roadrunner Records. O 22 de novembro de 2005 publicouse o DVD de directos (Set This) World Ablaze, que contiña unha gravación dun concerto en directo no Palladium de Worcester, Massachusetts, un documental dunha hora de duración e tódolos vídeos musicais do grupo. O DVD recibiu a certificación de ouro nos Estados Unidos o 8 de abril de 2006.[18]

As Daylight Dies (2006–2007)[editar | editar a fonte]

Killswitch Engage actuou no Reading and Leeds Festivals en agosto do 2006, tras unha serie de actuacións en Australia sen Dutkiewicz que sufría de problemas nas costas e precisou de cirurxía correctiva. O 23 de maio do 2006 o tema "This Fire Burns" publicouse como parte do álbum WWE Wreckless Intent.[21] Este tema ía ser a nova canción temática do loitador da WWE Randy Orton, pero foi desbotado e pasou a ser o tema principal do evento de pago por visión WWE Judgment Day 2006. "This Fire Burns" usouse como o tema de entrada do loitador da WWE CM Punk dende 2006 ata 2011, e publicouse de novo baixo o título "This Fire" na edición especial de As Daylight Dies.[22]

Mike D'Antonio no 2009

Gravado en tres meses, As Daylight Dies publicouse o 21 de novembro de 2006 e acadou o número 32 da lista Billboard 200 con 60 000 copias vendidas na súa primeira semana.[23] Tamén entrou na lista Australian Albums Chart na posición número 29.[17] Mesturado por Dutkiewicz, o álbum recibiu críticas na súa maioría positivas. Thom Jurek de Allmusic cualificouno "un dos cinco candidatos a mellor álbum de metal do 2006".[24] Nick Terry de Decibel Magazine afirmou que "chamar adictivo a As Daylight Dies sería dicir pouco. Podería case obviarse dicir que sobrepasa ó seu xa en si mesmo impresionante predecesor".[25] Cosmo Lee de Stylus Magazine afirmou que "o álbum está asombrosamente mal secuenciado", pero valorouno positivamente como "menos pesado emocionalmente, e moito máis divertido".[26] A data de 27 de novembro de 2007, As Daylight Dies levaba vendidas máis de 500 000 unidades nos Estados Unidos.[27]

O primeiro sinxelo deste álbum, "My Curse", acadou o número 21 na lista Hot Mainstream Rock Tracks, e incluíuse na banda sonora dos videoxogos Sleeping Dogs, Guitar Hero III: Legends of Rock, Burnout Dominator e Burnout Paradise, ademais de estar dispoñible como contido de descarga para a serie Rock Band. "The Arms of Sorrow" acadou o número 31 nesta mesma lista. Pola súa banda, a versión do tema "Holy Diver" de Dio, gravado orixinalmente para un álbum recompilatorio de Kerrang! titulado High Voltage,[28] chegou a posición número 12 na lista Mainstream Rock.[29] A comezos do 2007 o grupo viuse obrigado a cancelar tres datas da súa xira por Europa xunto a The Haunted por por dos problemas nas costas de Dutkiewicz. Este tivo que ser sometido a unha operación de emerxencia, e foi substituído na xira polo guitarrista Peter Wichers do grupo Soilwork.[30]

Debido os problemas de saúde de Dutkiewicz, este foi substituído por Patrick Lachman de Damageplan durante a xira No Fear Tour.[31] Dutkiewicz recuperouse posteriormente e puido participar no final da xira, e o grupo comezou a gravar un vídeo musical para o segundo sinxelo do álbum As Daylight Dies titulado "The Arms of Sorrow". O 6 de agosto de 2007 Dutkiewicz tivo que deixar forzosamente a xira Warped Tour para que puidese recuperarse por completo da súa operación de cirurxía e continuar unha terapia física diaria. Foi substituído polo técnico de guitarras grupo Josh Mihlek, ata que retornou o 14 de agosto do 2007.[32]

Segundo álbum homónimo (2007–2011)[editar | editar a fonte]

Jesse Leach no 2016

Killswitch Engage comezou a gravación do seu seguinte álbum en outubro de 2008 con Dutkiewicz e Brendan O'Brien como produtores.[33] A mediados de febreiro, o baixista Mike D'Antonio confirmou nunha entrevista con Metal Hammer que "a batería estaba rematada", e que el "rematara cos últimos arranxos de baixo". Tamén afirmou que Jones estaba en Atlanta rematando as voces, e que "non debería levarlles moito máis tempo rematar [o álbum]".[34] De marzo a maio Killswitch Engage formou parte do festival de Disturbed Music as a Weapon IV, xunto con outros grupos como Lacuna Coil, Chimaira, Suicide Silence e Bury Your Dead. O 14 de abril o grupo anunciou que o título do seu novo disco sería Killswitch Engage, o segundo álbum homónimo do grupo. Publicouse o 30 de xuño de 2009,[35] estreándose no número 7 da lista Billboard 200, o posto máis alto de tódolos álbums que publicou o grupo.[36] En xullo e agosto Killswitch Engage participou no Mayhem Festival xunto a Marilyn Manson, Slayer, Bullet for My Valentine e outros. Posteriormente, en febreiro de 2010, o grupo anunciou que o seu vocalista Howard Jones non actuaría co grupo durante a xira de inverno con The Devil Wears Prada e Dark Tranquillity por problemas de saúde. O vocalista Philip Labonte de All That Remains substituíu a Jones nesta xira ata que este puidese retornar ós escenarios.[37][38] O 18 de marzo de 2010, o vocalista orixinal do grupo Jesse Leach retornou para unha serie de temas. Dende ese momento tanto Leach como Labonte actuaron como substitutos de Jones ata o remate da xira.[39]

No 2010 o grupo colaborou na banda sonora God of War: Blood & Metal co tema "My Obsession".[40] O grupo pasou a formar parte do Download Festival en xuño de 2010 substituíndo a Wolfmother.[41] Tras este festival o grupo fixo unha pausa nas súas xiras, e os seus membros enfocáronse noutros proxectos. Adam Dutkiewicz formou o grupo Times of Grace xunto con Leach publicando o álbum titulado The Hymn of a Broken Man o 18 de xaneiro do 2011,[42] e Joel Stroetzel uniuse a eles para formar parte do grupo durante a súa xira.[43] Justin Foley participou como batería do grupo Unearth no seu álbum Darkness in the Light, publicado o 5 de xullo de 2011, e viaxou co grupo na súa xira de verán dese mesmo ano.[44] D'Antonio fundo o grupo Death Ray Vision xunto co vocalista de Shadows Fall Brian Fair e o anterior guitarrista de Killswitch Engage Pete Cortese.

Saída de Jones e Disarm the Descent (2011–2015)[editar | editar a fonte]

Nunha entrevista de 2011, Mike D'Antonio afirmou que o grupo estaba traballando nun sexto álbum de estudio: "...estamos todos escribindo demos para o seguinte disco de Killswitch Engage. Non hai data de publicación aínda, pero supoño que será a comezos do 2012".[45] Adam Dutkiewicz confirmou pouco despois no Facebook de Killswitch Engage que estaban a piques de comezar a traballar no seu seguinte álbum.[46] O 1 de decembro de 2011 D'Antonio declarou que o grupo ía comezar a gravar no estudio en febreiro/marzo do 2012 e que esperaban ter o novo disco listo para o verán de 2012. Tamén indicou que o grupo tiña oito demos xa rematadas para este novo álbum.[47]

O 4 de xaneiro de 2012 o grupo anunciou na súa páxina web oficial e noutras fontes que Howard Jones deixara o grupo tras nove anos formando parte del.[48] Nesta declaración o grupo non revelou o motivo desta decisión como forma de respecto cara a Jones, e soamente lle agradeceron os seus nove anos co grupo desexándolle o mellor para o futuro, ademais de darlle as grazas ós seus fans polo seu apoio mentres comezaban a procurar un novo vocalista.[48] Pouco despois deste anuncio, comezaron a aparecer os rumores de que Phil Labonte de All That Remains pasaría a ser oficialmente o novo vocalista por mor das súas colaboracións anteriores co grupo, pero Labonte desmentiu rapidamente estes rumores.[49] A procura dun novo vocalista rematou en febreiro cando o grupo anunciou que Jesse Leach retornaría como membro do grupo para ser o vocalista de novo.[50] Tras esta reunión, o grupo continuou o proceso de gravación e volveu a saír de xira. O 22 de abril dese ano tivo lugar a primeira actuación de Leach co grupo dende que saíra no 2002, no New England Metal and Hardcore Fest.[51]

O 20 de xuño de 2012 filtrouse en YouTube unha versión demo dun novo tema do grupo chamado "This Is Confrontation", pero o vídeo eliminouse ó pouco tempo de aparecer na web. Ese mesmo ano o grupo participou no "Trespass America Festival" de Metal Hammer, con Five Finger Death Punch á fronte xunto ós grupos God Forbid, Emmure, Pop Evil, Trivium e Battlecross.[52] O grupo tocou este novo tema en directo, confirmando que o título do tema era "No End in Sight". En outubro de 2012 Killswitch Engage anunciou que celebrarían o décimo aniversario do seu álbum Alive or Just Breathing cunha xira polos Estados Unidos entre novembro e decembro dese ano na que tocarían tódolos temas deste disco en directo, acompañados dos grupos Shadows Fall e Acaro.[53]

O álbum Disarm the Descent publicouse o 1 de abril 2013, debutando no posto número 15 das listas do Reino Unido e no número 7 na lista Billboard 200.[54] O primeiro sinxelo deste disco foi "In Due Time", publicado o 5 de febreiro de 2013.[55] En decembro de 2013 anunciouse que "In Due Time" estaba nomeado ó Grammy de "Mellor Actuación de Metal" de 2014,[56] pero finalmente perdería perante "God Is Dead?" do grupo Black Sabbath.[57] En maio de 2013 fixeron unha xira de promoción do novo álbum xunto a Miss May I, Darkest Hour, The Word Alive e Affiance,[58] e en outubro dese mesmo ano embarcaron nunha nova xira, nesta ocasión xunto a Lamb of God, Testament e Huntress.[59]

Incarnate (2015–)[editar | editar a fonte]

A finais de 2014 Jesse Leach anunciou nunha entrevista que o grupo ía comezar a probar novos temas nos meses seguintes,[60] O 25 de febreiro de 2015 o grupo publicou un adianto de 40 segundos dun novo sinxelo titulado "Loyalty", tema incluído no álbum Catch The Throne: The Mixtape Volume 2 para promocionar a serie da HBO Game of Thrones.[61] O 30 de marzo D'Antonio declarou que o grupo xa tiña rematadas tódalas demos que formarían parte do seu seguinte álbum de estudio.[62] Posteriormente, en xullo de 2015 Killswitch Engage formou parte dunha xira de verán xunto a Rise Against e letlive.[63] O 10 de decembro de 2015 o grupo publicou en exclusiva en Revolver un novo tema titulado "Strength of the Mind".[64]

A comezos de 2016 fíxose público que o seguinte álbum do grupo levaría o título Incarnate, e que o grupo participaría nunha xira durante o mes de marzo xunto a Memphis May Fire e 36 Crazyfists.[65] O álbum publicouse o 11 de marzo dese ano, acadando o número 6 da lista Billboard 200 con 35 000 exemplares vendidos nos Estados Unidos na súa primeira semana.[66] O 16 de abril o grupo publicou un sinxelo previamente inédito, titulado "Define Love".[67]

Estilo musical e letras[editar | editar a fonte]

O estilo musical de Killswitch Engage defínese dentro do metalcore,[68][69] combinando sons doutros xéneros de extreme metal e hardcore punk.[14] De forma semellante a outros grupos contemporáneos seus, Killswitch Engage combina voces cantadas con gritos e voces guturais.[14] Os medios especializados definen a súa música como unha mestura de riffs "abafantes", padróns de dobre bombo, power chords, e harmonías de dúas guitarras. Tamén consideran que a súa música presenta claras influencias da escena do death metal sueco de Gotemburgo.[70] No 2009 a MTV nun artigo titulado "The Greatest Metal Bands of All Time", declarou que Killswitch Engage eran "un dos fundadores do metalcore".[71] Jason D. Taylor de Allmusic afirmou que Alive or Just Breathing é "un álbum de puro metal que semella ignorar calquera tendencia de moda e no seu lugar baséase soamente na habilidade e experiencia para esculpir un dos heavy metal con máis substancia dende os días de gloria de Metallica e Slayer."[72]

Tanto Jesse Leach como o anterior vocalista Howard Jones escribiron letras consideradas "positivas".[7] Jesse Leach afirmou sobre o álbum (Set This) World Ablaze que as letras contiñan "unidade, positividade e amor."[7] En relación os temas das letras do álbum Killswitch Engage, Amy Sciarretto de Ultimate Guitar valorou de forma positiva as voces e escribiu "Howard Jones acadou o seu potencial dende The End of Heartache".[73] En relación a este mesmo disco, Howard Jones afirmou que se dera un cambio nos temas das letras en relación os anteriores, declarando: "Teño suficiente onde sacar para escribir algunhas cousas que poden ser escuras. Pode que aínda haxa unha pequena parte de positividade nelas, pero hai algunhas cancións que non son positivas en absoluto."[74]

Membros[editar | editar a fonte]

Liña temporal[editar | editar a fonte]

Discografía[editar | editar a fonte]

Álbums de estudio[editar | editar a fonte]

List de álbums de estudio e posicións nas listas de vendas
Título Detalles Máx. pos. nas listas Certificacións
USA
[75]
AUS
[76]
AUT
[77]
CAN
[78]
FIN
[79]
DEU
[80]
IRL
[81]
NLD
[82]
CHE
[83]
GBR
[84]
NZE
[85]
Killswitch Engage 121 53 -
Alive or Just Breathing
  • Publicado: 21 de maio de 2002 (USA)[87]
  • Selo: Roadrunner
  • Formato: CD, descarga dixital
78 23 122 -
The End of Heartache
  • Publicado: 11 de maio de 2004 (USA)[89]
  • Selo: Roadrunner
  • Formato: CD, LP, descarga dixital
21 39 42 64 40 -
As Daylight Dies
  • Publicado: 21 de novembro de 2006 (USA)[91]
  • Selo: Roadrunner
  • Formato: CD, LP, descarga dixital
32 29 68 40 62 64 -
Killswitch Engage
  • Publicado: 30 de xuño de 2009 (USA)[93]
  • Selo: Roadrunner
  • Formato: CD, LP, descarga dixital
7 12 36 11 15 27 80 77 51 29 24
Disarm the Descent
  • Publicado: 2 de abril de 2013 (USA)[94]
  • Selo: Roadrunner
  • Formato: CD, LP, descarga dixital
7 6 15 6 8 12 96 75 23 15 17
Incarnate
  • Publicado: 11 de marzo de 2016 (USA)[95]
  • Selo: Roadrunner
  • Formato: CD, LP, descarga dixital
6 5 10 4 14 10 50 99 10 10 20
"—" indica un álbum que non acadou unha posición na lista ou non se publicou nese país.

Álbums de video[editar | editar a fonte]

Lista de álbums de video e posición nas listas de vendas
Título Detalles Máx. pos. nas listas Certificacións
US
Video

[96]
(Set This) World Ablaze
  • Publicado: 22 de novembro de 2005 (USA)[97]
  • Selo: Roadrunner
  • Formato: DVD
21

Notas[editar | editar a fonte]

Todas as referencias en inglés agás cando se indique o contrario
  1. Hutcherson, Ben; Haenfler, Ross (2010). "Music Genre as a Gendered Process: Authenticity in Extreme Metal". En Denzin, Norman K.; Schneider, Christopher J.; Gardner, Robert Owen; Merrill, John Bryce; Han, Dong. Studies in Symbolic Interaction 35. Emerald Group Publishing. pp. 103–104. ISBN 9780857243614. ISSN 0163-2396. 
  2. "Killswitch Engaged – Related – Associated With". Allmusic. Consultado o 5 de setembro de 2014. 
  3. "Killswitch Engage To Release 'Incarnate' Album". Blabbermouth. 16 de decembro de 2015. Consultado o 13 de marzo de 2016. 
  4. "'New Wave Of American Heavy Metal' Book Documents Over 600 Bands". Blabbermouth. Consultado o 27 de abril de 2008. 
  5. 5,0 5,1 5,2 Walker, Morgan (2000). "KILLSWITCH ENGAGE". KillswitchEngage.com. Arquivado dende o orixinal o 21 de outubro de 2000. Consultado o 11 de febreiro de 2010. 
  6. 6,0 6,1 "Killswitch Engage - Releases". KillswitchEngage.com. Arquivado dende o orixinal o 8 de agosto de 2001. Consultado o 25 de febreiro de 2010. 
  7. 7,0 7,1 7,2 7,3 Korycki, Denise (director), Starace, Lia (editor) (22 de novembro de 2005). (Set This) World Ablaze (DVD). Roadrunner Records. Escena en 11:40, 14:00, 35:00, 13:18. UPC 016861093990. 
  8. "Archive News – November 2001". Blabbermouth. 6 de novembro de 2001. Consultado o 21 de decembro de 2007. 
  9. "Killswitch Engage biography". Blabbermouth. Consultado o 17 de decembro de 2007. 
  10. "Killswitch Engage Land New Frontman". Blabbermouth. 4 de xulllo de 2002. Consultado o 17 de decembro de 2007. 
  11. 11,0 11,1 Parks, Andrew. "Killswitch Engage". Decibel Magazine. Arquivado dende o orixinal o 26 de decembro de 2007. Consultado o 17 de decembro de 2007. 
  12. "Freddy vs. Jason soundtrack". Amazon.com. Consultado o 18 de decembro de 2007. 
  13. Terry, Nick. "For metalcore’s prodigal sons Killswitch Engage, The End of Heartache is just the beginning.". Decibel Magazine. Arquivado dende o orixinal o 6 de maio de 2006. Consultado o 17 de decembro de 2007. 
  14. 14,0 14,1 14,2 Ditzel, Eleanor; Apar, Corey. "Killswitch Engage". Allmusic. Consultado o 17 de decembro de 2007. 
  15. "Billboard Bits: EMI/WMG, Liza/VH1, 'Headbanger's Ball'". Billboard.com. 22 de setembro de 2003. Arquivado dende o orixinal o 26 de decembro de 2007. Consultado o 18 de decembro de 2007. 
  16. Whitmire, Margo (19 de maio de 2004). "Usher Keeps Rolling At No. 1". Billboard.com. Arquivado dende o orixinal o 18 de decembro de 2007. Consultado o 7 de decembro de 2007. 
  17. 17,0 17,1 "Australian charts". Australiancharts.com. Consultado o 17 de decembro de 2007. 
  18. 18,0 18,1 "Gold and Platinum". RIAA.com. Consultado o 17 de decembro de 2007. 
  19. Caramanica, Jon (19 de agosto de 2004). "Killswitch Engage – The End Of Heartache". Rolling Stone. Arquivado dende o orixinal o 26 de decembro de 2007. Consultado o 18 de decembro de 2007. 
  20. Rivadavia, Eduardo. "The End of Heartache – Killswitch Engage". Allmusic. Consultado o 17 de decembro de 2007. 
  21. "WWE: Wreckless Intent CD". CDuniverse.com. Consultado o 19 de decembro de 2007. 
  22. "WWE: Superstars – Raw – CM Punk". WWE. Consultado o 9 de xaneiro de 2010. 
  23. Hasty, Katie (29 de novembro de 2006). "Jay-Z Reclaims His 'Kingdom' With No. 1 Debut". Billboard.com. Arquivado dende o orixinal o 29 de setembro de 2007. Consultado o 17 de decembro de 2007. 
  24. Jurek, Thom. "As Daylight Dies AMG review". Allmusic. Consultado o 18 de decembro de 2007. 
  25. Terry, Nick. "Engage your boners". Decibel Magazine. Arquivado dende o orixinal o 26 de decembro de 2007. Consultado o 18 de decembro de 2007. 
  26. Lee, Cosmo (5 de decembro de 2006). "Killswitch Engage Stylus". Stylus Magazine. Consultado o 17 de decembro de 2007. 
  27. Graff, Gary (27 de novembro de 2007). "Success Keeping Killswitch Engage Out Of Studio". Billboard.com. Arquivado dende o orixinal o 30 de novembro de 2007. Consultado o 18 de decembro de 2007. 
  28. "Killswitch Engage Don Swords, Armor for ‘Holy Diver’ Video". MTV. 8 de agosto de 2007. Consultado o 18 de decembro de 2007. 
  29. "Killswitch Engage Artist Chart History". Billboard.com. Arquivado dende o orixinal o 27 de decembro de 2007. Consultado o 31 de decembro de 2009. 
  30. "Killswitch Engage explain tour postponement". NME. 16 de xaneiro de 2007. Consultado o 18 de decembro de 2007. 
  31. "Ex-DAMAGEPLAN Singer To Play Guitar For KILLSWITCH ENGAGE – Feb. 20, 2007". Blabbermouth. 20 de febreiro de 2007. Consultado o 30 de decembro de 2009. 
  32. "Video Interview". RoadrunnerRecords. 23 de outubro de 2007. Arquivado dende o orixinal o 31 de xaneiro de 2008. Consultado o 1 de xaneiro de 2008. 
  33. "KILLSWITCH ENGAGE ANNOUNCE NEW ALBUM IN WORKS!". Blabbermouth. 4 de decembro de 2009. Consultado o 30 de decembro de 2009. 
  34. "roadrunnerrecords.com: Killswitch Engage Offer Studio Update – Feb. 19, 2009". Blabbermouth. 17 de febreiro de 2009. Consultado o 3 de marzo de 2009. 
  35. "Killswitch Engage Announce New Album". Blabbermouth. 14 de abril de 2009. Consultado o 14 de abril de 2009. 
  36. "KILLSWITCH ENGAGE: New Video Interview With JOEL STROETZEL Available". Blabbermouth. 26 de xullo de 2009. Consultado o 30 de decembro de 2009. 
  37. "KILLSWITCH ENGAGE Frontman Forced To Leave Tour; ALL THAT REMAINS Singer To Fill In". Blabbermouth. 9 de febreiror de 2010. Consultado o 10 de febreiro de 2010. 
  38. "Howard Jones Leaves Killswitch Engage Tour, Phil Labonte Takes Over". Noisecreep. 10 de febreiro de 2010. Consultado o 14 de febreiro de 2010. 
  39. "Killswitch Engage With Original Frontman Jesse Leach". Antimusic. 
  40. "God Of War Blood Metal Tracklisting Revealed". Roadrunner Records. Consultado o 13 de marzo de 2016. 
  41. "News | Download Festival 2016". Downloadfestival.co.uk. Consultado o 13 de marzo de 2016. 
  42. "Killswicth Engage Guitarrist". Kerrang!. Arquivado dende o orixinal o 17 de maio de 2013. Consultado o 7 de febreiro de 2016. 
  43. "Times Of Grace Announces Touring Lineup". Roadrunnerrecords.com. 25 de xaneiro de 2011. Consultado o 13 de marzo de 2016. 
  44. "Killswitch Engage drummer Justin Foley joins Unearth for UK tour". NME. 15 de xuño de 2011. Consultado o 13 de marzo de 2016. 
  45. "Killswitch Engage Writing Material For New Album - Blorge". Gunshyassassin.com. 29 de xuño de 2011. Consultado o 13 de marzo de 2016. 
  46. "YO! Its Adam D! We're about to begin... - Killswitch Engage". Facebook. 26 de agosto de 2011. Consultado o 13 de marzo de 2016. 
  47. "KILLSWITCH ENGAGE Bassist: 'We Have Eight Demos Finished For The New Record' However the departure of Howard Jones might have delayed any news for the upcoming album.". Blabbermouth. 1 de decembro de 2011. 
  48. 48,0 48,1 "Howard Jones Leaves Killswitch Engage". Metal Hammer. Consultado o 5 de xaneiro de 2012. 
  49. "All That Remains Singer Will Not Be Joining Killswitch Engage". Roadrunnerrecords.com. Consultado o 13 de abril de 2012. 
  50. Killswitch Engage (8 de febreiro de 2012). "Killswitch Engage Announce New Singer: Jesse Leach". Facebook. Consultado o 8 de febreiro de 2012. 
  51. "Killswitch Engage Announce 2013 North American Tour with As I Lay Dying, Miss May I + Affiance". Loudwire. 10 de abril de 2013. Consultado o 16 de abril de 2016. 
  52. Paul, Long (24 de abril de 2012). "Trespass America Touring Fest Breaks Out: FFDP, Killswitch, Trivium, God Forbid, Hit the Road". KNAC. Consultado o 31 de maio de 2012. 
  53. "KILLSWITCH ENGAGE Tour with Shadows Fall, To Play Alive Or Just Breathing in Full". Metalinjection.net. 1 de outubro de 2012. Consultado o 13 de marzo de 2016. 
  54. "Watch Killswitch Engage 'In Due Time' Right Here! - Roadrunner Records Uk". Roadrunnerrecords.co.uk. Consultado o 9 de abril de 2013. 
  55. Freeman, Phil (7 de xaneiro de 2013). "Killswitch Engage Are Back!". Roadrunner Records. Consultado o 9 de abril de 2013. 
  56. Connor Williams (30 de marzo de 2013). "ALBUM REVIEW: DISARM THE DESCENT - KILLSWITCH ENGAGE'". Rock Revolt Magazine. 
  57. "Black Sabbath Wins 'Best Hard Rock/Metal Performance' Grammy Award". Blabbermouth. 26 de xaneiro de 2014. Consultado o 13 de marzo de 2016. 
  58. "KIllswitch Engage Start US Tour with Miss May I and Darkest Hour Tomorrow". Revolver Magazine. 29 de maio de 2013. Consultado o 16 de abril de 2016. 
  59. "Lamb of God / Killswitch Engage / Testament / Huntress live at the Electric Factory, Philadelphia, PA". Metal-Rules.com. Consultado o 16 de abril de 2016. 
  60. "Killswitch Engage To Start Demoing New Material In Coming Months". Blabbermouth. 24 de setembro de 2014. Consultado o 13 de marzo de 2016. 
  61. "Killswitch Engage, 'Loyalty' - Exclusive Song Premiere". Loudwire. Consultado o 13 de marzo de 2016. 
  62. "Killswitch Engage Completes Demoing Material For Next Album". Blabbermouth. 30 de marzo de 2015. Consultado o 13 de marzo de 2016. 
  63. Childers, Chad (6 de abril de 2015). "Rise Against Announce Summer 2015 Tour With Killswitch Engage + Letlive". Loudwire. Consultado o 17 de abril de 2016. 
  64. "Killswitch Engage Get All STAR WARS on the Cover of Revolver, Premiere Video (Exclusive)". Nerdist. 10 de decembro de 2015. Consultado o 13 de marzo de 2016. 
  65. Hartmann, Graham (19 de xaneiro de 2016). "Killswitch Engage Reveal ‘Incarnate’ Album Release Date + North American Tour". Loudwire. Consultado o 17 de abril de 2016. 
  66. Hartmann, Graham (21 de marzo de 2016). "Killswitch Engage Secure Highest Billboard 200 Chart Position To Date With ‘Incarnate’". Loudwire. Consultado o 17 de abril de 2016. 
  67. "Listen To Previously Unreleased KILLSWITCH ENGAGE Song 'Define Love'". Blabbermouth. 16 de abril de 2016. Consultado o 4 de xuño de 2016. 
  68. Rivadavia, Eduardo. "Allmusic > The End of Heartache > Review". AllMusic. Consultado o 4 de xaneiro de 2010. 
  69. "Killswitch Engage". MTV UK. Consultado o 9 de xaneiro de 2010. 
  70. "Killswitch Engage reviews, music, news". Sputnikmusic.com. Consultado o 13 de marzo de 2016. 
  71. "The Greatest Metal Bands of All Time". MTV. Consultado o 30 de decembro de 2009. 
  72. Taylor, Jason. "Alive or Just Breathing – Killswitch Engage". Allmusic. Consultado o 17 de decembro de 2007. 
  73. Sciarretto, Amy (30 de xuño de 2009). "Killswitch Engage (2009) Review". Ultimate Guitar. Consultado o 8 de xaneiro de 2010. 
  74. "KILLSWITCH ENGAGE: Interview, Performance Footage From U.K.'s DOWNLOAD Festival Posted Online". Blabbermouth. 12 de xuño de 2009. Consultado o 8 de xaneiro de 2010. 
  75. "Killswitch Engage – Chart History: Billboard 200". Billboard. Prometheus Global Media. Consultado o 10 de febreiro de 2013. 
  76. "Discography Killswitch Engage". australian-charts.com. Consultado o 3 de xaneiro de 2013. 
  77. "Discographie Killswitch Engage". austriancharts.at (en alemán). Consultado o 3 de xaneiro de 2013. 
  78. Posicións para os álbums no Canadá:
  79. "Discography Killswitch Engage". finnishcharts.com. Consultado o 3 de xaneiro de 2013. 
  80. "Chartverfolgung / Killswitch Engage / Longplay". musicline.de (en alemán). GfK Entertainment. Consultado o 3 de xaneiro de 2013. 
  81. "Discography Killswitch Engage". irish-charts.com. Consultado o 3 de xaneiro de 2013. 
  82. "Discografie Killswitch Engage". dutchcharts.nl (en neerlandés). Consultado o 5 de abril de 2013. 
  83. "Discography Killswitch Engage". swisscharts.com. Consultado o 3 de xaneiro de 2013. 
  84. Posicións para os álbums no Reino Unido:
  85. "Discography Killswitch Engage". charts.org.nz. Consultado o 29 de marzo de 2016. 
  86. Rivadavia, Eduardo. "Killswitch Engage [2000] – Killswitch Engage". AllMusic. Consultado o 3 de xaneiro de 2013. 
  87. Taylor, Jason D. "Alive or Just Breathing – Killswitch Engage". AllMusic. Consultado o 12 de setembro de 2013. 
  88. 88,0 88,1 88,2 "Certified Awards Search" (Procura por "Killswitch Engage"). British Phonographic Industry. Consultado o 3 de xaneiro de 2013. 
  89. Rivadavia, Eduardo. "The End of Heartache – Killswitch Engage". AllMusic. Consultado o 12 de setembro de 2013. 
  90. 90,0 90,1 90,2 "American certifications – Killswitch Engage". Recording Industry Association of America. Consultado o 3 de xaneiro de 2013. 
  91. Jurek, Thom. "As Daylight Dies – Killswitch Engage". AllMusic. Consultado o 12 de setembro de 2013. 
  92. 92,0 92,1 "Gold/Platinum". Music Canada. Consultado o 3 de xaneiro de 2013. 
  93. Monger, James Christopher. "Killswitch Engage [2009] – Killswitch Engage". AllMusic. Consultado o 12 de setembro de 2013. 
  94. Heaney, Gregory. "Disarm the Descent – Killswitch Engage". AllMusic. Consultado o 12 de setembro de 2013. 
  95. Heaney, Gregory. "Incarnate – Killswitch Engage". AllMusic. Consultado o 1 de febreiro de 2016. 
  96. "Music Video Sales – December 10, 2005". Billboard. Prometheus Global Media. Consultado o 6 de xaneiro de 2014. (require subscrición (?)). 
  97. "Set This World Ablaze – Killswitch Engage". AllMusic. Consultado o 22 de marzo de 2013. 
  98. "Killswitch Engage – Chart History". Billboard. Consultado o 9 de decembro de 2015. 
  99. "Hard Rock Digital Songs – February 23, 2013". Billboard. Prometheus Global Media. Consultado o 28 de xullo de 2014. (require subscrición (?)). 
  100. "Killswitch Engage – Chart History: Mainstream Rock Songs". Billboard. Prometheus Global Media. Consultado o 10 de febreiro de 2013. 
  101. "Self Revolution" (sinxelo). Killswitch Engage. Roadrunner Records. 2002. RR PROMO 636. 
  102. "My Last Serenade" (sinxelo). Killswitch Engage. Roadrunner Records. 2002. RR PROMO 637. 
  103. "The Element of One" (sinxelo). Killswitch Engage. Roadrunner Records. 2003. RR 8457-2. 
  104. "Rose of Sharyn" (sinxelo). Killswitch Engage. Roadrunner Records. 2004. RR PROMO 771. 
  105. "A Bid Farewell" (sinxelo). Killswitch Engage. Roadrunner Records. 2005. 
  106. "Reckoning – Killswitch Engage". AllMusic. Rovi Corporation. Consultado o 3 de xaneiro de 2013. 
  107. "R&R Going For Adds: Active Rock (Week Of: October 27, 2009)". Radio & Records. Consultado o 12 de setembro de 2013. 
  108. "Save Me" (sinxelo). Killswitch Engage. Roadrunner Records. 2010. 
  109. "Fixation on the Darkness | Killswitch Engage | Music Video". MTV. Viacom Media Networks. 24 de marzo de 2003. Consultado o 3 de xaneiro de 2013. 
  110. "Rose of Sharyn | Killswitch Engage | Music Video". MTV. Viacom Media Networks. 10 de maio de 2004. Consultado o 12 de setembro de 2013. 
  111. "A Bid Farewell | Killswitch Engage | Music Video". MTV. Viacom Media Networks. 18 de novembro de 2005. Consultado o 3 de xaneiro de 2013. 
  112. "My Curse | Killswitch Engage | Music Video". MTV. Viacom Media Networks. 3 de novembro de 2006. Consultado o 3 de xaneiro de 2013. 
  113. "Holy Diver | Killswitch Engage | Music Video". MTV. Viacom Media Networks. 6 de agosto de 2007. Consultado o 3 de xaneiro de 2013. 
  114. "This Is Absolution | Killswitch Engage | Music Video". MTV. Viacom Media Networks. 30 de outubro de 2008. Consultado o 3 de xaneiro de 2013. 
  115. "Starting Over | Killswitch Engage | Music Video". MTV. Viacom Media Networks. 5 de xuño de 2009. Consultado o 3 de xuño de 2013. 
  116. "Killswitch Engage: 'In Due Time' Video Released". Blabbermouth (Roadrunner Records). 27 de febreiro de 2013. Consultado o 21 de marzo de 2013. 
  117. "Killswitch Engage: 'Always' Video Released". Blabbermouth (Roadrunner Records). 21 de outubro de 2013. Consultado o 23 de outubro de 2013. 
  118. "Killswitch Engage: 'Strength of the Mind' Video Released". Blabbermouth (Roadrunner Records). 10 de decembro de 2015. Consultado o 16 de xaneiro de 2016. 

Véxase tamén[editar | editar a fonte]

Ligazóns externas[editar | editar a fonte]