Bullet for My Valentine
| Bullet for My Valentine | |
|---|---|
 | |
| Orixe | Bridgend, País de Gales  |
| Período | 1998 - presente |
| Xénero(s) | heavy metal, metalcore, thrash metal |
| Selo(s) discográfico(s) | Columbia, Trustkill, Gun, Sony Music, Jive, RCA |
| Membros | Matthew Tuck Michael Paget Michael Thomas Jamie Mathias |
| Antigos membros | Nick Crandle Jason James |
| Páxina web | bulletformyvalentine.com |
Bullet for My Valentine é unha banda galesa de heavy metal formada en Bridgend en 1998. O grupo está composto por Matthew Tuck (voces, guitarra rítmica), Michael Paget (guitarra solista, coros), Jason James (baixo, coros) e Michael Thomas (batería). A banda formouse co nome Jeff Killed John e comezou a súa carreira versionando cancións de Metallica e Nirvana. Jeff Killed John gravou seis temas que non foron editados; en dous deles traballaron posteriormente como Bullet for My Valentine. Dificultades financeiras forzaron ao cambio de nome, que foi seguido por un cambio na dirección musical. No ano 2002 a banda asinou un contrato por cinco álbums con Sony BMG.
O álbum de estrea de Bullet for My Valentine, The Poison, foi publicado o 3 de outubro do ano 2005 no Reino Unido e o 14 de febreiro do 2006 nos Estados Unidos para coincidir co día dos namorados e polo tanto co seu nome (en inglés chámase Valentine's Day). O disco entrou no númeor 128 da lista Billboard 200 estadounidense e foi certificado ouro pola RIAA. A banda apareceu no Download Festival e no Kerrang! XXV, e realizou unha xira polos Estados Unidos con Rob Zombie. O segundo álbum de Bullet for My Valentine, Scream Aim Fire, foi lanzado o 29 de xaneiro do 2008 estreándose no número 4 da Billboard 200. Seu terceiro traballo, Fever, editouse o 26 de abril do ano 2010 e estreouse no 3 da Billboard 200. A banda vendeu ao redor dun millón de discos nos Estados Unidos e preto de 2 millóns e medio en todo o mundo.
Discografía[editar | editar a fonte]
| Álbum | Ano | Selo |
|---|---|---|
| The Poison | 2005 | Visible Noise, Trustkill |
| Scream Aim Fire | 2008 | Jive Records, 20-20 Entertainment LLC |
| Fever | 2010 | Sony Music Entertainment, Jive |
| Temper Temper | 2013 | RCA Records |
| Venom | 2015 | RCA Records |
| Gravity | 2018 | Spinefarm |
Véxase tamén[editar | editar a fonte]
Ligazóns externas[editar | editar a fonte]
- Páxina oficial (en inglés)
|
