Karl Menadier

Na Galipedia, a Wikipedia en galego.
Saltar ata a navegación Saltar á procura
Karl Menadier
Datos persoais
Nacemento10 de febreiro de 1889
LugarCoat of arms of Berlin.svg Berlín
Flag of Germany (1867–1919).svg Imperio Alemán.
Falecemento9 de decembro de 1914 (25 anos)
LugarRUS Chernyakhovsk COA (achievement).svg Insterburg.
Flagge Preußen - Provinz Ostpreußen.svg Prusia Oriental.
NacionalidadeAlemá
Actividade
CampoNumismática.
Alma máterWappen Tuebingen.svg Universidade de Tubinga.
Logo Université Grenoble Alpes 2020.svg Universidade de Grenoble.
Huberlin-logo.svg Universidade Humboldt de Berlín.
Director de tese- Otto Hirschfeld.
- Eduard Meyer.
Contribucións e premios
Coñecido porEstudos de numismática medieval.
Influído porJulius Menadier
editar datos en Wikidata ]

Karl Menadier, nado o 10 de febreiro de 1889 en Berlín e finado o 9 de decembro en 1914 en Insterburg, na Prusia Oriental (actual Cherniajovsk, en Rusia), foi un numismático alemán especializado na moeda medieval.[1][2]

Traxectoria[editar | editar a fonte]

Karl Menadier era fillo do eminente numismático medievalista Julius Menadier (1854-1939), director do Gabinete Numismático (Münzkabinett) de Berlín, e da súa muller, Ida Menadier, baronesa de Düring (1858-1934).[1]

A súa irmá, Dorothea Menadier, tamén foi unha recoñecida numismática.[3]

Logo de cursar a educación secundaria na súa cidade natal, comezou os seus estudos de Historia na Universidade de Grenoble en 1907. Tras cumprir co seu servizo militar, estudou Filoloxía Clásica na Universidade de Tubinga e na Universidade de Berlín, onde se doutorou o 14 de outubro de 1913 cunha tese dirixida por Otto Hirschfeld e Eduard Meyer, titulada Die Münzen und das Münzwesen bei den Scriptores Historiae Augustae ("As moedas e as cuñaxes de Scriptores Historiae Augustae").[4][5][6]

Simultaneamente aos seus estudos universitarios, encargouse da organización e da catalogación da colección de moedas antigas do gabinete numismático (Münzkabinett) da cidade de Maguncia.[4]

Para os anos 1914 e 1915 concedéuselle unha bolsa de investigación do Instituto Arqueolóxico Alemán para participar no proxecto Griechischen Münzwerk, da Academia de Ciencias de Berlín, para a recollida e a publicación de moedas da Antiga Grecia setentrional. Mais a súa participación no proxecto viuse frustrada polo inicio da primeira guerra mundial.[7]

Karl Menadier participou na contenda mundial como oficial na Prusia Oriental, onde chegou a obter a Cruz de Ferro polos seus méritos na fronte. Faleceu de tifo no hospital de Instarburg en decembro de 1914.[6][7][8]

Recoñecementos[editar | editar a fonte]

Publicacións[editar | editar a fonte]

Notas[editar | editar a fonte]

  1. 1,0 1,1 "Dr. Karl MENADIER, deutscher Numismatiker". Eine große Familie - Ihr Stammbaum im Internet.
  2. Regling, K. (1920).
  3. "Dr. phil. Dorothea MENADIER, deutsche Numismatikerin". Eine große Familie - Ihr Stammbaum im Internet.
  4. 4,0 4,1 Regling, K. (1920). Páxina 182.
  5. Publicada en 1913 e 1914 (véxase Publicacións).
  6. 6,0 6,1 "Literarische Anzeigen". En Numismatische Zeitschrift. Nº 49. 1917. Páxina 149.
  7. 7,0 7,1 7,2 Regling, K. (1920). Páxina 183.
  8. (1920): "Personel". En Schweizerische Numismatische Rundschau. Nº 20. Páxina 157.

Véxase tamén[editar | editar a fonte]

Bibliografía[editar | editar a fonte]