Prusia Oriental

Para outras páxinas con títulos homónimos véxase: Prusia (homónimos).

Provinz Ostpreußen
Provincia de Prusia Oriental

←

1773 — 1945

→


Bandeira	Escudo

Prusia Oriental (en vermnello), dentro do reino de Prusia (en azul), no Imperio alemán (contra 1871).

Capital

Königsberg

Goberno

Monarquía

Período histórico

Idade Contemporánea

• Primeira partición de Polonia

31 de xaneiro de 1773

• Conquista soviética

9 de abril de 1945

Superficie

• 1905

36.993 km²

Este artigo amosa letras cirílicas. Sen o soporte axeitado, o texto pode mostrar símbolos sen sentido, coma caixas, marcas e outros.

Prusia Oriental (en alemán: Ostpreußen [ˈʔostʰˌpʰrɔɪ̯sn]; en lituano: Rytų Prūsija ou Rytprūsiai; en polaco: Prusy Wschodnie; en ruso: Восточная Пруссия, Vastochnaya Prusia) é unha rexión histórica situada na costa sudoriental do mar Báltico.

Historia[editar | editar a fonte]

Foi o primeiro territorio que levou o nome de Prusia, xa que antes da invasión alemán do século XII era a parte principal do país do pobo báltico dos prusianos. Tras seren en gran parte asimilados os antigos prusianos bálticos, o territorio foi moi xermanizado e transformouse no núcleo orixinal do célebre Estado militarista alemán chamado Reino de Prusia.

Colonizada por alemáns entre os séculos XI e XII, converteuse no centro do Estado da Orde Teutónica. A decadencia do poderío da Orde conduciu ao Tratado de Toruń de 1466, polo cal boa parte de Prusia pasaba ao dominio directo da Coroa polaca e o resto, que permanecía baixo o control da Orde, converteríase en vasalo do monarca polaco.

En 1525 o gran Mestre da Orde Teutónica, Alberto de Hohenzollern converteuse ao protestantismo, secularizou a Orde transformouse no primeiro Duque de Prusia, vasalo de Polonia.

A súa liña extinguiuse en 1618, pasando a propiedade dos seus Estados aos seus primos os Hohenzollern de Brandeburgo, formando o que no século XVIII sería o reino de Prusia, desvinculado xa de calquera relación feudal con Polonia.

Desde 1824 e até 1871 formou unha única provincia (Provincia de Prusia) ao fusionarse coa Prusia Occidental.

Estivo baixo o control do Imperio alemán, a República de Weimar e a Alemaña nazi entre 1871 e 1945.

Durante a ofensiva de Prusia Oriental (xaneiro-abril de 1945) as tropas do Exército vermello ocuparon boa parte da rexión, mentres que os alemáns resistiron en Königsberg e outros puntos illados até a rendición incondicional de Alemaña en maio de 1945.

Tras a derrota alemá na segunda guerra mundial, o territorio foi dividido en tres partes. Unha delas foi incorporada a Rusia, constituíndo a óblast de Kaliningrado, outra ao voivodato de Varmia e Masuria polaco e, finalmente, a rexión do Territorio de Memmel foi para Lituania.

A capital da antiga Prusia Oriental, Königsberg, pasou en 1946 a chamarse Kaliningrado. Dous millóns e medio de alemáns foron expulsados do fogar dos seus antepasados.

Mapas históricos[editar | editar a fonte]

As tribos bálticas contra o ano 1200
Grupos lingüísticos en 1880: rosa, alemán; verde, polaco e masurio; amarelo, lituano
Divisións adiministrativas da Prusia Oriental desde 1808 a 1905
Divisións adiministrativas da Prusia Oriental despois de 1905

Lingua materna (censo de 1910), e resultados do plebiscito de 1920
A Prusia Oriental de 1923 e 1939
Prusia Oriental en 1944
Cambios territotiais en Alemaña entre 1919 e 1945

Véxase tamén[editar | editar a fonte]

Bibliografía[editar | editar a fonte]

Koch, H. W. (1984): A History of Prussia. Londres: Longman. ISBN 0-582-48190-2.
MacDonogh, Giles (1994): Prussia. Londres: Sinclair-Stevenson. ISBN 1-85619-267-9.
Zayas, Alfred-Maurice de (1994): A Terrible Revenge: The Ethnic Cleansing of the East European Germans, 1944-1950. St. Martin's Press. ISBN 0-312-12159-8.

Outros artigos[editar | editar a fonte]

Ligazóns externas[editar | editar a fonte]

Provincia de Prusia Oriental (en alemán)
A Rerra da Orde Teutónica Arquivado 06 de marzo de 2016 en Wayback Machine. (en alemán) e (en inglés)