Karel van Mander

Karel van Mander
	;
Nome orixinal	(nl) Carel van Mander
Biografía
Nacemento	maio de 1548 ; Meulebeke (pt)
Morte	11 de setembro de 1606 (58 anos); Ámsterdam
Lugar de sepultura	Oude Kerk
Datos persoais
País de nacionalidade	Países Baixos dos Habsburgo (pt) ; Provincias Unidas
Actividade
Campo de traballo	Pintura e estudo da historia da arte
Ocupación	historiador da arte , poeta , biógrafo , escritor , pintor , artista visual
Membro de	Witte Angieren (en)
Movemento	Manierismo
Profesores	Lucas de Heere (pt) e Pieter Vlerick (pt)
Alumnos	Frans Hals
Influencias	Giorgio Vasari
Lingua	Lingua neerlandesa
Obra
	Obras destacables (1587) The Flood (en) ; (1593) Q17524340 ; (1598) A Adoração dos Pastores (pt) ; (1600) The Continence of Scipio (en) ;
Familia
Fillos	Karel van Mander
Irmáns	Adam van Mander (pt)
Parentes	Jan van der Mander (en) (sobriño)

Karel van Mander, nado en Meulebeke en maio de 1548 e finado en Ámsterdam o 2 de setembro de 1606, foi un pintor, poeta e biógrafo flamengo.

traxectoria

Nado no seo dunha familia nobre de Meulebeke, realizou a súa aprendizaxe con Lucas de Heere en Gante, e entre 1568 e 1569 con Pieter Vlerick en Kortrijk. Nos cinco anos seguintes dedicouse a escribir obras de teatro de carácter relixioso, para as que tamén realizou os decorados. Posteriormente pasou tres anos en Roma (1574-1577). De volta desta viaxe pasou por Viena, onde en compaña do escultor Hans Mont, construíu o arco de triunfo para a entrada do emperador Rodolfo II.

Logo de variadas vicisitudes causadas pola guerra, a perda da súa fortuna e a enfermidade, instalouse en Haarlem, onde xunto con Hendrik Goltzius e mais Cornelis Cornelisz. van Haarlem, fundou unha exitosa academia de pintura.

O Schilderboek

Porén, a súa fama provén fundamentalmente do seu libro Schilderboeck ("Libro dos pintores"), un voluminoso conxunto de biografías de pintores, que chegou adquirir para os países do norte de Europa unha importancia semellante á de Le Vite de' più eccellenti pittori, scultori, e architettori, de Vasari para Italia. Esta obra rematouna no ano 1603, publicándoa ao ano seguinte, 1604, coincidindo coa súa mudanza para Ámsterdam, onde falecería no 1606.

Van Mander influíu de xeito notábel na literatura sobre arte dos séculos XVII e XVIII, así entre outros, Cornelis de Bie e Arnold Houbraken imitaron a súa Schilderboeck.

Mestre de Frans Hals

Van Mander foi mestre de Frans Hals, aínda que parece que a influencia sobre o seu pupilo non foi tan importante - de certo Hals estaba en desacordo coa convencional crenza de Mander de que a pintura de tema histórico ocupaba o lugar preeminente na xerarquía dos xéneros.

Véxase tamén

Ligazóns externas

Schilderboeck na Digitale Bibliotheek der Nederlandse Letteren (DBNL, "Biblioteca Digital de Literatura Neerlandesa")
Biografia de MANDER CAREL VAN (en inglés)