Juan Fernando López Aguilar

Juan Fernando López Aguilar

Biografía
Nacemento	10 de xuño de 1961 (63 anos) As Palmas de Gran Canaria, España
Eurodeputado
Representa: Partido Socialista Obrero Español 16 de xullo de 2024 – Lexislatura: X lexislatura do Parlamento Europeo Circunscrición electoral: España Electo en: eleccións ao Parlamento Europeo de 2024
Eurodeputado
Representa: Partido Socialista Obrero Español 2 de xullo de 2019 – 15 de xullo de 2024 Lexislatura: IX lexislatura do Parlamento Europeo Circunscrición electoral: España Electo en: eleccións ao Parlamento Europeo de 2019 en España
Eurodeputado
Representa: Partido Socialista Obrero Español 1 de xullo de 2014 – 1 de xullo de 2019 Lexislatura: VIII lexislatura do Parlamento Europeo Circunscrición electoral: España Electo en: Eleccións ao Parlamento Europeo de 2014
Eurodeputado
Representa: Partido Socialista Obrero Español 14 de xullo de 2009 – 30 de xuño de 2014 Lexislatura: VII lexislatura do Parlamento Europeo Circunscrición electoral: España Electo en: Eleccións ao Parlamento Europeo de 2009
Representante da Asemblea Parlamentaria do Consello de Europa
Representa: España 27 de xuño de 2008 – 28 de setembro de 2009
Deputado no Congreso dos Deputados
24 de marzo de 2008 – 13 de xullo de 2009 – Angel Victor Torres Perez → Lexislatura: IX lexislatura de España Circunscrición electoral: As Palmas Electo en: Eleccións Xerais 2008 en España
Deputado no Parlamento das Canarias
27 de maio de 2007 – 9 de marzo de 2008
Ministro de Xustiza de España
18 de abril de 2004 – 12 de febreiro de 2007 ← José María Michavila (pt) – Mariano Fernández Bermejo → Gabinete ministerial: Government of the 8th Legislature of Spain (en)
Deputado no Congreso dos Deputados
30 de marzo de 2004 – 24 de xuño de 2007 – Juan Bernardo Fuentes Curbelo → Lexislatura: VIII lexislatura de España Circunscrición electoral: As Palmas Electo en: Eleccións Xerais 2004 en España
Deputado no Congreso dos Deputados
27 de marzo de 2000 – 2 de abril de 2004 Lexislatura: VII lexislatura de España Circunscrición electoral: As Palmas Electo en: Eleccións Xerais 2000 en España
Datos persoais
Educación	Universidade de Granada The Fletcher School of Law and Diplomacy (pt) Universidade de Boloña Universidade Complutense de Madrid Universidade Tufts
Actividade
Lugar de traballo	Estrasburgo Madrid Bruxelas Granada
Ocupación	político, xurista, profesor universitario, caricaturista
Empregador	Universidade de Granada Universidade das Palmas de Gran Canaria Universidade Tufts
Partido político	Partido Socialista Obrero Español
Membro de	Asemblea Parlamentaria do Consello de Europa
Participou en
25 de febreiro de 2020	Manifesto por unha política migratoria e de asilo propia dunha sociedade democrática avanzada
Premios
(2007)  Gran Cruz da Orde de Carlos lll (2007)  Gran Cruz da Orde de San Raimundo de Peñafort

Juan Fernando López Aguilar, nado o 10 de xuño de 1961 en Las Palmas de Gran Canaria, é un político e xurista español do PSOE. Deputado pola provincia das Palmas desde a VII lexislatura. Desde o 18 de abril de 2004 ata o 12 de febreiro de 2007 foi Ministro de Xustiza do goberno de José Luis Rodríguez Zapatero.

Traxectoria

Afeccionado ó debuxo, comezou publicando caricaturas no diario canario La Provincia. Foi autor dunha serie de cómic chamada Gaudeamus, realizada conxuntamente con Andrés Sopeña Monsalve, profesor de Dereito da Universidade de Granada, e durante a súa estancia nesta Universidade. Apareceu regularmente no periódico Sur de Málaga. En 1981 editouse unha recompilación destas tiras, baseadas nas andanzas e desventuras dun PNN (Profesor Non Numerario).

Licenciado en Dereito pola Universidade de Granada con Premio Extraordinario e Premio Nacional Fin de Carreira (1984). Licenciado en Ciencias Políticas e Socioloxía pola Universidade Complutense de Madrid. Mestrado en Dereito e Diplomacia pola Fletcher School of Law and Diplomacy (Tufts University). Doutor en Dereito pola Universidade de Boloña, con premio extraordinario. Desde 1993 ocupa a Cátedra de Dereito Constitucional da Universidade das Palmas de Gran Canaria. Catedrático Jean Monnet de Dereito e Integración Europea desde 1999.

Ingreso no PSOE

Está afiliado ó Partido Socialista desde o ano 1983. En 1990, foi nomeado asesor executivo do Gabinete do Ministro de Xustiza Enrique Múgica e posteriormente desempeñou o cargo de Xefe de Gabinete dos Ministerios de Administracións Públicas (1993) e Educación e Ciencia. En 1999 coordinou a candidatura socialista á presidencia do Goberno das Canarias. No 35 Congreso Federal do PSOE foi elixido Secretario de Liberdades Públicas e Desenvolvemento autonómico. Desde 1996 é deputado da cámara baixa española.

Candidatura á presidencia das Canarias

O 28 de outubro de 2006, é oficialmente designado candidato do PSOE á presidencia das Canarias para as eleccións autonómicas de 2007, anunciándose o 7 de febreiro de 2007 a súa substitución, á fronte do Ministerio de Xustiza, polo fiscal Mariano Fernández Bermejo.

O 18 de abril de 2007 viuse obrigado a pedir desculpas publicamente tras saír á luz que un dos documentos electorais presentados polo PSOE nas Canarias ("125 medidas do primeiro ano de goberno") fora plaxiado dos que incluíron Cidadáns - Partido da Cidadanía no seu programa nas eleccións ó parlamento catalán o ano anterior.

Resultados

A súa candidatura nas eleccións foi a máis votada e a que obtivo o maior número de deputados no Parlamento das Canarias (26 de 60), pero un pacto entre Coalición Canaria (19 deputados) e o Partido Popular (15 deputados), desbancouno da presidencia rexional.

Véxase tamén

Ligazóns externas

• Páxina oficial (en castelán)