Saltar ao contido

Universidade de Granada

Na Galipedia, a Wikipedia en galego.
Universidade de Granada
Nome curtoUGR Editar o valor en Wikidata
Tipouniversidade pública, editor de acceso aberto e organización Editar o valor en Wikidata
SedeGranada Editar o valor en Wikidata
Localización
Mapa
 37°11′06″N 3°36′03″O / 37.18489, -3.60094
EstadoEspaña
Comunidade autónomaAndalucía
ProvinciaProvincia de Granada
ConcelloGranada Editar o valor en Wikidata
Datas
Fundación1531 Editar o valor en Wikidata
Persoas e organizacións
FundadorCarlos V, Sacro Emperador Romano-Xermánico Editar o valor en Wikidata
ReitorPilar Aranda Ramírez Editar o valor en Wikidata
Número estudiantes88.000 Editar o valor en Wikidata
Membro de
União das Universidades do Mediterrâneo (pt) Traducir, Grupo Coimbra, Asociación de Universidades Europeas, Conferencia de Rectores de las Universidades Españolas, Agence Universitaire de la Francophonie, Coalition for Advancing Research Assessment (en) Traducir e Associação Internacional de Universidades (pt) Traducir Editar o valor en Wikidata
Composto por
Herbario, Universidade de Granada Editar o valor en Wikidata
Contacto
Páxina WEBugr.es Editar o valor en Wikidata
RedesFacebook: universidadgranada Twitter: canalugr BNE: XX131303 Dialnet: 819043 Editar o valor en Wikidata
[ Wikidata ]

A Universidade de Granada (UGR) é unha universidade pública española con sede en Granada e con campus nas cidades de Granada, Ceuta e Melilla, o que a converte na única universidade europea con dous campus en África. É a cuarta universidade de España por número de alumnos, membro do Grupo Coimbra e Campus de Excelencia Internacional.[1]

A Universidade de Granada é herdeira da Madraza do último Reino Nazarí e foi fundada oficialmente en 1531 por Carlos I de España. Por tanto, ten case cincocentos anos de historia e é considerada por iso como unha das universidades históricas de España.[2]

A Universidade de Granada sitúase entre o dez primeiras de España e desde hai varios anos ocupa o primeiro posto nos estudos de tradución e interpretación, sendo a primeira universidade española en impartir lingua dinamarquesa.[3][4][5][6] A nivel mundial, é unha das cincuenta mellores universidades en enxeñaría informática e unha das cen primeiras en matemáticas.[7]

Recibe cada ano máis de 2000 alumnos procedentes do programa Erasmus, o que a converte no primeiro destino europeo dentro deste programa de mobilidade.[8] Ademais, foi elixida a mellor universidade de España polos estudantes internacionais.[9]

Historia

[editar | editar a fonte]
Facultade de Dereito de Granada, na praza da Universidade.

Antecedentes

[editar | editar a fonte]

A universidade na cidade de Granada atopa as súas raíces no século XIV, máis concretamente en 1349, cando o rei Iusuf I creou a Madraza de Granada. Este sultán tamén construíu o Palacio de Comares e a Porta da Explanada na Alhambra, sendo unha das universidades máis antigas do mundo. A Madraza manteríase en funcionamento até 1499, ano no cal o cardeal Cisneros, incumprindo as capitulacións que asinaran Isabel e Fernando, reis de Castela e Aragón, asáltaa e destrúea. Como consecuencia deste asalto a Biblioteca da Madraza foi queimada na praza Bib-Rambla. Esta queima foi unha das máis grandes que se produciron en Europa, xa que a cultura granadina tiña un amplo comercio do libro e tamén unha alta produción editorial. Cisneros aproveitou esta situación para queimar máis bibliotecas, tentando acabar coa cultura nazarí, forzando a conversión. O edificio, unha vez a universidade desaparecera, foi doado por Fernando de Aragón como sede do Concello de Granada.

Fundación

[editar | editar a fonte]
Carlos I de España, fundador da Universidade

A situación de gran tensión e espolio cultural provocada por Cisneros verase diminuída co emperador Carlos I de España (V de Alemaña), quen en 1526, durante unha visita á cidade de Granada, decide dotala de novo dunha universidade. Deste xeito, súa foi a iniciativa de fundar o Colexio Imperial de San Miguel de Granada en 1531, mediante unha bula do papa Clemente VII, dando lugar así ao que hoxe coñecemos como a Universidade de Granada.[10]

Granada e a Universidade

[editar | editar a fonte]

Hoxe en día Granada é a cidade coa maior afluencia universitaria do sur de España, converténdoa nunha das capitais universitarias por excelencia. Granada é unha cidade feita por e para os universitarios, famosa pola súa vida nocturna e ambiente estudantil, ademais de ofrecer un dos aloxamentos para universitarios máis baratos do país.[11] Recentemente foi elixida como mellor cidade universitaria de España.[12] Deste xeito, as esperanzas de futuro da cidade pasan polos beneficios económicos e sociais vinculados á Universidade, a cal representa a empresa principal da provincia.[13]

A Universidade tamén supuxo un enriquecemento cultural da cidade, non só pola gran cantidade de alumnos estranxeiros que atrae (é o primeiro destino Erasmus) senón tamén pola súa política de recuperación de edificios de valor histórico, como son o edificio da Madraza, o Hospital Real (actual sede do Reitorado) ou as facultades de Dereito, Medicina e Tradución e Interpretación.[14] Ademais, a universidade permitiu un auxe no ámbito do I+D+i, dotando á cidade de modernas instalacións para tal propósito. Un exemplo diso é o Parque Tecnolóxico de Ciencias da Saúde.

Nos últimos anos, a UGR foi escalando importantes postos nas clasificacións de universidades até converterse nunha das mellores do mundo en campos como a informática, as matemáticas e a enxeñaría.[15]

Algúns datos actuais da Universidade de Granada:[14]

  • Alumnos de grao e posgrao: 59 438
  • Profesores: 3 487
  • Persoal de servizos: 2 198
  • Titulacións: 71
  • Centros docentes: 27
  • Departamentos: 123
  • Títulos de mestrado oficial: 121
  • Doutoramentos: 28

A Universidade de Granada é tamén a institución académica coa velocidade de rede máis rápida do mundo, até 160 Xigabits por segundo (Gbps), sen contar coa velocidade que prové a RedIRIS, a rede académica española integrada na europea rede GÈANT.[16]

Facultades e escolas

[editar | editar a fonte]
Facultade de Ciencias de Granada, na avenida Fuentenueva.
Escola Técnica Superior de Enxeñaría de Camiños, Canles e Portos de Granada, nos Paseíllos Universitarios.
Escola Técnica Superior de Enxeñarías Informática e de Telecomunicación de Granada, na rúa Periodista Daniel Saucedo Aranda.
Edificio da antiga Facultade de Medicina de Granada, na avenida de Madrid esquina coa rúa Doctor Guirao Gea.
Facultade de Tradución e Interpretación de Granada, na rúa Puentezuelas.
Facultade de Filosofía e Letras de Granada, na rúa Eras de Cristo.

Os centros docentes (facultades e escolas) atópanse repartidos en sete campus universitarios: cinco na cidade de Granada (Centro, Cartuja, Fuentenueva, Aynadamar e Ciencias da Saúde), un en Ceuta e outro en Melilla.

Campus Centro

[editar | editar a fonte]

Trátase dun campus urbano, cuxos centros se atopan repartidos por diferentes puntos do centro da cidade de Granada. Neste campus localízanse as seguintes facultades:

Campus de Cartuja

[editar | editar a fonte]

Ten o seu acceso polo Paseo de Cartuja. Os seus centros docentes distribúense nas inmediacións do antigo mosteiro da Asunción, máis coñecido como a Cartuxa de Granada, e son:

Campus de Fuentenueva

[editar | editar a fonte]

Sitúase na rúa Doctor Severo Ochoa, preto da Estación de trens de Granada, tendo acceso tamén polo Camino de Ronda, a través da rúa Gonzalo Gallas. Os centros que o compoñen son:

Tamén se localizan no Campus de Fuentenueva centros de investigación científica, así como instalacións deportivas e de lecer. É atravesado polo coñecido Parque Universitario de Fuentenueva, que comunica en liña recta o Camiño de Rolda co centro da cidade. O Campus de Fuentenueva aloxa unha das paradas do Metro de Granada.

Campus de Aynadamar

[editar | editar a fonte]

Sitúase no barrio do Cerrillo de Maracena e nel atópanse:

Campus Ciencias da Saúde

[editar | editar a fonte]

Está integrado no Parque Tecnolóxico de Ciencias da Saúde, un complexo situado nos arredores da capital granadina.[17] Trátase dun innovador espazo tecnolóxico especializado na investigación e desenvolvemento de industrias farmacéuticas, biosanitarias e agro-alimentarias, contando, en 2016, con máis de doce centros de investigación operativos e case un centenar de empresas e institucións.[17][18]

Actualmente sitúanse neste campus a Facultade de Ciencias da Saúde e a Facultade de Medicina aínda que se procederá proximamente ao traslado a este campus das facultades de Farmacia e Odontoloxía.[19][20]

O Campus Ciencias da Saúde conta con novos centros de docencia, investigación e de prácticas, entre eles o novo Hospital Universitario de San Cecilio. Está conectado ao centro de Granada tanto por autobús como por metro, mediante a Liña 1 do Metro de Granada.

Campus de Ceuta

[editar | editar a fonte]

Campus de Melilla

[editar | editar a fonte]
  • Facultade de Educación e Humanidades de Melilla
  • Facultade de Enfermaría de Melilla
  • Facultade de Ciencias Sociais de Melilla

Centros adscritos

[editar | editar a fonte]
  • Escola Universitaria de Profesorado de E.G.B. "A Inmaculada"

Escola Internacional de Posgrao

[editar | editar a fonte]

É o centro encargado de xestionar e coordinar todos os ensinos de Posgrao, incluíndo os programas internacionais, que están conformadas por:[21]

Os programas de doutoramento están coordinados polas seguintes escolas:[22]

  • Escola de Doutoramento de Ciencias, Tecnoloxías e Enxeñarías
  • Escola de Doutoramento de Ciencias da Saúde
  • Escola de Doutoramento de Humanidades, Ciencias Sociais e Xurídicas

Servizo de Comedores e aloxamento

[editar | editar a fonte]

Entre os servizos que ofrece a Universidade de Granada á comunidade universitaria destaca o Servizo de Comedores Universitarios, famosos entre os estudantes por ofrecer menús saudables a baixo prezo (3.5€).[23] O Servizo de Comedores tamén conta co servizo para levar e ten sedes en cada un dos campus universitarios.[23]

Ademais, a universidade conta cunha ampla rede de aloxamento baseado en colexios maiores, que contan con máis de cincuenta anos de historia, e residencias universitarias.[24][25]

Notas

[editar | editar a fonte]
  1. ↑ "Estadística de la Enseñanza Universitaria en España. Curso 2010/2011" (PDF). Consultado o 25 de febreiro de 2019. 
  2. ↑ "Propuestas para la reforma de la Universidad Española" (PDF). Arquivado dende o orixinal (PDF) o 04 de marzo de 2016. Consultado o 07 de abril de 2016. 
  3. ↑ "LAS 50 CARRERAS. DÓNDE ESTUDIAR LAS MÁS DEMANDADAS" (PDF). Arquivado dende o orixinal (PDF) o 10 de xullo de 2012. Consultado o 07 de abril de 2016. 
  4. ↑ "Rankings de las universidades españolas". www.u-ranking.es. Arquivado dende o orixinal o 20 de marzo de 2018. Consultado o 2019-02-25. 
  5. ↑ "Las 50 carreras" (PDF) (en castelán). Consultado o 25 de febreiro de 2019. 
  6. ↑ "Facultad de Traducción e Interpretación > ¿Quieres estudiar danés? A partir del curso 2014-2015 será posible estudiar danés en la UGR.". fti.ugr.es. Consultado o 2019-02-25. 
  7. ↑ "La UGR escala cien posiciones en el ranking de Shanghai en una década". Granada Hoy (en castelán). 2014-08-16. Consultado o 2019-02-25. 
  8. ↑ "The Erasmus Programme 2010/2011" (PDF) (en inglés). Arquivado dende o orixinal (PDF) o 19 de marzo de 2013. Consultado o 07 de abril de 2016. 
  9. ↑ "La Universidad de Granada, la mejor de España por los estudiantes internacionales". www.europapress.es. 2014-01-10. Consultado o 2019-02-25. 
  10. ↑ Historia de la UGR.
  11. ↑ "Madrid es la ciudad con el alojamiento para universitarios más caro". Noticias Universia España (en castelán). Arquivado dende o orixinal o 17 de abril de 2016. Consultado o 2019-02-25. 
  12. ↑ "Granada, elegida mejor ciudad universitaria de España por los usuarios de antena3.com" (en castelán). Arquivado dende o orixinal o 14 de abril de 2016. Consultado o 07 de abril de 2016. 
  13. ↑ "Estudio del impacto económico de la Universidad de Granada en su entorno" (en castelán). Arquivado dende o orixinal o 07 de xullo de 2018. Consultado o 25 de febreiro de 2019. 
  14. ↑ 14,0 14,1 "Granada y la Universidad". www.ugr.es. Consultado o 2019-02-25. 
  15. ↑ "La UGR escala cien posiciones en el ranking de Shanghai en una década". Granada Hoy (en castelán). 2014-08-16. Consultado o 2019-02-25. 
  16. ↑ "Secretaría General > La Universidad de Granada se convierte en la institución académica con la velocidad de red más rápida del mundo". secretariageneral.ugr.es. Consultado o 2019-02-25. 
  17. ↑ 17,0 17,1 "Quienes somos  Parque Tecnológico de la Salud". www.ptsgranada.com. Arquivado dende o orixinal o 17 de abril de 2016. Consultado o 2019-02-25. 
  18. ↑ "Infraestructuras  Parque Tecnológico de la Salud". www.ptsgranada.com. Arquivado dende o orixinal o 22 de abril de 2016. Consultado o 2019-02-25. 
  19. ↑ "La UGR estudia trasladar Trabajo Social al antiguo edificio de Ciencias de la Salud". Ideal (en castelán). 2014-04-03. Consultado o 2019-02-25. 
  20. ↑ "Docencia  Parque Tecnológico de la Salud". www.ptsgranada.com. Consultado o 2019-02-25. 
  21. ↑ "Escuela de Posgrado > Presentación". escuelaposgrado.ugr.es. Consultado o 2019-02-25. 
  22. ↑ "Escuela de Posgrado > Organigrama de la Escuela Internacional de Posgrado · Universidad de Granada". escuelaposgrado.ugr.es. Consultado o 2019-02-25. 
  23. ↑ 23,0 23,1 "Comedores Universitarios de Granada". scu.ugr.es. Consultado o 2019-02-25. 
  24. ↑ "Colegios Mayores". www.ugr.es. Consultado o 2019-02-25. 
  25. ↑ "Residencias Universitarias". www.ugr.es. Consultado o 2019-02-25. 

Véxase tamén

[editar | editar a fonte]

Ligazóns externas

[editar | editar a fonte]
Traído desde «https://gl.wikipedia.org/w/index.php?title=Universidade_de_Granada&oldid=7004105»