De antepasados éuscaros, en 1928 converteuse en secretario de Louis Jouvet. En 1929 escribe a súa primeira obra, Humulus le muet, unha farsa, pero non será ata 1932 en que escribe a súa primeira verdadeira obra, L'Hermine. En 1937 ten o seu primeiro éxito con Voyageur sans bagage. Durante a ocupación nazi segue a escribir, sen optar nin pola resistencia nin pola ocupación. En 1942 escribiu Antigone, a súa peza máis coñecida, estreada en 1944 e traducida ao galego en 1958 por Xosé Manuel Beiras Torrado e Xosé Luís Franco Grande co título de Antígona.
