Jazz (danza)

Na Galipedia, a Wikipedia en galego.
Saltar ata a navegación Saltar á procura


O jazz é un estilo de danza que utiliza a música Jazz e que combina elementos do Ballet, Contemporáneo, Hip-Hop, Danza moderna, Claqué e Charleston entre outros. Por iso, é considerada unha danza de elevada dificultade. Na actualidade, é practicado e coñecido en todo o mundo aínda que está moito máis estendido en Broadway.

Orixe e historia.
[editar | editar a fonte]

A palabra jazz provén do termo francés jasm que significa vitalidade, debido a que esta danza ten uns ritmos cambiantes, que recordan a propia vida humana, polo tipo de música que utiliza. Tamén se relaciona co teatro pola gran expresividade dos bailaríns e coa flexibilidade debido á velocidade dos pasos e á complexidade destes.

Podemos considerar que o jazz como danza ó longo da historia ten dúas vertentes, unha como danza social e outra como artística.

Con respecto á primeira podemos dicir que xorde con anterioridade ó século XIX, aínda que non se sabe exactamente a súa data porque sufriu un longo período de evolución que continúa na actualidade. O que si se sabe con absoluta certeza é que ten a súa orixe nas danzas negras desta época, en concreto, foron os escravos levados a América os que crearon, en Nova Orleans, esta danza. Máis adiante, en 1910, é cando se comeza a estender á xente branca, pero con moitos cambios, producidos a mediados do século XX, que fan que se mesture e adquira elementos doutras modalidades como o Ballet, a danza Contemporánea e o Claqué. Deste xeito, créanse os distintos estilos do jazz e produce influencia noutros como o Fox-trot, que é unha danza de parella acompañada da música Jazz.

O jazz como danza artística comeza coa danza teatral dos séculos XIX e XX e ten o seu gran desenvolvemento en 1940. Así, remata consolidándose unha danza que presenta a técnica do ballet pero con moita máis ambigüidade ó permitir movementos máis amplos e menos precisos. Ademais, ó presentar unha gran expresividade fai que se vexa como unha danza ás veces cómica e ás veces íntima pola súa gran liberdade.

Estilos
[editar | editar a fonte]

Latin Jazz[editar | editar a fonte]

Xorde cos migrantes latinoamericanos que se trasladan a vivir ós Estados Unidos, deste xeito combínase o Jazz Americano cos ritmos afrocubanos. Nesta danza existe moita influencia da salsa, merengue, mambo, lambada ou samba mesturados coa técnica, forma corporal e improvisación do Jazz.

Modern Jazz[editar | editar a fonte]

Neste estilo, o jazz combínase co Ballet e así xorden movementos con moito traballo no chan e con pasos cunha elevada técnica pero sempre acompañados de música comercial, o que produce unha maior estética e libre interpretación do movemento.

Jazz Funk[editar | editar a fonte]

Tamén chamado Funky Jazz ou Street Jazz, combina o jazz con movementos do Hip-Hop, caracterízase pola súa enerxía, coordinación, fluidez, rapidez do movemento e o traballo cara ó exterior, é dicir, cara ó público. A música adoita ser con percusións electrónicas ou acústicas moi fortes e ritmos cambiantes, o que orixina moitos contratempos no baile.

Broadway[editar | editar a fonte]

Pódese dicir que este é o estilo máis practicado dentro do Jazz, xa que é o que se usa nos musicais. Xorde tras a fusión do ballet, o moderno e o jazz co teatro. Deste xeito, caracterízase por usar moito as mans, bastóns e sombreiros para aumentar a expresividade. Moitas veces combinase con narracións.

Lyrical Jazz[editar | editar a fonte]

Este estilo caracterízase pola súa elevada expresión, de feito o seu nome fai referencia a isto mesmo, xa que a poesía lírica é moi sentimental e apaixonada. Ademais, o seu risco principal é que os pasos da coreografía sempre van ó ritmo da música, esta adoita ter letra para que o ritmo sexa moito máis marcado.

Referencias[editar | editar a fonte]

<http://artidanza.cl/latin-jazz-fusion//><br[Ligazón morta]>

<https://madriddancecenter.wordpress.com/juanjo-hinojosa-latin-jazz//><br[Ligazón morta]>

<https://www.dancecontainercancun.com/single-post/2017/01/06/Historia-de-la-DANZA-JAZZ/>

<https://escuelaflow.blogspot.com/2014/04/que-es-el-modern-jazz.html/>

<http://www.fulldance.net/clases-de-broadway-jazz//><br[Ligazón morta]>

<http://www.universitypressscholarship.com/view/10.5744/florida/9780813049298.001.0001/upso-9780813049298-chapter-5/[Ligazón morta]><br[Ligazón morta]>

<http://estilosdejazz.blogspot.com//>

<https://web.archive.org/web/20180810033621/http://www.ciudaddeladanza.com/bibliodanza/articulos-y-noticias/historia-de-la-danza-jazz.html><br[Ligazón morta]>

<https://baileypilatesmadrid.com/evolucion-danza-jazz//><br[Ligazón morta]>

<http://www.stravadanza.com/view.php?id=71/>

<http://www.danza180.com/class/jazz-funk//><br[Ligazón morta]>