James McAvoy

James McAvoy
	;
Biografía
Nacemento	21 de abril de 1979 (45 anos); Glasgow, Reino Unido
Residencia	Londres
Relixión	Católico romano
Educación	Conservatorio Real de Escocia (–2000); St. Thomas Aquinas Secondary School, Glasgow (en)
Actividade
Ocupación	actor de televisión, actor de teatro, actor, actor de dobraxe, actor de cinema, presentador de televisión
Período de actividade	1995 -
Familia
Cónxuxe	valor descoñecido (2022–); Anne-Marie Duff (2006–2016), divorcio
Irmáns	Joy McAvoy
Premios
	(2013) British Independent Film Award for Best Performance by an Actor in a British Independent Film (en) , premiado polo traballo Filth (en) ; (2008) London Film Critics Circle Award for British Actor of the Year (en) , premiado polo traballo Atonement; (2006) BAFTA de Melhor Ator/Atriz em Ascensão (pt) ;
	Sinatura
Descrito pola fonte	Obálky knih,
Páxina web	jamesmcavoy.com

James Andrew McAvoy nado o 21 de abril de 1979 en Glasgow é un actor de cine, televisión e teatro escocés. Tornouse coñecido polas súas participacións en filmes como The Chronicles of Narnia: The Lion, the Witch and the Wardrobe, The Last King of Scotland, Atonement e Wanted, tendo tamén participado en series televisivas como Band of Brothers e Shameless, nesta última, onde coñeceu a súa muller Anne-Marie Duff.

Biografía

James McAvoy naceu en Scotstoun, Glasgow. A súa nai, Elizabeth Johnstone, é enfermeira psiquiatra e o seu pai, tamén James McAvoy, obreiro. A súa irmá Joy forma parte da banda escocesa "Streetside". Os pais de James divorciáronse cando este tiña só sete anos, e foi entón cando se mudou para a casa dos seus avós maternos (Mary e James Johnstone), en Drumchapel. Asistiu á escola St. Thomas Aquinas, considerada unha escola católica, e durante seis anos ó Pace Youth Theatre. Graduouse no 2000 na "Royal Scottish Academy of Music and Drama".

Traxectoria

A carreira cinematográfica de McAvoy comezou co filme de David Hayman The Near Room de 1995, e deseguido, en 1997, en Regeneration, de Pat Barkers. Aínda así, o actor gañou maior renome ó participar nas miniseries Band of Brothers e en Children of Dune (2003). No mesmo ano, participou en State of Play, de Paul Abbott, e no ano seguinte na serie de televisión Shameless, transmitida no Reino Unido no Channel 4, sendo nomeada esta última para o "British Comedy Award". En 2005, representou a personaxe Ben na obra "Breathing Corpses", no Royal Court Theatre, e no cinema interpretou o fauno no filme The Chronicles of Narnia: The Lion, the Witch and the Wardrobe. Tamén no 2005, participou no filme Wimbledon e na obra Macbeth.

No 2006, o actor tivo a oportunidade de actuar con Forest Whitaker no filme The Last King of Scotland, unha adaptación da novela homónima de Giles Foden, baseado na historia do poderoso ditador de Uganda Idi Amin, durante os anos 70. Este filme valeulle o nomeamento para un premio BAFTA ó mellor actor e o premio do European Film Awards ó mellor actor. McAvoy participou, no mesmo ano, en Starter for Ten.

No 2007, apareceu en dous filmes aclamados polos críticos, Becoming Jane e Atonement, sendo este último baseado na novela homónima de Ian McEwan. McAvoy foi nomeado ó Globo de Ouro pola súa participación neste filme. Máis tarde, o actor participou en Penelope xunto con Cristina Ricci e Reese Witherspoon no 2008.

No 2008, McAvoy acadou gran notoriedade ó protagonizar o filme Wanted ó lado de Angelina Jolie e Morgan Freeman.

Vida persoal

Inicialmente McAvoy saíu coa actriz escocesa Emma Nielsen (nome artístico de Emma King). Eles comezaron a súa relación cando James tiña dezaseis anos, mais separáronse no 2003. Despois, el casou coa actriz Anne-Marie Duff, que coñeceu no elenco da serie Shameless. Eles actualmente viven en Stroud Green, en Londres. O 16 de xuño, Duff deu a luz o primoxénito da parella.

Unha das grandes paixóns de McAvoy é a ciencia ficción, que comezou a partir dos 11 anos de idade ao ler O Señor dos Aneis. Fóra da ciencia ficción o seu maior interese é o fútbol. Tamén é un gran seareiro do Celtic Football Club, afirmando que o papel dos seus soños sería interpretar o lendario Jimmy Johnstone. Por outra banda, non se considera católico practicante, mais si unha persoa espiritual.

Filmografía

Ano	Título	Papel	Notas
1995	The Near Room	Kevin Savage
1997	An Angel Passes By	Local boy	Curtametraxe
1997	Regeneration	Anthony Balfour
2001	Swimming Pool	Mike
2003	Bright Young Things	Conde de Balcairn
2003	Bollywood Queen	Jay
2004	Wimbledon	Carl Colt
2004	Strings	Hal Tara (voz)
2004	Inside I'm Dancing	Rory O'Shea
2005	The Chronicles of Narnia: The Lion, the Witch and the Wardrobe	Mr. Tumnus
2006	The Last King of Scotland	Dr. Nicholas Garrigan
2006	Starter for 10	Brian Jackson
2007	Becoming Jane	Thomas Lefroy
2007	Penelope	Johnny Martin/Max Campion
2007	Atonement	Robbie Turner
2008	Wanted	Wesley A. Gibson
2009	The Last Station	Valentin Bulgakov
2011	Gnomeo & Juliet	Gnomeo (voz)
2011	The Conspirator	Frederick Aiken
2011	X-Men: First Class	Profesor Charles Xavier
2011	Arthur Christmas	Arthur (voz)
2013	Welcome to the Punch	Max Lewinsky
2013	Trance	Simon Newton
2014	The Disappearance of Eleanor Rigby	Conor Ludlow
2013	Filth	Bruce Robertson
2014	Muppets Most Wanted	Delivery Man	Cameo
2014	X-Men: Days of Future Past	Profesor Charles Xavier	Papel compartido con Patrick Stewart
2015	Victor Frankenstein	Victor Frankenstein

Teatro

A tempestade, Brunton Theatre – Ferdinand
Romeo e Xulieta, The Courtyard Hereford (1999) – Romeo
West Side Story, The Courtyard Hereford (1999) – Riff
Beauty and the Beast, Adam Smith Theatre (1999–2000, pantomime) – Bobby
Romeo and Juliet (2000) – Romeo
The Reel of the Hanged Man, Traverse Theatre (2000) – Gerald
Lovers, Royal Lyceum Theatre – Joe
Out In The Open, Hampstead Theatre (2001) – Iggy
Privates On Parade, Donmar Warehouse (2001–2002) – Pt Steven Flowers
Breathing Corpses, Royal Court Theatre (2005) – Ben
Three Days of Rain, Apollo Theatre (2009) – Walker/Ned

Galardóns e Nomeamentos

Globos de Ouro

Ano	Categoría	Filme	Resultado
2008	Globo de Ouro ó mellor actor dramático	Atonement	Nomeado

Premios Bafta

Ano	Categoría	Filme	Resultado
2007	BAFTA ó mellor actor	Atonement	Nomeado
2006	BAFTA ó mellor actor secundario	The Last King of Scotland	Nomeado
2005	Premio Orange á estrela emerxente		Gañador