Holzminden

Holzminden

Localización
51°49′47″N 9°26′54″L
Estado	Alemaña
Estado federado	Baixa Saxonia
District of Lower Saxony (en)	Holzminden (pt)
Capital de	Holzminden (pt)
Poboación
Poboación	20.120 (2022) (228,01 hab./km²)
Xeografía
Superficie	88,24 km²
Bañado por	Río Weser
Altitude	89 m-91 m
Comparte fronteira con	Höxter Fürstenberg
Organización política
Membro de	Niedersächsischer Städtetag (pt)
Identificador descritivo
Código postal	37603
Fuso horario	UTC+01:00, horario estándar UTC+02:00, horario de verán
Prefixo telefónico	05531
Páxina web	holzminden.de

Holzminden (pronunciación alemá : hɔltsˈmɪndən ) é unha cidade, capital do distrito rural alemán de Holzminden, no sur do estado federal de Baixa Saxonia. Atópase directamente ás beiras do río Weser, que marca a fronteira con Renania do Norte-Westfalia.

Historia

Vista da cidade no outono.

Nome

Holzminden mencionouse por primeira vez no século IX como Holtesmeni; porén, o nome non se refería orixinalmente á cidade actual, senón a unha aldea de Altendorf, a "cidade vella", que foi incorporada á cidade en 1922.

Idade Media

Durante o reinado de Ludovico I, monxes beneditinos da abadía de Corbie en Francia chegaron á zona e fundaron un mosteiro en Hethis no Solling. Cando o lugar deste mosteiro xa non era viable, foi pechado e abriuse outro preto do río: Abadía de Corvey ou Corbeia nova. Documentos antigos mostran que houbo moitas doazóns ao Holtesmeni (mosteiro).

Presúmese que xurdiu, xunto con outros asentamentos da contorna, no período comprendido entre o 500 e o 800. Algunhas das outras cidades foron abandonadas cando Holzminden recibiu as leis municipais, prometendo así maiores privilexios aos seus cidadáns e exercendo unha maior atracción ao seu redor.

En 1200, a cidade foi transferida baixo a protección do príncipe do castelo de Everstein, e en 1245, o conde de Everstein concedeulle o status de cidade. Por este motivo, o escudo da cidade mostra ao león de Everstein rampante cara á entrada aberta da cidade.

Desde 1408, a cidade pertenceu aos príncipes da Casa de Welf.

Idade Moderna e Contemporánea

A partir do século XVI Holzminden pertenceu á Casa de Brunswick e Desde entón até 1942, estivo gobernada polo Ducado de Brunswick . En 1640, durante a Guerra dos Trinta Anos, a cidade foi destruída polas tropas do emperador e só se recuperou lentamente.

Até o século XX, Holzminden foi unha cidade provincial habitada por pequenos agricultores. Durante a Primeira guerra mundial, Holzminden foi o lugar dun campo de prisioneiros de guerra alemáns para oficiais británicos capturados. Na Segunda guerra mundial, o xefe do Departamento de operacións (Operationsabteilung) da Wehrmacht de 1940 a 1944 na Alemaña nazi, Adolf Heusinger, era orixinario de Holzminden.

Cidades irmás

Holzminden está irmandado con:

• Leven, Fife, Escocia

Lugares de interese

• 
  Holzminden no inverno.
• 
  Vista da cidade vella de Holzminden.
• 
  Reichspräsidentenhaus.

Véxase tamén

Bibliografía

• Chisholm, Hugh, ed. (1911). "Holzminden". Encyclopædia Britannica (11ª ed.). Cambridge University Press (en inglés). 

Ligazóns externas

• Sitio oficial