Hardhead
| Hardhead de Xacobe VI (1567-1625) | |
|---|---|
.jpg) | |
| IACOB' · 6 · D · G · R · SCO' ·; monograma IR coroado. | · VINCIT · VERITAS ·, león rampante coroado cara á esquerda. |
| Hardhead. BI. 19 mm. [1] | |
O hardhead (tamén coñecido como lion) foi unha moeda escocesa de billón dos séculos XVI e XVII instituída por María Estuardo (1542-1567), inicialmente cun valor de 1,5 peniques ou 1/160 da libra escocesa.[2][3]
O seu nome provén do dunha moeda francesa anterior, o hardit.[2][3]
Historia[editar | editar a fonte]
María Estuardo (1542-1567)[editar | editar a fonte]
María I de Escocia introduciu o hardhead en 1558 no sistema monetario escocés, no marco da súa primeira serie de emisións (1542-1558), xunto con outras moedas menores de billón, como o bawbee e o plack. O seu valor era de 1,5 peniques e tiña un peso de ca. 0,81 gramos.[4][5]
No seu anverso represéntase unha letra M coroada, rodeada pola lenda MARIA · D · G · SCOTOR · REGINA ("María, pola graza de Deus, reina dos escoceses").[6] Pola súa banda, o reverso está ocupado por un león rampante coroado e a lenda VICIT VERITAS ("A verdade vence"). Precisamente a figura deste león fixo que a moeda fose coñecida tamén como lion.[2][4]
En 1559 e 1560, xa durante a segunda serie de emisións, volveuse cuñar o hardhead, cambiando o M do seu anverso por un monograma FM (Francis and Mary) flanqueado por dous golfiños.[7][8]
Xacobe VI[editar | editar a fonte]
Xacobe VI (1567-1625) recuperou esta moeda en 1588, mais nesta ocasión co valor de dous peniques. Xa que logo, tratábase realmente dunha moeda fraccionaria do plack, do que supuña unha cuarta parte, ao valer este oito peniques.[1] O valor de dous peniques marcouse con dous puntos á dereita do león do reverso.[2]
A moeda conserva as características formais da de María I, coa única adaptación do anverso co monograma IR (Iacobus Rex) e a lenda IACOB' · 6 · D · G · R · SCO' · ("Xacobe VI, pola graza de Deus, rei dos escoceses").[9] Tanto o motivo como a lenda do reverso son coincidentes cos da súa antecesora.[1]
Notas[editar | editar a fonte]
- ↑ 1,0 1,1 1,2 "1 Hardhead - James VI". Numista.
- ↑ 2,0 2,1 2,2 2,3 "Hard Head". En Frey, A. R. (1916). Páxina 105.
- ↑ 3,0 3,1 "Hardhead". En Dictionary of the Scots Language. 2004. Scottish Language Dictionaries Ltd.
- ↑ 4,0 4,1 "1 Lion - Mary I 1st Period". Numista.
- ↑ Stewart, I. (1955). Páxinas 80 e seguintes.
- ↑ "Coin (obverse), lion or hardhead, from reign of Mary, Queen of Scots". National Museums Scotland.
- ↑ "Coin (Obverse), lion or hardhead, from reign of Mary, Queen of Scots". National Museums Scotland.
- ↑ "1 Lion - Mary I 2nd Period". Numista.
- ↑ "Coin (Obverse), hardhead, from reign of James VI". National Museums Scotland.
Véxase tamén[editar | editar a fonte]
Outros artigos[editar | editar a fonte]
Bibliografía[editar | editar a fonte]
- Bateson, D, (1987). Scottish Coins. Shire Publications Ltd. ISBN 0-85263-847-7
- Burns, E. (1887). The Coinage of Scotland. Volume I, volume II, volume III. Black, Edimburgo.
- Clarke, J. (1980). "Some Placks and Base Groats of James III of Scotland" (con M. R. Cowell). En Metcalf, D. M.; Oddy, W. A. (eds). Metallurgy in Numismatics I. Royal Numismatic Society. Páxinas 180-183. ISBN 9780901405142
- De Cardonnel, A. (1786). Numismata Scotiæ or a series of the scottish coinage, from the reign of William the Lion to the Union. Edimburgo. G. Nicol.
- Frey, A. R. (1916). A dictionary of numismatic names; their official and popular designations. American Journal of Numismatics. Vol 50.
- Grueber, H. (1899). Handbook of the Coins of Great Britain and Ireland in the British Museum. Londres. [Reimpresión en 1970; ISBN 1-4021-1090-1]
- Holmes, N. (1998). Scottish Coins. Edimburgo. NMS Publishing. ISBN 1-901663-02-7
- Holmes, N. (2006). Sylloge of Coins of the British Isles. 58. Scottish Coins in the National Museum of Scotland, Edinburg. Part I. Oxford University Press. ISBN 0-19-726328-3
- Klütz, K. (2004). Münznamen und ihre Herkunft. Viena. Moneytrend Verlag. ISBN 3-9501620-3-8
- Mackay, J.; Mussel, J. (2016). Coin Price Guide to British Coins. Token Publishing Ltd.
- Martinori, E. (1915). La moneta. Vocabolario generale Arquivado 20 de setembro de 2020 en Wayback Machine.. Roma. Istituto italiano di numismatica.
- Murray, J. K. R. (1972). "The Billon Coinages of James VI of Scotland". En The Nimismatic Chronicle. Royal Numismatic Society. Vol. 12. Páxinas 177-182.
- Seaby, P.; Purvey, F. (1984). Coins of Scotland Ireland and the Islands. Sanford J. Durst. ISBN 978-0900652646
- Stewart, I. (1955). The Scottish Coinage. Londres. Spink & Son.
