Rider
| Rider de Xacobe VI (1567-1625) | |
|---|---|
 | |
| · IACOBVS · 6 · D · G · R · SCOTORVM ·; o rei con armadura e de a cabalo. | · SPERO · MELIORA ·, escudo coroado. |
| Rider. 1593. AU. 5,09 g. [1] | |
O rider (en galego: "cabaleiro") foi unha moeda escocesa de ouro introducida por Xacobe III de Escocia (1460-1488), inicialmente cun valor de 23 xilins ou 1,15 libras escocesas, chamada así pola imaxe do rei como cabaleiro que se amosa no seu anverso.[2][3]
Historia[editar | editar a fonte]
Xacobe II (1460-1488)[editar | editar a fonte]
Xacobe III foi o introdutor de dúas novas moedas de ouro no sistema monetario escocés: o unicorn, de 18 xilins, e o rider, con valor de 23 xilins, que baseaba a súa tipoloxía no franc á cheval, cuñado en Francia preto dun século antes.[4] A súa cuñaxe comezou en 1475.[2] O seu diámetro era en torno aos 24 milímetros e o seu peso de 78,5 grans (ca. 5,06 gramos).[5]
O motivo principal do seu anverso, do que a moeda tomou o nome, é unha imaxe do rei de a cabalo, con armadura, erguendo unha espada na man e cabalgando cara á dereita.[2] A lenda que o circunda é IACOBVS : DEI : GRA : REX SCOTOR ("Xacobe, pola graza de Deus, rei dos escoceses").[5]
No reverso represéntase o escudo coroado coas armas escocesas situado no centro dunha gran cruz, rodeado pola lenda SALVVM FAC POPVLVM TVVM DNE ("Oh, Señor! Salva o teu pobo").[5]
Paralelamente ao rider cuñáronse tamén os valores de 1/2 rider e 1/4 rider.[2][3][6][7][8]
Xacobe VI (1567-1625)[editar | editar a fonte]
Xacobe VI retomou, no marco da súa sétima serie de emisións (1593-1601), a cuñaxe do rider de ouro. Nesta segunda época, a moeda conservaba o peso e a lei da moeda orixinal, e mesmo a súa tipoloxía era moi semellante, coa única alteración da inclusión da data no exergo do anverso e a eliminación da cruz do reverso. O que si que cambiou, por mor da desvalorización do xilin, foi o valor: en tanto que o rider de Xacobe III valía 23 xilins, o de Xacobe VI pasou a valer 100 xilins ou, o que é o mesmo, cinco libras escocesas.[9][10]
A lenda do anverso é · IACOBVS · 6 · D · G · R · SCOTORVM · ("Xacbobe VI, pola graza de Deus, rei dos escoceses") e a do reverso · SPERO · MELIORA · ("Espero cousas mellores").[10]
O rider de Xacobe VI cuñouse anualmente entre 1593 e 1601, excepto en 1596, 1597 e 1600.[10] En paralelo ao rider, neses mesmos anos emitíronse tamén moedas de 1/2 rider, coa mesma tipoloxía.[2][3][6][11]
Notas[editar | editar a fonte]
- ↑ "1 Rider - James VI 7th coinage". Numista.
- ↑ 2,0 2,1 2,2 2,3 2,4 "Rider". En Frey, A. R. (1916). Páxina 201.
- ↑ 3,0 3,1 3,2 "Rider3". En Dictionary of the Scots Language. 2004. Scottish Language Dictionaries Ltd.
- ↑ Klütz, K. (2004).
- ↑ 5,0 5,1 5,2 "1 Rider - James III Issue of 1475-83". Numista.
- ↑ 6,0 6,1 "Scottish Coins". Elks, K. Coinage of Great Britain. Celtic to Decimalisation. Part 12.
- ↑ "½ Rider - James III Issue of 1475-83". Numista.
- ↑ "Coin (reverse), quarter rider, from reign of James III Arquivado 29 de agosto de 2020 en Wayback Machine.". National Museums Scotland.
- ↑ Stewart, I. (1955).
- ↑ 10,0 10,1 10,2 "1 Rider - James VI 7th coinage". Numista.
- ↑ "½ Rider - James VI 7th coinage". Numista.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Rider  |
Bibliografía[editar | editar a fonte]
- Bateson, D, (1987). Scottish Coins. Shire Publications Ltd. ISBN 0-85263-847-7
- Burns, E. (1887). The Coinage of Scotland. Volume I, volume II, volume III. Black, Edimburgo.
- De Cardonnel, A. (1786). Numismata Scotiæ or a series of the scottish coinage, from the reign of William the Lion to the Union. Edimburgo. G. Nicol.
- Frey, A. R. (1916). A dictionary of numismatic names; their official and popular designations. American Journal of Numismatics. Vol 50.
- Grueber, H. (1899). Handbook of the Coins of Great Britain and Ireland in the British Museum. Londres. [Reimpresión en 1970; ISBN 1-4021-1090-1]
- Holmes, N. (1998). Scottish Coins. Edimburgo. NMS Publishing. ISBN 1-901663-02-7
- Holmes, N. (2006). Sylloge of Coins of the British Isles. 58. Scottish Coins in the National Museum of Scotland, Edinburg. Part I. Oxford University Press. ISBN 0-19-726328-3
- Klütz, K. (2004). Münznamen und ihre Herkunft. Viena. Moneytrend Verlag. ISBN 3-9501620-3-8
- Mackay, J.; Mussel, J. (2016). Coin Price Guide to British Coins. Token Publishing Ltd.
- Martinori, E. (1915). La moneta. Vocabolario generale Arquivado 20 de setembro de 2020 en Wayback Machine.. Roma. Istituto italiano di numismatica.
- Seaby, P.; Purvey, F. (1984). Coins of Scotland Ireland and the Islands. Sanford J. Durst. ISBN 978-0900652646
- Stewart, I. (1955). The Scottish Coinage. Londres. Spink & Son.
