Handball-Bundesliga
Handball-Bundesliga | |
---|---|
Fundación | 1966 |
Rexión | Alemaña |
Equipos | 18 |
Actual campión | THW Kiel (20º) |
Máis laureado | THW Kiel (20 títulos) |
Televisión | Sport1 |
Organizador | Deutscher Handballbund (DHB) |
Sitio web | www.dkb-handball-bundesliga.de |
HBL 2015-16 |
A Handball-Bundesliga ou DKB Handball-Bundesliga, é a máxima categoría do balonmán en Alemaña. Foi creada en 1966 e actualmente é o campionato máis destacado a nivel internacional xunto coa Liga ASOBAL do estado español.
Historia[editar | editar a fonte]
As dúas primeiras tempadas, (1947-48 e 1948-49) foron organizadas pola Deutschen Arbeitsausschuss für Handball (DAH). A Deutsche Handballbund (DHB) tomou o relevo en outubro de 1949. A competición realizábase en forma de grupos rexionais cun torneo final ao final da tempada.
En 1966 naceu a Bundesliga como tal, primeiro constituída por dous grupos (Norte e Sur) e logo, dende 1977, nun único grupo formado por dezaoito equipos. En 1981 creouse unha segunda categoría que actualmente está formada por dous grupos (Norte e Sur) formados por dezaoito equipos cada un.