George Shaw
- Non confundir con George Bernard Shaw.
 George Kearsley Shaw | |
| Biografía | |
|---|---|
| Nacemento | 10 de decembro de 1751 Aylesbury  |
| Morte | 22 de xullo de 1813 Londres |
| Datos persoais | |
| Residencia | Inglaterra |
| País de nacionalidade | británica |
| Educación | Hertford College, da Universidade de Oxford |
| Actividade | |
| Campo de traballo | médico, botánico, zoólogo |
| Ocupación | conservador , ictiólogo , ornitólogo , médico , escritor de non ficción , botánico , zoólogo , médico de cabeceira |
| Empregador | Universidade de Oxford Museo Británico |
| Membro de | |
| Interesado en | Botánica |
| Lingua | Lingua inglesa |
| Obra | |
| Abreviación dun autor en botánica | G.Shaw |
| Abreviatura do autor en zooloxía | Shaw |
| Premios | |
| Membro da Royal Society Membro da Sociedade Linneana de Londres Fellow da Sociedade Linneana de Londres | |
Lista
| |
George Kearsley Shaw, coñecido na bibliografía internacional como George Shaw, nado o 10 de decembro de 1751 en Bierton, Buckinghamshire, Inglaterra, e finado o 22 de xullo de 1813 en Londres, foi un médico, botánico e zoólogo inglés.
Traxectoria[editar | editar a fonte]
Macido en Bierton, Buckinghamshire, e estudou no Hertford College, da Universidade de Oxford, recibindo o seu M.A. en 1772. En 1786 foi profeso auxiliar de botánica na Universidade de Oxford. Foi cofundador da Sociedade Linneana de Londres en 1788, e elixido membro da Royal Society en 1789.
En 1791, foi conservador auxiliar da sección de Historia Natural do Museo Británico. Dándose conta de que a maioría dos espécimes que doara ao Museo Hans Sloane estaban en moi malas condicións; o material médico e anatómico que se enviou ao Museo do Royal College of Surgeons, os animais taxidermizados estaban tan deteriorados que deberon ser queimados. A paga do Museo era tan mala que Shaw tivo que escribir moito tempo, e así descoidou a conservación da colección.
Publicou unha das primeiras descricións inglesas cos nomes científicos dalgúns dos animais australianos comúns na súa Zooloxía da Nova Holanda (1794), como se denominaba Australia naquela época. Foi un dos primeiros científicos en examinar un ornitorrinco, e publicou a primeira descrición científica desta especie en The Naturalist's Miscellany, en 1799.
Publicacións[editar | editar a fonte]
- Zoology of New Holland and the isles adjacent, orixinariamente publicado en partes xunto con A specimen of the botany of New Holland de James Edward Smith. O título da obra resumiuse en Zoology and botany of New Holland and the isles adjacent / the zoological part by George Shaw ; the botanical part by James Edward Smith (1794).
- Museum Leverianum, con selectos espécimes do museo de Sir Ashton Lever (1792-1796).
- General Zoology, or Systematic Natural History (16 vols.) (1809-1826) (vols. do IX ao XVI por James Francis Stephens).
- The Naturalist's Miscellany, Or, Coloured Figures Of Natural Objects; Drawn and Described Immediately From Nature (1789-1813) con Frederick Polydore Nodder (artista e gravador).
Abreviaturas[editar | editar a fonte]
- A abreviatura G.Shaw emprégase para sinalar a George Shaw como autoridade na descrición e clasificación científica en botánica.
- A abreviatura Shaw emprégase para eccoñecer a George Shaw como autoridade na descrición e taxonomía en zooloxía.
Véxase tamén[editar | editar a fonte]
 |
Wikimedia Commons ten máis contidos multimedia na categoría: George Shaw  |
 |
Wikispecies posúe unha páxina sobre: George Shaw |
Bibliografía[editar | editar a fonte]
- Mullens e Swann (1917): A Bibliography of British Ornithology.
- William T. Stearn (1998): The Natural History Museum at South Kensington. Londres, Reino Unido: The Natural History Museum. ISBN 978-0-5650-9030-2.
| Control de autoridades |
|
|---|
