Gadisa

GADISA
	; Sede Gadisa en Piadela, Betanzos
Tipo	Distribuidora
Fundación	1985
Matriz	Grupo Tojeiro
Localización	Polígono de Piadela s/n, 15300 Betanzos, A Coruña Galicia
Fundador	Roberto Tojeiro Díaz
Persoas clave	Roberto Tojeiro Rodríguez
Industria	Distribución
Produtos	Alimentación; Distribución
Beneficio	1 100 millóns de euros (en 2016)
Número de empregados	7000
Na rede
	https://www.gadisa.es/
	[ editar datos en Wikidata ]

Gadisa (Gallega de Distribuidores de Alimentación, S.A.) é un grupo empresarial galego do sector da distribución de alimentos.^[2]

Descrición[editar | editar a fonte]

Fundado en 1985 por Roberto Tojeiro Díaz e presidido por Roberto Tojeiro Rodríguez, ten a súa sede en Piadela, Betanzos. Forman parte do grupo empresas como Reganosa, Intasa, Galparket ou Forestal del Atlántico. Gadisa no ano 2010 tiña unha frota de máis de 200 camións, facturando unha cantidade superior aos 900 millóns de euros.^[3] Dá emprego a preto de 7000 traballadores.

Pertencen ao grupo: 204 supermercados Gadis, 10 Gadis Hiper (ata o ano 2012 denominados hipermercados Haley), 151 supermercados Claudio (franquías), 12 almacéns grosistas Cash IFA, o supermercado en-liña Gadisline.com, dúas tendas de delicatessen Casa Claudio, dous centros de distribución en Medina del Campo e Betanzos e outras empresas.

Supermercados Gadis[editar | editar a fonte]

En 1979 abriu o primeiro baixo a marca ALDI, que en 1995 mudou pola actual. Os máis de 200 supermercados Gadis, especializados en produtos frescos, están distribuídos polas provincias galegas, León, Palencia, Salamanca, Valladolid e Avila.

Un dos slogan publicitarios da marca foi "Vivamos como galegos".^[4] creado pola axencia BAP&Conde ^[5], con sede na Coruña, a campaña gañou un Premio Mestre Mateo no ano 2007.

Galería de imaxes[editar | editar a fonte]

Gadis no mercado de Elviña na Coruña.
Hiper Gadis no Burgo no concello de Culleredo.
Monoposte publicitario no Gadis do Burgo en Culleredo.
Gadisa cambiou o deseño das bolsas o Día das Letras Galegas de 2013 para incluír unha imaxe de Roberto Vidal Bolaño e un fragmento das Actas escuras.