G. C. Green

Na Galipedia, a Wikipedia en galego.
G. C. Green
Green en 2014
Nome completoBen George Christian Green
AliasBen Green, Vitriol
Data nacemento1964
Nado enBirmingham Inglaterra
Ocupaciónmúsico
Relacionado conGodflesh, Fall of Because, Final, 16-17
Tempo en activo1982 - 2001, 2010 - presente
Na rede
Musicbrainz: fa64a62c-a34a-47f5-88c1-3d1e7d66b9ea Songkick: 1363882 Discogs: 222391 Editar o valor em Wikidata
editar datos en Wikidata ]

Ben George Christian "G. C." Green, nado en 1964, é un músico inglés coñecido por ser o cofundador e baixista da banda de metal industrial baseada en Birmingham Godflesh.

Biografía[editar | editar a fonte]

Nado en Birmingham, Green involucrouse nas escenas post-punk e gótica da cidade a principios dos anos 80 e fíxose amigo de músicos como Paul Neville e Diarmuid Dalton. Formou a súa primeiroa banda, OPD (Officially Pronounced Dead), en 1982 con Neville. A banda adoitaba a ensaiar na casa de Green ou de Nevilles. Posteriormente pasaron a chamarse Fall of Because pola canción de Killing Joke do mesmo nome en 1985. Inicialmente usaron unha caixa de ritmos básica, tocando Neville a guitarra e Green o baixo e cantando, e escribiron cancións influenciadas polos álbums de The Cure 17 Seconds e Faith. Tras coñecer en 1985 a Justin Broadrick, que daquela tiña 15 anos, fixéronse amigos grazas a súa admiración por The Stranglers e outras bandas de punk. Pouco despois Broadrick comezou a tocar a batería no grupo, e os tres comezaron a compoñer cancións influenciadas por bandas como Swans e Sonic Youth, aínda que mantiñan os matices psicodélicos que eran inherentes aos primeiros traballos de Fall of Because. Nesa época Broadrick ensinoulle a Green a varios artistas como Throbbing Gristle, Whitehouse e SPK.[1][2]

En 1986 gravaron unha demo, Extirpate, nos estudios Rich Bitch de Birmingham e venderon un feixe de copias a amigos e outros músicos da cidade. A banda tamén fixo varios concertos en The Mermaid con xente como Napalm Death, Heresy e Amebix. En 1987 Broadrick deixou Fall of Because para unirse a Head of David. Cando Broadrick foi despedido de Head of David no ano seguinte, el e Green, que estaban compartindo un piso nese momento, formaron Godflesh. Ao longo da súa carreiro Godflesh publicou oito álbums e é unha banda pioneira do xénero do metal industrial.[3] Tras gravar o sexto álbum de Godflesh, Hymns, en outubro de 2001, Green deixou a banda. Foi substituído polo baixista de Prong Paul Raven pero a banda acabaría disolvéndose en 2002 no medio dunha xira europea.[4] Nos anos seguintes Green, que gañou a vida con diversos traballos,[4] desapareceu da escena musical ata 2010.[5]

O único álbum en solitario de Green, I-VII, foi editado co seu alcume Vitriol no ano 1998 a través do selo Neurot Recordings. O disco fora gravado en 1995.[6]

Green casou en 2010[7] e ese mesmo ano Green e Broadrick tamén reformaron Godflesh e comezaron a xirar. O sétimo álbum da banda, e o primeiro dende a reunión, A World Lit Only by Fire, foi editado en 2014. O oitavo traballo, Post Self, apareceu en 2017.

Green realizou a súa estrea en solitario como Vitriol o 8 de decembro de 2018 no Hospital Fest en Queens, Nova York, vinte anos despois de que o álbum de Vitriol fose publicado.[8]

Notas[editar | editar a fonte]

  1. "Justin Broadrick on The Secret History of Godflesh". www.vice.com (en inglés). Consultado o 2020-07-22. 
  2. "JUSTIN BROADRICK Napalm Death - Godflesh - Techno Animal - Jesu - Pale Sketcher". exclaim.ca (en inglés). Consultado o 2020-07-22. 
  3. "Godflesh | Biography & History". AllMusic (en inglés). Consultado o 2020-07-22. 
  4. 4,0 4,1 "Voidhead: Justin Broadrick on the End of Godflesh". Consequence of Sound (en inglés). Consultado o 2020-07-22. 
  5. "The Quietus | Features | A Quietus Interview | Godflesh To Play Supersonic. Justin Broadrick Talks Reformation". The Quietus (en inglés). Consultado o 2020-07-22. 
  6. "Vitriol". Neurot Recordings. 2015-10-04. Archived from the original on 04 de outubro de 2015. Consultado o 2020-07-22. 
  7. "Justin Broadrick interview: Godflesh, growing up and anarcho-punk". Decibel Magazine (en inglés). 2011-10-07. Consultado o 2020-07-22. 
  8. Gordon, Arielle. "Hospital Fest 2018 in review (Power Trip, Prurient, Jesu, Merzbow, Kelly Moran, more)". BrooklynVegan (en inglés). Consultado o 2020-07-22.